Morgunblaðið - 20.03.2008, Blaðsíða 8

8 FIMMTUDAGUR 20. MARS 2008 MORGUNBLAÐIÐ
FRÉTTIR
SYRKTARFÉLAG krabbameins-
sjúkra barna hefur fært Barnaspít-
ala Hringsins að gjöf ýmislegt sem
nýtist veikum börnum sem þar
dvelja sem og aðstandendum
þeirra. Félagið hefur m.a. gefið
fullkominn fjarkennslubúnað, hæg-
indastóla og húsgögn. Ávallt er litið
til þess hvað vantar hverju sinni og
samstarf haft við starfsfólk spít-
alans um hver þörfin sé.
Árlega greinast um 250 þúsund
börn í heiminum með krabbamein.
Meðferðarárangri hefur fleygt
fram og þar sem árangur er bestur
má ætla að um 70%-80% barnanna
læknist af sjúkdómnum. Slíkur ár-
angur næst þó ekki alls staðar.
Gjöf til Barna-
spítalans
SIGURBJÖRN
Einarsson biskup
predikar í kvöld,
skírdagskvöld,
við messu í Dóm-
kirkjunni.
Síðar á þessu
ári eru 70 ár síð-
an dr. Sig-
urbjörn var vígð-
ur prestur í
Dómkirkjunni í
Reykjavík.
Í kvöld fjallar hann um trúarlegt
innihald bænadaganna og mik-
ilvægi þeirra fyrir trú og líf.
Dómkórinn syngur undir stjórn
Marteins H. Friðrikssonar
Fyrir altari þjóna dómkirkju-
prestarnir sr. Hjálmar Jónsson og
sr. Anna Sigríður Pálsdóttir.
Predikar í
Dómkirkjunni
Sigurbjörn
Einarsson
UNGIR jafnaðarmenn (UJ) reyndu í gær að færa sendiráði Kína opið bréf
vegna aðgerða kínverskra stjórnvalda gegn stuðningsmönnum útlaga-
stjórnar Tíbets. Í bréfinu spyrja UJ m.a. um hernám Kína í Tíbet. Í tilkynn-
ingu frá UJ segir að enginn hafi komið til dyra en að Anna Pála Sverr-
isdóttir, formaður UJ, hafi límt bréfið á hurð sendiráðsins og sent það í
pósti til sendiherrans. „Það er kaldhæðnislegt að sendiráðið hafi kosið að
beita þöggunaraðferðinni og hundsa bréf UJ í ljósi þess að fyrsta spurning
ungra jafnaðarmanna til sendiherrans fjallar um það hvers vegna kínversk
stjórnvöld reyna að koma í veg fyrir fjölmiðlaumfjöllun um Tíbet, en eng-
um fjölmiðlum er hleypt inn í landið,“ segir í tilkynningu frá UJ.
Límdu bréf á sendiráð Kína
Morgunblaðið/Golli
Á ANNAN í páskum verður boðið
upp í gönguferð með leiðsögn Bláa
Lónsins og Grindavíkurbæjar.
Gangan hefst kl 13. við bílastæði
Bláa Lónsins og er áætlað að hún
taki um 2-3 stundir. Ekkert þátt-
tökugjald er í gönguna.
Gengið verður um mosagróið
Illahraun, framhjá Rauðhól, farið
með skipstíg, fornri þjóðleið, haldið
austur með suðurhlíðum Þorbjarn-
arfells og inn á Baðsvelli þar sem
ætlunin er að kíkja á þjófaslóðir og
hin gömlu sel Grindvíkinga. Þá
verður gengið yfir að svæði Hita-
veitu Suðurnesja og um hið lit-
skrúðuga lónsvæði að lækn-
ingalindinni og endað við Bláa
Lónið þar sem verður tilboð fyrir
gesti, 2 fyrir 1 í lónið.
Illahraun og Baðsvellir meðal
viðkomustaða í gönguferð
NOKKRAR bílasölur með notaða
bíla eru á Kletthálsi í Reykjavík og
segja bílasalar þar að sala á notuðum
bílum hafi verið ágæt að undanförnu
þótt erfiðara sé að fá lán en áður. Í
þeim tilfellum þar sem bílalán hafi
hækkað vegna gengisbreytinga haldi
fólk frekar að sér höndum en að
borga með bílunum.
Glitnir tilkynnti bílasölunum í
fyrradag að ekki væri lengur boðið
upp á bílalán í erlendri mynt. Há-
markslán væri 70-80% af bílverðinu
og gengið væri út frá svonefndri sjö
ára reglu, það er að aldur bíls og
lánstími fari ekki yfir sjö ár. Aðrar
lánastofnanir hafa einnig hert lána-
skilmála sína með svipuðum hætti.
Bílasalarnir segja að þeir sem hafi
tekið lán í erlendri mynt nýlega séu
eðlilega ekki í góðri stöðu eftir geng-
isfallið undanfarna daga. Einn bíla-
sali nefnir að kaupandi hafi tekið 10
milljóna króna lán í erlendri mynt í
nóvember til að kaupa bíl. Lánið sé
nú komið upp í 14,6 milljónir og 14,9
milljónir séu settar á bílinn. Seljist
bíllinn á því verði hafi eigandinn
samt sem áður tapað um fjórum
milljónum. Annar bendir á að dæmi
séu um að afborganir af tveggja
milljóna króna láni sem hafi verið
tekið fyrir þremur til fjórum mán-
uðum hafi farið úr 30 þúsundum
krónum á mánuði upp í 48 þúsund og
að höfðustóll lánsins sé kominn í 2,4
milljónir.
Hægt að gera góð kaup
Þrátt fyrir þetta er enginn bar-
lómur í bílasölunum. Þeir segja að
gera megi góð kaup á notuðum bílum
og salan að undanförnu hafi jafnvel
verið meiri en gera hafi mátt ráð fyr-
ir við eðlilegar aðstæður. Þá sé áber-
andi að fólk kaupi frekar bensín-
jeppa en dísiljeppa og margir borgi
með einni færslu á greiðslukorti.
Vignir Arnarson, sölumaður not-
aðra bíla hjá Bílaþingi Heklu, segir
að mikil eftirspurn sé eftir ódýrari
bílum og mun meiri en eftir dýrari
bílum.
Halldór Jóhannsson, eigandi
Toppbíla, tekur í sama streng og
segir að salan fyrstu tvo daga líðandi
viku hafi verið meiri en alla síðustu
viku. Hann segir helsta vandamálið
að um alllangt skeið hafi innfluttir,
notaðir bílar verið verðlagðir of hátt
en fólk láti ekki bjóða sér of hátt verð
lengur. Lánastofnanir hafi líka tekið
þátt í þessum leik og kannski lánað
sjö milljónir til kaupa á bíl sem hafi
ekki verið nema fjögurra milljóna
króna virði. Slíkt gangi ekki lengur.
Hann skýrir þetta á eftirfarandi
hátt: Maður kaupir bíl á yfirtöku án
þess að taka yfir áhvílandi lán, tekur
100% lán fyrir bílnum og sölulaunum
með fyrsta gjalddaga eftir þrjá mán-
uði og þannig hækkar bílverðið um
200 til 300 þúsund. Áður en kemur að
fyrsta gjalddaga er bíllinn seldur og
annar kaupir hann með sama hætti.
Þannig hækkar bíllinn við hverja
sölu. Dæmi sé um bíl sem sé fjögurra
milljóna kr. virði, lánið standi í 6,9
milljónum og ásett verð sé 5,9 millj-
ónir.
Ástandið betra en af er látið
Rúnar L. Ólafsson í Höfðahöllinni
segist fyrst og fremst selja dýrari
bíla á verðbilinu þrjár til 13 milljónir
króna. 76 bílar hafi selst í janúar, 90 í
febrúar og 51 það sem af sé mars.
Salan hafi aukist um 30% miðað við
janúar í fyrra og 50% í febrúar á milli
ára. Hann bendir á að hann hafi selt
10 milljóna króna bíl í fyrradag og
þrjá dýra jeppa í liðinni viku en í öll-
um tilvikum hafi verið greitt með
greiðslukorti. Hann hafi ekki enn
fundið fyrir þessari miklu niður-
sveiflu sem sé í umræðunni og fyrst
og fremst í fjölmiðlum. Þessi nei-
kvæða umræða endurspegli því ekki
ástandið.
Ingvar Helgason, eigandi Heims-
bíla, er á sama máli. Hann segir að
salan hafi verið rífandi góð í líðandi
viku og þeir sem séu með hækkandi
lán bíði rólegir eftir betra gengi.
Góð sala á notuðum bílum
Morgunblaðið/RAX
Bílasala Bílasalar á Kletthálsi segja að þótt bílalán hafi hækkað hjá mörgum bíleigendum sé sala í notuðum bílum
góð og neikvæð umræða um stöðu lánamála endurspegli ekki almenna stöðu kaupenda sem margir staðgreiði.
 Margir sitja uppi með síhækkandi bílalán og tapa miklu fé neyðist þeir til að
selja  Lánastofnanir bjóða ekki lengur upp á lán í erlendri mynt til bílakaupa