Morgunblaðið - 10.02.2008, Qupperneq 29

tónlist
MORGUNBLAÐIÐ SUNNUDAGUR 10. FEBRÚAR 2008 29
uppnefna gyðinga í New York (Hy-
mies og Hymietown), sem hann síð-
ar baðst afsökunar á, en skaðinn var
skeður.
Þegar demókratar skelltu á for-
setaskeið fyrir kosningarnar 1988,
mætti Jackson til leiks sterkari en
nokkru sinni fyrr. Hann var frjáls-
lyndur demókrati með sterka stöðu
sem talsmaður mannréttinda og
framkvæmdamaður á því sviði. Og
hann hafði aðgang að digrari kosn-
ingasjóðum og betri kosningavél en
fjórum árum fyrr.
En þótt hann nyti nú meðbyrs
sem aldrei fyrr, lagðist stríðslukkan
ekki öll hans megin. Hann vann ell-
efu forkosningar og fékk 6,9 millj-
ónir atkvæða og mætti á flokks-
þingið með 1.218 kjörmenn, sem
dugðu lítt gegn 2.687 kjörmönnum
Michaels Dukakis. Ýms stök mál
urðu til að gera Jackson erfitt fyrir í
forkosningunum; hann lenti m.a. í
vandræðum vegna afbrota hálf-
bróður síns, en umfram allt er talið,
að tími blökkumanns í forseta-
framboð í Bandaríkjunum hafi ein-
faldlega ekki verið kominn.
Persónulegur ráð-
gjafi Bills Clinton
Þegar leið að forsetakosningum
1992, komu þær raddir upp innan
demókrataflokksins að nú væri tími
Jesse Jackson kominn. En hann
sagðist vera búinn að fá sig full-
saddan af eftirsókn eftir Hvíta hús-
inu. Sól Bills Clinton reis hratt á
himni demókrata, en Jackson var
framan af lítt hrifinn af „þriðju leið-
inni“ hans, fannst hún full hófsöm,
en snerist svo á sveif með Clinton og
gekk rösklega fram í því að afla hon-
um stuðnings blökkumanna. Vinátta
tókst með Jackson og Clinton; Jack-
son var persónulegur vinur forseta-
hjónanna og persónulegur ráðgjafi
forsetans, sem sæmdi hann frels-
isorðunni, æðsta borgaralega heið-
ursmerki Bandaríkjanna.
Jackson hélt áfram að tala fyrir
mannréttindum og var áfram
þungaviktarmaður innan demó-
krataflokksins, þótt ljóst væri að
hann væri að hverfa úr fremstu röð.
Ummælin um gyðingana í New
York eru ekki einu ummælin um
gyðinga sem Jackson hefur misst út
úr sér og lent úti í kuldanum fyrir.
Þegar leikurinn endurtók sig, var
hann fljótur að biðjast afsökunar og
var einn ganginn enn tekinn í sátt
og honum boðið til flokksþingsins
2000 til þess að tala til stuðnings Al
Gore og Joe Lieberman. Eftir kosn-
ingarnar var Jackson áberandi í
mótmælum í Flórída gegn „vand-
ræðaganginum“ í sambandi við taln-
ingu atkvæða þar.
Og Jackson hefur ekki látið deig-
an síga í mannréttindabaráttunni.
Síðast í fyrrasumar var hann hand-
tekinn vegna mótmælastöðu í skot-
vopnaverzlun, en mótmælendurnir
héldu því fram að verzlunareigand-
inn seldi klíkufélögum vopn og
stuðlaði þannig að hnignun sam-
félagsins. Jackson neitaði að víkja
úr verzlunardyrunum og hleypa við-
skiptavinum framhjá og var fluttur
burt í járnum fyrir vikið.
Sonur á þing og
dóttir framhjá
Jackson og kona hans, Jacqueline
Lavinia (Brown) Jackson, eiga fimm
börn og er elzti sonur þeirra, Jesse
Jackson jr., fulltrúadeildarþingmað-
ur fyrir Illinois. 2001 var upplýst að
Jackson hafði átt í ástarsambandi
við starfskonu sína og eignast með
henni stúlku og að peningagreiðslur
Regnboga/Push-samtakanna til
hennar orkuðu tvímælis. Jackson
dró sig tímabundið í hlé vegna þess-
ara mála.
Jackson þykir með eindæmum
áhrifamikill ræðumaður. Ég hef sótt
messu í Harlem þar sem Jesse Jack-
son steig í stólinn. Um ræðumann-
inn Jesse Jackson er engu logið.
Þótt ég muni ekki öll atriði ræð-
unnar núna stendur ræðumaðurinn
mér ljóslifandi fyrir hugskots-
sjónum og röddin hljómar enn.
Britannica
Morgunblaðið
The New York Times
Wikipedia
freysteinn@mbl.is
Færeyska orðið tutl er þaðsem á íslensku mættikalla öldugjálfur, þ.e.þetta fissandi hljóð sem
heyrist er aldan er í andarslitr-
unum, rennandi upp sandinn. Jack
Johnson þekkir þetta hljóð mæta
vel enda var fyrsta ástríðan brim-
bretti og í eina tíð var Johnson á
góðri leið með að verða atvinnu-
maður í íþróttinni. Þegar Johnson,
sem fæddist á Hawaii árið 1975,
var ekki að veltast um í öldurót-
inni lét hann líða úr sér á á
ströndinni. Þægilegur andvari
hafsins leitaði auðheyrilega inn í
tónlist Johnsons, sem átti þó ekki
eftir að veita henni útrás fyrr en
mörgum árum síðar. Því öfugt við
stillu hennar hefur ævi Johnsons
verið nokk ævintýraleg þar sem
gengið hefur á með éljum og hríð-
arbyljum. Johnson er enda ekki
allur þar sem hann er séður, er
fjölhæfur skolli sem tók sér drjúg-
an tíma í að finna sína fjöl.
Bara að gutla
Johnson var sautján ára þegar
hann landaði samningi við Quiksil-
ver brimbrettaframleiðandann og
leiðin í heim atvinnumennskunnar
virtist greið. Hann lendir þá í al-
varlegu slysi, skerst illa í andliti
og mölvar í sér tvær framtennur.
Alls þurfti að sauma 150 spor og
Johnson var frá störfum í tvo
mánuði. Sér til dægrastyttingar
tók hann að glamra á gítarinn
sinn sem hann lærði á fjórtán ára
gamall, og lék sér að því að setja
saman lagstúfa.
Fyrir Johnson var gítargutlið þó
bara til að drepa tímann. Hann
lagði brimbrettinu eftir að bata
var náð og flutti austur til Kali-
forníu þar sem hann innritaðist í
kvikmyndanám við University of
California, sem staðsettur er í
bænum Santa Barbara. Og líkt og
með brimbrettin varð Johnson þar
fljótlega fremstur á meðal jafn-
ingja. Árið 2000 bjó hann til heil-
mildarmynd ásamt vini sínum um
iðjuna sem hann hafði yfirgefið,
mynd sem hann nefndi Thicker
Than Water og svo aðra slíka, The
September Sessions, tveimur árum
síðar. Myndirnar vöktu talsverða
athygli og þá sérstaklega tónlistin
sem var undir, en hún var að sjálf-
sögðu eftir Johnson sjálfan.
Johnson leit enn á tónlistina
sem aukaafurð, praktískt mál sem
þurfti að leysa fyrir kvikmynd-
irnar. Það var ekki fyrr en upp-
tökustjórnandinn J. P. Plunier
kom að Johnson og þrýsti á hann
um að gera plötu að hann fór að
hugsa málin lengra. Plunier hafði
verið að vinna náið með Ben Har-
per sem var í miklum metum hjá
Johnson, og saman tóku þeir upp
fyrstu sólóplötu Johnsons, Brus-
hfire Fairytales, og kom hún út
árið 2001. Ári síðar stofnaði John-
son svo plötuútgáfuna Brushfire
Records til að gefa út eigin tónlist
og annarra, en á mála hjá fyr-
irtækinu eru m.a. samverkamaður
Beastie Boys, Money Mark, trúb-
barnir Mason Jennings og Mark
Costa og nýrokksveitin geðþekka
Rogue Wave.
Næsta plata Johnson var svo On
and On (2003) en hann treysti sig
síðan rækilega í sessi með plöt-
unni In Between Dreams (2005).
Ári síðar ákvað Johnson að
sprikla svolítið með því að tón-
setja kvikmyndina Curious
George. Johnson hefur sagt að
hann hafi tæmt úr gleði- og
gáskaskjóðunni á þeirri plötu og
nýja platan beri því með sér öllu
íbyggnari smíðar.
Löng nasahár
Jack Johnson er þó að vonum
spakur með þetta allt saman, eins
og lund hans og list á til, og hefur
lítið gefið upp um plötuna annað
en að hann hafi þyngst nokkuð og
nasahárin séu að lengjast. Hann
segir þá að börnin sín tvö spili
mögulega inn í andblæ plötunnar.
Johnson tileinkar hana frænda
sínum sem lést og sumir vilja
meina að hún sé máluð nokkuð
dekkri litum en undanfarnar skíf-
ur vegna þessa. Þetta er þó ofmat,
að áliti þess sem skrifar. Öldurót
lífsins hefur sannanlega skilað
ýmsu misjöfnu upp að fótum John-
sons í gegnum tíðina en honum
virðist í lófa lagið að taka hlut-
unum af stöku æðruleysi. Hann
rúllar því áfram sína leið, í takt
við tutlið, nú sem endranær.
arnart@mbl.is
Jack Johnsons er fjölhæfur skolli Hann erjafnvígur á brimbretti, kvikmyndatökuvél og kassagítar en þaðsíð-
astnefnda er þó það sem hefur fært honum hvað mesta frægð.
Í takt við tutlið
Jack Johnson hefur
með stóískri ró plant-
að ljúfum stemmum
inn á milljónir manna
um leið og hann hefur
siglt glæsilega undir
radar smekkmótara .
Hann gaf út fjórðu
hljóðversplötu sína,
Sleep Through The
Static, í vikunni en
hana tók þessi fyrr-
verandi brimbretta-
kappi upp með til-
stuðlan sólarorku.
Arnar Eggert Thor-
oddsen rekur feril
Johnsons .
» Johnson er enda ekkiallur þar sem hann er
séður, er fjölhæfur skolli
sem tók sér drjúgan
tíma í að finna sína fjöl.
Menningarmálanefnd
Mosfellsbæjar auglýsir eftir
umsóknum um fjárframlög til
lista- og menningarstarfsemi
2008
Menningarmálanefnd auglýsir eftir aðilum sem óska eftir fjár-
framlögum frá nefndinni vegna listviðburða og menningarmála
árið 2008. Hér undir falla áður árviss fjárframlög til margvísle-
grar menningarstarfsemi í bænum, auk nýrra.
Reglur um úthlutun
1. Rétt til að sækja um framlög til nefndarinnar hafa listamenn,
samtök listamanna og félagasamtök, sem vinna að listum og
menningarmálum í Mosfellsbæ.
2. Fjárframlög til lista og menningarmála eru af tvennum toga:
a) Verkefnastyrkir til einstakra verkefna.
b) Starfstyrkir til félagasamtaka á sviði lista og
menningarmála í Mosfellsbæ.
3. Nauðsynlegt er að umsækjendur tilgreini nákvæmlega til
hvaða verka ætlað er að verja framlögunum.
4. Umsóknum skal skilað í síðasta lagi þann 3. mars 2008 á
skrifstofu fræðslu- og menningarsviðs Mosfellsbæjar. Þeim
ber að skila á sérstökum umsóknareyðublöðum, sem hægt
er að fá hjá Þjónustuveri Mosfellsbæjar. Þeir sem óska eftir að
fá eyðublöðin á rafrænu formi sendi netfang sitt til
Þjónustuvers á netfangið: mos@mos.is merkt: Ósk um
eyðublað vegna styrkja til menningarmálanefndar.
Rafrænum umsóknum ber að skila á netfangið: bth@mos.is
5. Nefndin áskilur sér rétt til að hafna umsókn umsækjanda að
hluta eða alfarið.
6. Niðurstöður menningarmálanefndar Mosfellsbæjar munu
liggja fyrir eigi síðar en 31. mars 2008 og eru háðar
samþykki bæjarstjórnar.
Fræðslu- og menningarsvið Mosfellsbæjar
Þverholti 2
270 Mosfellsbær