Morgunblaðið - 07.04.2008, Blaðsíða 15

MORGUNBLAÐIÐ MÁNUDAGUR 7. APRÍL 2008 15
MENNING
Apple IMC
Apple IMC | Humac ehf.
Sími 534 3400
www.apple.is
Laugavegi 182
105 Reykjavík
Kringlunni
103 Reykjavík
MacBook Air.
MacBook Air 1,6 GHz
13,3” hágljáa skjár
Intel Core 2 Duo
80 GB
2 GB
1280 x 800 dílar
Þráðlaust netkort (802.11n)
Bluetooth / iSight
0,4–1,94 cm þunn / 1,36 kg
5 klst. rafhlöðuending
219.990
MacBook Air 1,8 GHz
13,3” hágljáa skjár
Intel Core 2 Duo
80 GB
2 GB
1280 x 800 dílar
Þráðlaust netkort (802.11n)
Bluetooth / iSight
0,4–1,94 cm þunn / 1,36 kg
5 klst. rafhlöðuending
249.990
MacBook Air er komin til
landsins.
Komdu og sjáðu með eigin
augum í Apple-versluninni á
Laugavegi 182.
LEIKLIST
Möguleikhúsið
Aðventa
Leikgerð Öldu Arnardóttur á sögu Gunn-
ars Gunnarssonar. Pétur Eggerz flytur og
bregður sér í hlutverk helstu persóna.
Hljóðmynd: Kristján Guðjónsson. Leik-
mynd og búningar: Messíana Tóm-
asdóttir. Lýsing: Bjarni Ingvarsson.
AÐVENTA eftir Gunnar Gunn-
arsson er byggð á persónu Benedikts
nokkurs Sigurjónssonar sem lagði af
stað með öðrum þann 10. desember
1925 í leit að kindum en hélt svo
áfram eftir að hinir hættu við þremur
dögum síðar. Upp úr þessu samdi
Gunnar langa smásögu sem hét Góði
hirðirinn sem hann síðan tálgaði nið-
ur í Aðventu. Hún var fyrst gefin út í
Þýskalandi árið 1936, síðan þýdd á ís-
lensku af Magnúsi Ásgeirssyni og
birtist hérlendis árið 1939. Í nýjustu
útgáfu hennar (Bjartur 2007) er sag-
an um tuttugu þúsund orð eða rúm-
lega áttatíu síður.
Að breyta einni af frægustu smá-
sögum landsins í leikrit er talsvert af-
rek. Alda Arnardóttir gerir þetta svo
prýðilega að maður undrast af hverju
engum hafði dottið það í hug áður.
Frásögn Gunnars er í þriðju persónu
en það er innri rödd Benedikts og
samtöl hans sem knýja söguna áfram
og þau nýtir Alda vel í leikgerðinni.
Þar sem sýningin er ekki nema ein
klukkustund er óhjákvæmilega
margt sem er stytt eða sleppt og þar
á meðal ýmsar heimspekilegar
vangaveltur höfundar. Hins vegar
tekst Öldu sérstaklega vel að skapa
lifandi mynd af þessum ljúfa manni.
Það er mikið álag fyrir Pétur Eggerz
að leika öll hin hlutverkin og sér-
staklega þar sem hann þarf stundum
að skipta á milli þeirra á stuttum
tíma. Þetta hlýtur hann að slípa til
með hverri sýningu. Aðdáunarvert er
hvernig Pétur lifir sig inní hlutverkin
en þó vantar upp á tæknina hjá hon-
um til þess að skilja betur á milli per-
sónanna. Hljóðmynd Kristjáns Guð-
jónssonar fer vel í þessum einleik og
sviðsmynd Messíönu Tómasardóttur,
eins og sagan sjálf, segir miklu meira
en það sem við sjáum við fyrstu sýn.
Það kann að vera undarlegt að
sýna verk sem heitir Aðventa um
páska en Benedikt segir í upphafi
sögunnar að hann hafi smám saman
komist að því að „allt hans líf væri
orðið ein aðventa“, eins konar bið
„eftir einhverju betra, eftirvænting,
undirbúningi – þeirri ákvörðun að
láta gott af sér leiða“. Því miður rím-
ar það ekki við ákvörðun mennta-
málaráðuneytisins að veita Mögu-
leikhúsinu ekki styrk í ár. Kannski
ættu menn hjá úthlutunarnefnd
ráðuneytisins að lesa sögu Gunnars
aftur, og enn betra væri að fara á
þessa sýningu og endurskoða
ákvörðun sína.
Martin Stephan Regal
Aðventa eða „að láta
gott af sér leiða“
Leikarinn Pétur Eggerz fer með öll
hlutverkin í sýningunni.
MYNDLIST
Listasalur Mosfellsbæjar
Birtingarmynd hins óendanlega, málverk,
Bryndís Brynjarsdóttir
bbnnn
Til 26. apríl. Opið mán. til fös. frá kl. 12–
19 og lau. 12–15. Aðgangur ókeypis.
MYNDEFNI Bryndísar á sýningu
hennar í Listasal Mosfellsbæjar er
huglægt og hefur enga efnislega
ásýnd nema þá sem við kjósum að
gefa því. Birtingarmynd hins
óendanlega nefnir hún sýningu
sína og lýsir það töluverðum metn-
aði.
Bryndís sýnir nokkur stór mál-
verk og lágmynd, unna úr þrí-
víðum, lausum einingum sem sam-
an gefa til kynna hreyfingu, eins
og agnir á ferð út frá ósýnilegum
kjarna. Það er kraftur í verkinu en
það takmarkast nokkuð af rýminu
og hugmyndin felur ekki í sér
mjög persónulega nálgun við
myndefnið út frá titli sýningar.
Málverkin eru að hluta til per-
sónulegri verk, þá sér í lagi stór
þríleikur sem sýnir konu sem gæti
hugsanlega verið listakonan sjálf,
opna hug sinn fyrir utanaðkom-
andi krafti, kannski lífskrafti? Séu
verkin lesin frá vinstri til hægri er
þriðja verkið sér í lagi órætt – er
persónan fönguð eða frjáls? Önnur
málverk sýna m.a. átthyrnings-
mynstur sem getur haldið áfram í
hið óendanlega og mynstur sem
tengjast þeirri hreyfingu sem gef-
in er til kynna í lágmyndinni.
Sýning Bryndísar er metn-
aðarfull, viðfangið er stórt en birt-
ingarmynd þess nokkuð þung í
vöfum, eins er þröngt um verkin í
salnum, þau kalla á meira rými og
andrúm bæði í kringum sig og eins
innan verkanna sjálfra. Slíkt rými
er að finna í lágmyndinni en mál-
verkin eru meira niðurnjörvuð.
Bryndís hefur getu til verka sem
njóta sín vel í stóru rými og kraft
sem nyti sín ef vill enn betur væri
hann lausbeislaðri og úrvinnsla
myndefnis persónulegri en hér er
raunin. Sýning hennar fæst við
sammannlegar spurningar sem
hver og einn svarar með sínum
hætti og að því leyti aðgengileg.
Ragna Sigurðardóttir
Takmörk
lífs og listar
Morgunblaðið/Valdís Thor
Metnaðarfull „Bryndís sýnir nokk-
ur stór málverk og lágmynd, unna
úr þrívíðum, lausum einingum,“