Morgunblaðið - 10.01.2008, Page 6

6 FIMMTUDAGUR 10. JANÚAR 2008 MORGUNBLAÐIÐ
FRÉTTIR
„ÞETTA hefur verið mjög áhuga-
vert,“ segir Ingibjörg Sólrún Gísla-
dóttir, utanríkisráðherra, sem lauk í
gær tveggja daga opinberri heim-
sókn til Egyptalands.
Að sögn Ingibjargar Sólrúnar
bauð utanríkisráðherra Egypta-
lands, Ahmed Abdoul Gheit, henni
að sækja Egyptaland heim á alls-
herjarþingi Sameinuðu þjóðanna í
New York í haust . „Honum fannst
ástæða til þess að ég kynntist sjón-
armiðum Egypta varðandi stöðu
mála í Mið-Austurlöndum, hvort
sem það varðaði deilur Palest-
ínumanna og Ísraela eða málefni
Íraks og Írans. Egyptaland er mjög
mikilvægt ríki hér á þessu svæði,“
segir Ingibjörg Sólrún.
Ingibjörg Sólrún hitti jafnframt
að máli Amra Moussa, aðalritara
Arababandalagsins.
Grannt fylgst
með komu Bush
Hún segir greinilegt að í Egypta-
landi sé fylgst grannt með komu
Bush Bandaríkjaforseta á svæðið, en
hann kom til Ísraels í gær. „Það
verður að segjast eins og er að mér
fannst þeir ekki bjartsýnir á frið-
arferlið. Þeir benda á að Ísr-
aelsmenn hafi haldið áfram upp-
byggingu landnemabyggða og það
sé algjör mælikvarði á það hvort
þeim sé alvara í friðarferlinu hvort
þeir hætta slíkri uppbyggingu.“
Hún segir að í Kaíró sé mjög
mikla deigla þessa dagana. Um
helgina hafi t.d. Arababandalagið
fundað um málefni Líbanon og lagt
fram tillögur um hvernig sé hægt að
standa að samningum á því svæði.
Kynntist sjónarmiðum Egypta
til stöðunnar í Mið-Austurlöndum
Viðræður Utanríkisráðherra og Rashid Mohamed Rashid, viðskipta- og iðnaðarráðherra Egypta, ræða saman.
„Egyptaland
mjög mikilvægt
ríki á þessu svæði“
BJARNI Jónsson list-
málari lést á heimili
sínu þriðjudaginn 8.
janúar sl., 73 ára að
aldri. Bjarni fæddist
15. september 1934.
Foreldrar hans voru
Sigríður Bjarnadóttir
húsmóðir og Jón
Magnússon húsgagna-
smiður. Bjarni lauk
gagnfræðaprófi frá
Gagnfræðaskóla Aust-
urbæjar 1951, námi frá
Handíðaskóla Íslands
1954 og frá Kennara-
skóla Íslands 1955. Hann naut til-
sagnar margra af þekktustu listmál-
urum Íslands, m.a. Ásgeirs
Bjarnþórssonar, Ásgríms Jónsson-
ar, Valtýs Péturssonar, Hjörleifs
Sigurðssonar og Jóhannesar Kjar-
vals. Auk þess stundaði hann nám í
píanóleik hjá Guðmundi Matthías-
syni og Páli Kr. Pálssyni og söngnám
hjá Sigurði Birkis.
Bjarni var kennari í
Vestmanneyjum 1955
til 1957 og við Flens-
borgarskóla í Hafnar-
firði og Iðnskólann í
Hafnarfirði 1957 til
1973. Síðan vann hann
eingöngu að myndlist,
hélt fjölda sýninga á ís-
landi og tók þátt í sam-
sýningum erlendis.
Teiknigáfu sína nýtti
Bjarni í ríkum mæli til
verndar þjóðlegum
heimildum og þjóðlífi.
Má þar nefna 60 mál-
verk sem varðveita sögu áraskip-
anna og eru í eigu Þjóðminjasafns
Íslands. Viðamesta verk hans eru
skýringarteikningar í Íslenskum
sjávarháttum, alls fimm bindi.
Fyrri eiginkona Bjarna var Ragna
Halldórsdóttir og seinni eiginkona
hans Astrid Ellingsen, sem lést 2006.
Hann átti fjögur börn og fjögur
stjúpbörn.
Bjarni Jónsson
Andlát
FRIÐBERT Traustason, formaður
Samtaka starfsmanna fjármálafyr-
irtækja (SSF), kveðst ekki hafa orð-
ið var við að upp-
sagnir séu
yfirvofandi hjá
fjármálafyr-
irtækjum. Í
Morgunblaðinu í
gær var greint
frá því að ráðn-
ingarstöðvun
ríkti nú hjá flest-
um fjár-
málastofnunum.
Á liðnu ári hafi störfum fjölgað um
nálægt 650 stöðugildi en nú blasi
við að fækkun starfsmanna á þessu
ári muni a.m.k. nema þeirri tölu.
„Það hefur ekkert komið inn á
okkar borð í þessa veru enn sem
komið er. Ég heyri reglulega í þeim
sem fara með starfsmannamálin og
hef ekki heyrt þetta hjá þeim en
hreyfingin á þessum markaði er
mikil. Ég hugsa að gegnumstreym-
ið á ári sé í kringum 10% […],“ seg-
ir Friðbert. Hann bendir á að
reynslan hafi verið sú að í nið-
ursveiflu fari flest fjármálafyr-
irtæki, þar sem félagsmenn SSF
eru, mjög varlega í uppsagnir og
fremur sé gripið til þess að ráða
ekki í stöður sem losna.
Ekkert í þessa
veru komið á
okkar borð
Friðbert
Traustason
VEL á annan tug tilboða barst í svo-
nefnt Slysavarnafélagshús við
Grandagarð 14 í Reykjavík. Húsið
er í eigu Faxaflóahafna sf. Tilboðs-
frestur rann út 8. janúar síðastlið-
inn.
Gísli Gíslason, hafnarstjóri Faxa-
flóahafna, sagði að tilboðin yrðu
lögð fyrir fund hafnarstjórnar á
þriðjudaginn kemur. Eftir það yrði
greint frá því hvaða tilboði yrði tek-
ið. Gísli sagði að fjöldi tilboða hefði
verið svipaður og hann bjóst við
fyrirfram.
Aðspurður sagði Gísli að ekki
stæði til að rífa húsið. Það er
þriggja hæða og byggt 1961 úr
steinsteypu.
Mörg tilboð
í hús SVFÍ
Til sölu Hús SVFÍ á Grandagarði.
Eftir Andra Karl
andri@mbl.is
UNDANFARNIR mánuðir hafa
verið bjórframleiðendum erfiðir.
Hráefni til bjórgerðar hefur hækkað
gríðarlega í verði og birgjar hér á
landi hafa sumir hverjir þegar hækk-
að verð sitt en aðrir boðað verð-
hækkanir á næstu mánuðum. Hækk-
unin mun þó hafa minni áhrif á
neytendur en verðhækkun birgja
gefur til kynna, sökum gjaldtöku á
áfengi.
„Verðhækkun er óumflýjanleg á
þessum tímapunkti,“ segir á vef Víf-
ilfells en þar er jafnframt tilkynnt að
4. febrúar nk. muni bjór hækka að
meðaltali um 9,5%. Árni Stefánsson
forstjóri segir að það sé undir því
sem þyrfti. Verð á humlum hafi
hækkað um 90%, malti 33% og byggi
um 50% – og búast má við frekari
hækkunum. „Ég heyrði að Bretar
spái allt að 50% hækkun á bjór á
Bretlandseyjum í ár,“ segir Árni en
bendir jafnframt á að það verði ekki
9,5% hækkun á útsöluverði. „Það á
eftir að reikna út skatta og gjöld,
þannig að hækkun úr ÁTVR er sára-
lítil því meginuppistaðan er skattar.“
Ölgerðin hækkaði verð á bjór um
áramót og nam hún að meðaltali 6%.
Ekki skiptir máli hvort um er að
ræða innlendan eða innfluttan bjór.
„Við hefðum þurft að hækka meira,
en það er erfitt að hreyfa sig í sam-
keppnisumhverfi,“ segir Friðjón
Hólmbertsson, framkvæmdastjóri
hjá Ölgerðinni.
Rolf Johansen & Company hefur
þegar hækkað verð á einni tegund og
gert er ráð fyrir að aðrar muni
hækka, í síðasta lagi 1. mars. Gert er
ráð fyrir að hækkunin verði um eða
yfir 8%.
Ætla að bíða og sjá
Hjá bæði Karli K. Karlssyni og
HOB-vínum hefur ekki verið tekin
ákvörðun um verðhækkanir enn sem
komið er, en vel er fylgst með mörk-
uðum. Hjá HOB fengust þær upplýs-
ingar að ekki yrði hækkað á næstu
sex mánuðum en Karli K. að minnsta
kosti ekki þennan mánuðinn. Þá hafa
engar ákvarðanir verið teknar hjá
Vínkaupum.
Hækkandi verð á bjór
 Hráefni til bjórgerðar hefur hækkað gríðarlega í verði
 Innflytjendur og framleiðendur bjórs bregðast flestir við
Morgunblaðið/Brynjar Gauti
Eftir Egil Ólafsson
egol@mbl.is
LÍFEYRISSJÓÐIRNIR eru langtímafjárfestar
og viðbrögð þeirra við niðursveiflu á hlutabréfa-
mörkuðum eru að bíða eftir að jafnvægi komist á
markaði á ný. Sjóðirnir nota hins vegar það fjár-
magn sem kemur nýtt inn í sjóðina til fjárfest-
inga í skuldabréfum sem eru mun áhættuminni
fjárfesting en hlutabréf.
Vilhjálmur Þorsteinsson fjárfestir benti á það
á bloggsíðu sinni að lífeyrissjóðunum hafi um
skeið boðist 14-15% vextir í krónu, algjörlega
áhættulaust. Þessir háu vextir hafi hlotið á end-
anum að valda lækkun hlutabréfa, enda þurfi
þau að keppa við vextina. „Þá er ekki nema von
að spurt sé: af hverju fóru sjóðirnir ekki af krafti
yfir í verðtryggð skuldabréf t.d. á síðasta árs-
fjórðungi 2007? Hlutabréf á niðurleið, skamm-
tímavextir mjög háir, en ótrúlega góð örugg
raunávöxtun í boði til langs tíma.“
Kristján Örn Sigurðsson, framkvæmdastjóri
Sameinaða lífeyrissjóðsins, sagði í samtali við
Morgunblaðið að það væri erfitt fyrir lífeyr-
issjóðina að færa stórar upphæðir milli eigna-
flokka með skömmum fyrirvara. „Ef lífeyrissjóð-
irnir myndu allir sem einn fara að selja hlutabréf
væru þeir um leið að skjóta sig í fótinn. Eðlileg
viðbrögð við niðursveiflu er að snúa sér að
skuldabréfum varðandir nýjar fjárfestingar.
Það má líka ekki gleyma því að hjá lífeyr-
issjóðunum skiptir áhættudreifing og langtíma-
hugsun meginmáli. Við getum í reynd ekki verið
að sveiflast mikið á milli eignaflokka því að þar
með værum við að fara frá þeirri hugsun. Hluta-
bréf, bæði innlend og erlend, hafa gefið mjög
góða ávöxtun undafarin ár, en við vitum jafn-
framt að þar eru sveiflurnar mjög miklar,“ sagði
Kristján.
Aðrir viðmælendur blaðsins tóku undir það
sjónarmið að langtímahugsun og áhættudreifing
skiptu meginmáli. Mönnum bar hins vegar sam-
an um að eftir að hlutabréf fóru að lækka í verði
hafi lífeyrissjóðirnir einbeitt sér að því að kaupa
innlend skuldabréf fyrir allt það nýja fjármagn
sem kemur inn í sjóðina. Þeir bentu jafnframt á
að ein ástæðan fyrir lækkun hlutabréfa væri að
stórir aðilar eins og lífeyrissjóðir væru mjög lítið
að kaupa hlutabréf. Á einhverju stigi væri hins
vegar botninum náð og þá sköpuðust kauptæki-
færi fyrir lífeyrissjóðina.
Byggjast á langtímahugsun
 Eðlileg viðbrögð við niðursveiflu að snúa sér að skuldabréfum vegna nýrra fjárfest-
inga  Ein ástæðan fyrir lækkun hlutabréfa er að lífeyrissjóðir kaupa lítið af þeim nú