Morgunblaðið - 02.03.2008, Blaðsíða 4

4 SUNNUDAGUR 2. MARS 2008 MORGUNBLAÐIÐ
FRÉTTIR
3.
S
umu námi getum við lokið af í eitt
skipti fyrir öll. Þá er námi lokið,
við búin að læra, getum ekki
aukið við kunnáttuna, aðeins
týnt niður, ryðgað, trénast, ef
við gætum ekki fengins forða.
Hafi ég lært að lesa er ég búinn að því.
Það er afgreitt mál – með greindum fyr-
irvara.
Hafi ég lært á fiðlu er ég aldrei búinn að
því.
Hafi ég lært að trúa og biðja er ég aldrei
búinn að því.
Menn geta náð öllum þeim prófum og
gráðum, sem þeir sækjast eftir og kostur
er á. En það vita sannmenntaðir menn, að
hafi einhver náð eitthvað áleiðis í fræði-
grein og þykist þá vera „búinn að læra“, þá
er sá fallinn á úrslitaprófi, hvað sem gráð-
um líður.
Og hvenær er ég búinn að læra að lifa?
Búinn að læra á sjálfan mig? Og á það fólk,
sem ég á mest undir að kunna að umgang-
ast?
Og þó að mér kynni að finnast ég hafa
heyjað mér svör við öllu, sem ég tel mig
þurfa að vita, þá stendur eftir spurningin:
Hver ertu sjálfur? Hvað er á bak við þessa
bókstafi, sem tákna nafnið mitt? Nafn, sem
var fært inn á þjóðskrá á sínum tíma og er
þar, merkt einhverju númeri, en verður
bráðum strikað út af skrá yfir lifandi fólk?
Hvaða „númer“ er ég þá? Menn skrifa
nafnið sitt og nafnnúmerið að jafnaði án
neinna tilfinninga.
Hvað þá önnur nöfn. Menn lesa og heyra
nöfn í sífellu án þess það veki neinskonar
kenndir.
Samt vita allir, að það er mikið á bak við
þá fáu bókstafi eða tölustafi, sem tákna
manneskju, mig eða þig, hverja sem er.
Hver mælir það?
Hvar eru þau vísindatæki á rannsóknar-
stofum, sem geti mælt það, sem kann að
rúmast þar að baki af gleði og gráti, unaði
og kvöl, fegurð og viðbjóði?
Aldrei opnar maður dagblað eða sjón-
varp án þess að sjá nöfn og myndir fólks,
sem einhverjar fréttir fara af, góðar eða
vondar.
Þar er einn eða ein, sem nýtur frægðar
og frama og hefur óskabyr við hliðina á
öðrum, sem sætir verstu áföllum. Og hvert
nafn, hvert andlit er leifturmynd af mann-
legu lífi. Þar sé ég fulltrúa þess mannkyns,
sem ég heyri til, þar er bróðir eða systir að
því leyti, að þau finna til eins og ég, hafa
grátið til mömmu sinnar í upphafi eins og
ég til minnar og brosað við henni seinna,
eins og ég við minni.
Þau svíður í sár og meiðsli eins og mig.
Og þau eiga sama skapara og frelsara og
ég. Þau eiga framundan sitt dauðastríð
eins og ég mitt.
Í þessum skrifuðum orðum er ég með
dagblað á borði mínu.
Þar er mynd af dauðadæmdum manni,
andlit hans merkt af myrkri fortíð og
skelfilegum ævilokum.
En á sömu síðu má sjá ung, tiginborin,
glæsileg hjón, geislandi af hamingju, með
nýfæddan son sinn, sem hvílir sæll á örm-
um móður sinnar.
Tvær svipmyndir af mannkyni dagsins í
dag.
Tilbrigði þeirra mynda eru eins marg-
breytileg og mennskir menn eru margir.
Hvað er maðurinn?
Hver er hin raunverulega, sanna mynd
af honum? Hvað er honum ætlað? Hvert
stefnir hann?
HUGVEKJA
Sigurbjörn
Einarsson
Leit og svör
Menn geta náð öllum þeim próf-
um og gráðum, sem þeir sækjast
eftir og kostur er á. En það vita sann-
menntaðir menn, að hafi einhver náð
eitthvað áleiðis í fræðigrein og þykist þá
vera „búinn að læra“, þá er sá fallinn á
úrslitaprófi, hvað sem gráðum líður.
»
„ÞETTA er miklu skemmtilegra
þegar karlarnir eru ekki með og
það ríkir allt önnur stemning. Það
er rosafjör hjá okkur og gleði,
kvöldvökur með kjötsúpu, gítar og
söng,“ sagði Kristín Sigurðardóttir,
talsmaður stórs kvennahóps ferða-
klúbbsins 4x4 er lagði upp í jeppa-
ferð á föstudaginn og er væntan-
legur aftur til Reykjavíkur í dag.
Konurnar lögðu af stað í nokkr-
um hópum og náði ljósmyndari
Morgunblaðsins mynd af einum
þeirra. Alls eru konurnar 56 talsins
á 23 bílum og er sú yngsta aðeins
tólf ára. Hópurinn heldur til í skála
ferðaklúbbsins við Hofsjökul, en
leggur í ferðir þaðan og var förinni
m.a. heitið upp á Hofsjökul í gær.
„Við förum heim á morgun og það
fer eftir veðri hvort við förum yfir
Langjökul,“ sagði Kristín og ákaf-
inn leyndi sér ekki í röddinni.
Kvennaferð ferðaklúbbsins 4x4 var farin um helgina
Morgunblaðið/Árni Sæberg
Kvöld-
vökur og
kjötsúpa
NIÐURSTAÐA höfunda nýrrar
skýrslu Bresku læknasamtakanna
(MBA) um misnotkun áfengis þar í
landi er að mikilvægt sé að stjórn-
völd standi fyrir öflugri vímuvarn-
arstefnu.
Unnið gegn vímuvarnar-
stefnunni með afnámi hafta
Fjallað er um skýrsluna í leiðara
nýjasta heftis tímaritsins BMJ, sem
gefið er út af Bresku læknasamtök-
unum. Þar er á það bent að stór-
aukin áfengisneysla í Bretlandi að
undanförnu – en Bretar eru nú í átt-
unda sæti meðal Evrópuþjóða þegar
mæld er áfengisneysla íbúanna – sé
engin tilviljun heldur bein afleiðing
af þeirri upplausn og niðurrifi fyrri
vímuvarnarstefnu breska yfirvalda
sem áður hafði reynst vel. Unnið
hafi verið gegn vímuvarnarstefn-
unni með afnámi hafta og viðskipta-
frelsi, t.d. með sólarhringsopnun og
aðgengi að áfengi.
Hækkun skatta getur dregið
stórlega úr neyslu
Leiðarahöfundur bendir á að sýnt
hafi verið fram á að hækkun skatta
á áfengi geti skilað sér í stórauknum
samdrætti á neyslu, sérstaklega hjá
yngri neytendum, auk þess sem
snemmbúin afskipti og sérhæfðar
meðferðir séu árangursríkar leiðir
til þess að takast á við hættulega og
skaðlega drykkjumenn.
Meðal þess sem skýrsluhöfundar
leggja til er að dregið verði úr að-
gengi neytenda að áfengi, með því
til dæmis að hætta að leyfa sölu
áfengis allan sólarhringinn, skattar
á áfengi verði hækkaðir, bannað
verði að markaðssetja bragðbætta
áfengisdrykki til handa ungmenn-
um, tekið verði harðar á akstri undir
áhrifum áfengis með því t.d. að
lækka leyfilegt áfengismagn í blóði
úr 80mg/ 100ml niður í 50mg/ml,
leyft verði að standa fyrir tilvilj-
unarkenndum áfengismælingum
ökumanna án þess að grunur hafi
leikið um ölvun við akstur, farið ver-
ið að prenta á allar umbúðir áfengis
upplýsingar um breska staðla um
áfengisneyslu innan heilbrigðis-
marka sem kveða á um að karlmenn
skuli ekki neyta fleiri en 21 áfeng-
iseininga á viku en konur ekki fleiri
en 14.
Skýrsluhöfundar kalla ekki síst
eftir því að mótuð verði alþjóðleg
stefnumið að fyrirmynd og í sam-
ræmi við afstöðu WHO þegar kem-
ur að tóbaksvarnarmálum.
Öflug vímuvarnar-
stefna er áskjósanleg
KRISTÍN M. Jó-
hannsdóttir,
doktorsnemi í
málvísindum við
háskólann í
Bresku Kólumbíu
í Kanada, hefur
verið ráðin yfir-
maður tungu-
málaþjónustu
vetrarólymp-
íuleikanna, sem
fara fram í Vancouver árið 2010.
Kristín mun hafa yfirsjón yfir hópi
sjálfboðaliða sem starfa sem túlkar
fyrir keppendur og mun hefja störf
1. júní næstkomandi.
„Þetta er að mörgu leyti drauma-
starfið,“ sagði Kristín og bætti við að
algjör tilviljun hefði ráðið því að hún
sótti um starfið. „Vinkona mín sendi
mér auglýsinguna á netinu fyrir
mánuði, daginn áður en umsókn-
arfrestur rann út.“
Kristín mun starfa fyrir Vanoc,
ólympíunefndina í Vancouver. „Mitt
starf verður að ráða fólkið og þjálfa
það til þess að túlka t.d. fyrir framan
fjölmiðla. Þegar að leikunum kemur
þarf að ákveða staðsetningu túlk-
anna, t.d hverjir eigi að vera á flug-
vellinum, á keppnissvæðinu, í fjöl-
miðlum. Það þarf að fylgjast vel með
greinunum og hver sé líklegur til
þess að vinna og sjá til þess að túlk-
ur sé fyrir þá ef þörf er á.“
Kristín segir að hún komist nú
loksins á vetrarólympíuleika en hún
æfði skíði í 10 ár og var í unglinga-
landsliðinu á sínum tíma, og hefur
því lengi dreymt um að komast á
ólympíuleika. „Starfið sameinar
tvennt sem ég elska, tungumál og
íþróttir,“ segir hún.
Yfirmaður tungu-
málaþjónustu á ÓL
Starfið sameinar tungumál og íþróttir
Kristín M.
Jóhannsdóttir
SKIPTUM er lokið á þrotabúi Huga
hf., sem áður var Tímaritaútgáfan
Fróði hf., og greiddust um 8,6% upp
í almennar kröfur en ekkert fékkst
upp í eftirstæðar kröfur. Með úr-
skurði héraðsdóms Reykjavíkur
uppkveðnum 30. desember 2004
var búið tekið til gjaldþrotaskipta.
Engum veðkröfum var lýst en for-
gangskröfum að upphæð 5.871.205
kr. var hafnað. Almennar kröfur
voru samtals 501.116.172 kr. og
greiddust 43.302.952 kr. upp í þær
eða um 8,6%. Skiptastjóri þrotabús-
ins var Helgi Birgisson hrl.
Um 8% upp í al-
mennar kröfur
VEGAGERÐIN og Eykt ehf. hafa
skrifað undir samning um að Eykt
ljúki smíði brúa vegna mislægra
gatnamóta á Reykjanesbrautinni.
Verkið mun hefjast um miðjan
mars. Tvær brýr eru eftir á þeim
níu kílómetra langa kafla sem bíður
tvöföldunar. Reiknað er með að
fyrri brúarsmíðinni ljúki 5. júlí og
þeirri seinni í september/október.
Eykt lýkur
við brúarsmíði