Morgunblaðið - 09.02.2008, Blaðsíða 32

» ...slökkvi-
liðs- og
sjúkraflutn-
ingamenn eru
ávallt viðbúnir
að gera sitt
besta til að
bjarga þér og
þínum.
112-dagurinn verður haldinn
mánudaginn 11. febrúar. Að honum
standa margir aðilar, þar á meðal
Landssamband slökkviliðs- og
sjúkraflutningamanna (LSS). Fjöldi
félagsmanna í LSS er um 1500 og
fer fjölgandi vegna aukinna umsvifa
m.a. vegna stofnunar atvinnu-
mannaslökkviliðs í Fjarðarbyggð. Á
meðal markmiða hjá sambandinu er
„að beita sér fyrir aukinni fræðslu
almennings í eldvörnum, slysavörn-
um og fyrstu hjálp.“ Liður í að upp-
fylla það markmið er árleg eld-
varnavika í nóvember sem byggist á
að fræða nemendur í 3. bekk grunn-
skólanna um land allt um eldvarnir
á heimilum. Þessari fræðslu lýkur
formlega á 112-deginum 11. febrúar
með afhendingu verð-
launa fyrir rétt svör
við eldvarnagetraun
LSS. Börnin hafa sýnt
þessu mikinn áhuga og
miðað við aukningu á
sölu reykskynjara í
desember hefur
fræðslan skilað sér inn
á heimilin.
Starf félagsmanna
LSS er fjölþætt og
snýst um meira en að
slökkva elda og keyra
sjúkrabíl.
Starfið getur verið
fjölbreytt, allt frá því að aðstoða
vegna vatnsleka í húsum, slökkva
sinuelda og hreinsa upp eiturefni
upp í að bjarga mannslífum og taka
á móti börnum. Þegar kallið kemur
frá neyðarlínunni er ekki spurt um
dag eða tíma, veður eða árstíð,
slökkviliðs- og sjúkraflutningamenn
eru ávallt viðbúnir að gera sitt
besta til að bjarga þér og þínum.
Það skyldi engan undra hversu
mjög ungviðið lítur upp til þessara
manna og á þann draum heitastan
að verða slökkviliðsmenn þegar
„þau eru orðin stór“. Þetta eru
hetjur í þeirra augum. Þetta eru
hetjur í augum þeirra sem eru
bornir út úr brennandi byggingum
eða dregnir fumlaust út úr bíl-
flökum. Við þurfum að hlúa vel að
þessari starfsstétt. Starfsstétt sem
við vonumst til innst inni að hafi
ekkert að gera…
Notum 112-daginn til að hugsa til
þeirra sem sinna neyðarþjónustu og
hvernig við getum auðveldað þeim
störfin, okkur öllum til heilla.
112-dagurinn
Valdimar Leó Friðriksson
skrifar í tilefni af 112-deginum
Valdimar
Leó Friðriksson
Höfundur er framkvæmdastjóri
Landssambands slökkviliðs- og
sjúkraflutningamanna.
32 LAUGARDAGUR 9. FEBRÚAR 2008 MORGUNBLAÐIÐ
UMRÆÐAN
✝ Benedikt Thor-arensen fædd-
ist í Reykjavík 1.
febrúar 1926.
Hann lést á
Sjúkrahúsi Suður-
lands 26. janúar
síðastliðinn. For-
eldrar hans voru
hjónin Egill G.
Thorarensen kaup-
maður og síðar
kaupfélagsstjóri
Kaupfélags Árnes-
inga á Selfossi, f.
7. janúar 1897, d.
15. jan. 1961 og Kristín Daníels-
dóttir Thorarensen, f. 4. ágúst
1900, d. 29. 12. 1994. Benedikt
var næstyngstur fjögurra systk-
ina sem nú eru öll látin. Þau
voru Grímur, f. 7. júní 1920,
Erla, f. 29. apríl 1923 og Jónína
Guðrún, f. 15. mars 1928.
Hinn 14. mars 1953 kvæntist
Benedikt Guðbjörgu Magn-
úsdóttur Thorarensen, f. 16.
apríl 1923. Foreldrar hennar
voru hjónin Magnús Stefánsson
dyravörður Stjórnarráðsins í
Reykjavík, f. 30. apríl 1891, d.
25 maí 1982 og Arnbjörg Jóns-
dóttir húsfreyja, f. 14. nóv.
1895, d. 1. maí 1980.
Benedikt varð stúdent frá
Menntaskólanum á Akureyri
1945 og lauk cand. phil. prófi
frá Háskóla Íslands vorið 1946.
Hann nam ensku og hagfræði í
Oxford í Englandi þrjá vetur
1948-1950 en snemma árs 1950
fór hann til Fleetwood í nokk-
urra mánuða verklegt nám hjá
stóru útgerðarfyrirtæki þar.
Heimkominn í árslok 1950 hóf
hann þegar vinnu við útgerð-
arfélagið Meitilinn hf. en flutti
til Þorlákshafnar í byrjun ver-
tíðar 1951 og bjó þar síðan.
Hann varð framkvæmdastjóri
Meitilsins sumarið 1951, var þar
í forystu næstu áratugi og vann
þar alla sína
starfsævi. Benedikt
var í stjórn Lands-
hafnarinnar í Þor-
lákshöfn árin 1970-
1990 og formaður
1978-1986. Hann
var fulltrúi Ölf-
ushrepps í sýslu-
nefnd Árnessýslu
árin 1975-1988 og
hreppstjóri 1988-
1996. Benedikt
kom víða að ýms-
um félagsstörfum,
s.s í stjórn Útvegs-
mannafélags Þorlákshafnar þar
sem hann var lengi formaður, í
stjórn Sambands ísl. fisk-
framleiðenda, var formaður
stjórnar Bóka- og minjasafns
Þorlákshafnar frá stofnun þess
1965. Benedikt var í undirbún-
ings- og byggingarnefnd Þor-
lákskirkju og gegndi þar starfi
ritara og lagði verkefninu mik-
ið og gott lið. Nefndin var
stofnuð 1975 og kirkjan vígð
áratug síðar. Þá tók Benedikt
að sér starf safnaðarfulltrúa og
gegndi því fram á síðasta ár.
Safnaðarfulltrúi kemur fram
fyrir hönd kirkjunnar á Héraðs-
fundum prófastsdæmisins og við
margvísleg önnur tækifæri. Þá
var Benedikt lengi í sókn-
arnefnd Þorláks- og Hjallasókn-
ar. Þessu til viðbótar má geta
þess að Benedikt Thorarensen
söng í kirkjukór í hálfa öld.
Hann söng með Söngfélagi Þor-
lákshafnar frá upphafi þess og
var fyrsti formaður Söngfélags-
ins og þegar kirkjukór Þorláks-
kirkju var stofnaður var Bene-
dikt meðal stofnfélaga.
Þá var Benedikt einn af
stofnfélögum hestamannafélags-
ins Háfeta í Þorlákshöfn.
Benedikt verður jarðsunginn
frá Þorlákskirkju í dag og hefst
athöfnin klukkan 14.
Mig langar að minnast föður-
bróður míns Benedikts Thoraren-
sen með nokkrum orðum.
Það er nú ekki svo að ég eigi
mikið af minnigum um frænda úr
æsku eða frá unglingsárunum og
raunar á ég mjög fáar minningar
um Benna, en þær sem ég á mun
ég varðveita vel. Það var ekki fyrr
en eftir að pabbi dó árið 1991 að
ég kynntist Benna raunverulega
og þá fyrir hans tilstilli. Einn góð-
an veðurdag hringdi hann í mig og
spurði hvort ég væri ekki til í
súpu? Mér þótti þetta ákaflega
merkilegt og játti því að sjálfsögðu
og þessir súpufundir, sem urðu
nokkrir og alltaf haldnir í Skrúð á
Hótel Sögu, eru mér ákaflega
verðmætir. Á þessum fundum okk-
ar ræddum við bæði gamla tíma og
nýja en það sem mér fannst skína í
gegn var umhyggja hans fyrir líð-
an minni og fjölskyldunnar, hann
vildi fullvissa sig um að okkur liði
vel og gengi vel með það sem við
höfðum fyrir stafni hverju sinni.
Ég vona og er þess raunar fullviss
að Benna hafi líka þótt afar vænt
um þessa fundi okkar. Benni hafði
sterkar skoðanir á mönnum og
málefnum og lét sig pólitík miklu
varða. Eitt af því sem við ræddum
oft og var Benna mjög hugleikið
var að ekki væri enn búið að reisa
Agli föður hans veglegan minn-
isvarða á Selfossi. En Jarlinum af
Sigtúnum, eins og Guðmundur
Daníelsson rithöfundur kaus að
kalla afa, bæri að sýna þann sóma
vegna hans mikla uppbyggingar-
starfs á Suðurlandi.
Ef ég ætti að lýsa Benna þá
koma mannlýsingar fornkappa úr
Íslendingasögunum upp í hugann
en rödd hans var þó það fyrsta
sem maður tók eftir.
Benni hafði gríðarlega djúpa
rödd, raunar svo djúpa að í sam-
anburði hljómum við hinir eins og
við höfum gleypt krítarpakka.
Raddar hans fengu safnaðar-
gestir Þorlákskirkju að njóta um
langt árabil en nú hefur Benni
flutt sig um set þar sem mun
stærri söfnuður hlustar.
Ein af síðustu minningum fjöl-
skyldunnar um Benna frænda er
frá ættarmóti sem haldið var aust-
ur í Fljótshlíð. Þarna voru sam-
ankomnir afkomendur Egils Thor-
arensen og Kristínar Thorarensen.
Það var okkur öllum sem þar vor-
um mjög dýrmætt að Benni og
Guðbjörg skyldu geta verið með
okkur og sérstaklega börnunum
sem alltof sjaldan höfðu hitt þenn-
an aldna höfðingja.
Ég kveð þig nú Benni frændi og
þakka fyrir súpuna og ísinn, sem
alltaf fylgdi, og bið þig að þenja nú
nikkuna þegar þú mætir á næsta
ættarmót með foreldrum þínum og
systkinum.
Guðbjörgu bið ég góðan guð að
veita styrk og góða heilsu.
Sigurður Thorarensen.
Kveðja frá sóknarnefnd
Þorlákskirkju
Kær vinur okkar og samherji,
Benedikt Thorarensen, er látinn.
Saga Þorlákskirkju og Benna
Thor, eins og við kölluðum hann
ávallt, er samofin til margra ára og
fyrir það viljum við þakka í dag.
Saga Benedikts er fyrir margra
hluta sakir merkileg. Hann var
heimsmaður, fór á sínum yngri ár-
um utan til náms og kynnti sér at-
vinnulíf og menningarmál erlendis
og flutti þá þekkingu með sér heim
til Þorlákshafnar. Hann var til
margra ára einn aðal forystumaður
atvinnulífsins hér í Þorlákshöfn og
lét menningar- og félagsmál mjög
til sín taka. Málefni kirkjunnar
voru honum mjög hugleikin og var
hann því sjálfskipaður í þriggja
manna undirbúningsnefnd sem
stofnuð var árið 1975 og hafði það
að markmiði að sjá til þess að
byggð yrði kirkja í Þorlákshöfn.
Nefnd þessi vann ötullega að
markmiði sínu og með góðra
manna hjálp reis innan nokkurra
ára hin glæsilega Þorlákskirkja á
hrauninu sunnar byggðarinnar í
Benedikt Thorarensen
UMRÆÐAN
UPPLÝSINGASTJÓRI Ice-
landair Group (IG) hótar því í að-
sendri grein til 24 stunda í vikunni
að félagið íhugi nú að
byggja og reka flug-
stöð á eigin vegum.
Kvartar upplýsinga-
fulltrúinn yfir því að fé-
lagið hafi lítið um
reksturinn í Flugstöð
Leifs Eiríkssonar
(FLE) að segja. Af
lestri greinarinnar að
dæma er það helsta
ástæða þess að menn
telja sér betur borgið
með eigin flugstöð.
Greinin kemur í beinu
framhaldi af frétt 24
stunda um að Leifsstöð
sé sprungin og anni ekki lengur
þeim farþegafjölda sem um stöðina
fara. Ég þarf að geta þess sér-
staklega hér að Leifsstöð hefur
ítrekað skipað sér á bekk með þeim
allra bestu þegar ánægja flug-
farþega víða um heim er skoðuð.
Leifsstöð allra landsmanna
FLE er í eigu og rekstri ríkisins.
Á undanförnum fimm árum hafa
38.000 fermetrar verið byggðir við
stöðina til að anna aukinni flug-
umferð með tilheyrandi farþega-
fjölda, kröfum um aukna þjónustu
og síauknum öryggiskröfum. Núver-
andi stærð Leifsstöðvar annar 3,2
milljónum farþega á ári eða 60%
meiru en í dag. Farþegaspár gera
ráð fyrir að því marki verði náð árið
2015. Fram að þeim tíma telja þar til
bærir sérfræðingar aðstöðu í Leifs-
stöð mjög ásættanlega. Það eru því
enn nokkur ár í að hún springi.
Hverju vilja menn stjórna?
Upplýsingastjóri IG lætur þess
ekki getið í grein sinni hvert um-
kvörtunarefnið er varðandi rekstur í
Leifsstöð. Ég þykist þó geta lesið á
milli lína að þar sé upp komin þekkt
krafa um að Leifsstöð með allri til-
heyrandi þjónustu geti annað
stórum hluta flugumferðar á mjög
skömmum tíma. Ef skoðuð er um-
ferð um stöðina í einn sólarhring í
þessari viku, frá miðjum þriðjudegi
og fram á miðjan miðvikudag voru
34 flug áætluð til og frá landinu. 17
þeirra voru afgreidd á 4 klst. Hinar
17 flugvélarnar voru afgreiddar á
þeim 20 klst sem eftir standa af sól-
arhringnum. Í 6-8 vikur yfir hásum-
arið er umframeft-
irspurn sem ekki
verður annað með
góðu móti, fólksfjöldi í
stöðinni er mikill og
þjónustutími lengist.
Það er þekkt staða
víða um heim og er tal-
ið ásættanlegt, enda
um stuttan álagstíma
að ræða. Álagið á
starfsfólk stöðvarinnar
er þar örugglega mest
og leyfi ég mér að full-
yrða að það vinnur af-
rek þar daglega við
slíkar kringumstæður.
Vilji menn hins vegar fjölga frekar
afgreiðslu flugvéla á þessum vin-
sælu 4 klst, kallar það ekki eingöngu
á fleiri landganga, meira rými fyrir
flugfarþega og stækkun tæknirýma
sem geta annað farangursflokkun,
gegnumlýsingu o.þ.h. heldur jafn-
framt á fleiri starfsmenn sem sinna
innritun, öryggisgæslu og annarri
þjónustu í húsinu með tilheyrandi
kostnaðarauka fyrir flugfarþega.
Krafan um skamman biðtíma og há-
marksöryggi minnkar ekki.
Núverandi forgangur
N.k. hefðarréttur ræður því hvaða
tímasetningum flugfélögum er út-
hlutað í Leifsstöð og þar sem upp-
lýsingastjóri IG vekur athygli á því
að félagið hafi verið að lengi og náð
góðum árangri, sem er satt og rétt,
er jafnframt rétt að geta þess að
önnur flugfélög hafa ekki sama rétt
til þess að „velja“ sér tíma til að
sækja þá þjónustu sem við á. Sú
þjónusta er ekki hrist fram úr erm-
inni því hún byggist m.a. á flóknum
og stífum kröfum alþjóðasamfélags-
ins um öryggi flugfarþega.
Ef IG hyggst í alvöru byggja eigin
flugstöð er rekstrargrundvelli og til-
veru Leifsstöðvar hrundið. Stöðinni
verður lokað. Á þeim forsendum eru
hótanir lagðar fram. Til að gera
langa sögu stutta hefur á und-
anförnum árum verið lagt í mikla
vinnu, af miklum metnaði, við að
gera stöðina að eins góðri sam-
göngumiðstöð og hægt er. Það hefur
tekist, ef tekið er mið af þjón-
ustukönnunum meðal flugfarþega.
Samráð og samvinna við flugfélög
eru þar meðtalin þó einhverjum
finnist ósanngjarnt að geta ekki allt-
af fengið allt.
Einokun næsta skref?
Upplýsingastjórinn segir rekstur
eigin stöðvar gera félaginu kleift að
lækkað kostnað og bjóða farþegum
sínum ódýrari og þægilegri ferða-
máta. Öðru nafni heitir þetta einok-
unaraðstaða sem fá dæmi eru um að
leiði til verðlækkunar og aukinnar
þjónustu. Og gleymum því ekki að
til er fordæmi. Reykjavíkurflug-
völlur. Einokunaraðstaða þar er
fullkomin enda engin samkeppni.
Slíkt er óásættanlegt fyrir ferða-
langa.
Það eru örugglega ríkir hags-
munir í húfi fyrir IG og best fyrir fé-
lagið að geta komið og farið að vild.
Það eru hins vegar líka ríkir hags-
munir flugfarþega að dreifa umferð
um Leifsstöð sem mest á sólarhring-
inn til að lágmarka kostnað við þjón-
ustuna og nýta aðstöðu og mann-
skap sem best. Að ekki sé talað um
eðlilega samkeppni. Auðvitað er
ekkert annað hvort eða í þessu máli
en það gildir um alla sem hlut eiga
að máli.
Fyrirtækin í landinu kalla á að fá
að gera upp í erlendum gjaldmiðlum
til að losna við sveiflur hinnar litlu
íslensku krónu í rekstri sínum. IG
kallar, með kröfum sínum, á slíkar
sveiflur í rekstri Leifsstöðvar sem
aftur kalla á stóraukinn stofn- og
rekstrarkostnað. Hinn kosturinn er
birtur í hótun upplýsingastjórans
um nýja einokunaraðstöðu.
Má bjóða þér einokun?
Helga Sigrún Harðardóttir
skrifar um flugstöðvarrekstur »Núverandi stærð
Leifsstöðvar annar
3,2 milljónum farþega á
ári eða 60% meiru en í
dag. Farþegaspár gera
ráð fyrir að því marki
verði náð árið 2015.
Helga Sigrún
Harðardóttir
Höfundur er fyrrverandi stjórn-
armaður í FLE hf.
Sími 551 3010
Skólavörðustíg 21, Reykjavík
sími 551 4050
Glæsileg
brúðarrúmföt
í úrvali