Morgunblaðið - 07.04.2008, Blaðsíða 16

16 MÁNUDAGUR 7. APRÍL 2008 MORGUNBLAÐIÐ
VESTURLAND
GRÓÐUR er smám saman að jafna
sig eftir sinubrunann mikla á Mýr-
um, en alls brunnu um 68 ferkíló-
metrar lands vorið 2006. Nýlega
kom önnur skýrsla vísindamanna
um brunann, en þeir ætla í fimm
sumur að fylgjast með áhrifum
brunans á gróður, dýralíf og vötn.
Rannsóknirnar hafa leitt í ljós að
mófuglum fjölgaði á svæðinu sem
brann frá því sem áður var. Þetta
átti líka við um algengustu tegund-
irnar, hrossagauk og þúfutittling,
þvert á það sem vísindamenn höfðu
reiknað með. Ástæðan fyrir því að
fæðuskilyrði fugla batna er m.a. að
auðveldara er fyrir þá að veiða smá-
dýr sem hafa minna skjól í gróð-
ursnauðara landi.
Gróðurinn á brunna landinu er
hins vegar enn fábreyttari en á landi
sem ekki brann. Heildarþekja há-
plantna var þó marktækt meiri í
fyrra sumar en sumarið 2006. Land-
ið er að lokast á ný eftir þá miklu
röskun sem fylgdi brunanum.
Morgunblaðið/RAX
Bruni Þrjá daga tók að slökkva
sinueldana sem kviknuðu á Mýrum.
Gróður á
Mýrum er
að jafna sig
Eftir Egil Ólafsson
egol@mbl.is
„ÞAÐ er skemmtilegt að vinna í
þessu fjósi. Maður hlakkar til að
fara út í fjós,“ segir Hilmar Sigurðs-
son, bóndi í Þverholtum á Mýrum,
en hann hefur nýlega tekið í notkun
um 150 kúa fjós. Fjósið var til sýnis
um helgina og komu á fimmta
hundrað manns í heimsókn.
Efnt var til sýningar á fjósinu í
Þverholtum í tengslum við vorhátíð,
sem Búnaðarfélag Mýramanna stóð
fyrir til að minnast þess að tvö ár
eru liðin síðan eldur kviknaði í sinu
á Mýrum, en Mýraeldarnir eru
mestu sinueldar sem vitað er um á
Íslandi. Aðsókn að hátíðinni fór
fram úr björtustu vonum Mýra-
manna. Bílaplanið fyrir framan fé-
lagsheimilið Lyngbrekku fylltist og
má segja að skapast hafi hálfgert
umferðaröngþveiti við Lyngbrekku
um tíma.
Stærsta fjós á Vesturlandi
Fjósið í Þverholtum er komið í
fullan rekstur og er það nú orðið
stærsta kúabú á Vesturlandi. „Þeir
hringdu í mig frá MS í vetur og ósk-
uðu mér til hamingju með að vera
orðinn fyrsti „500-karlinn“ á Vest-
urlandi,“ sagði Hilmar og vísaði til
þess að framleiðslan væri komin
upp fyrir 500 þúsund lítra.
Hilmar sagðist vera afar ánægður
með fjósið, bæði bygginguna og
tækin. Í því eru tveir mjaltaþjónar
(róbótar) og sagði Hilmar að þeir
reyndust afar vel, en þeir eru af
þriðju kynslóð mjaltaþjóna og hönn-
un þeirra byggist því á reynslu eldri
gerða slíkra tækja. Hilmar sagði að
vel hefði gengið að venja kýrnar við
mjaltaþjónana með því að lokka þær
inn í mjaltabásana með fóðurgjöf og
hefðu kýrnar fljótlega farið að sækj-
ast eftir því að fara þar inn og láta
mjólka sig.
Jóhannes Kristinsson kaupsýslu-
maður stendur að uppbyggingunni í
Þverholtum með Hilmari. Þeir hafa
þegar uppi áform að stækka búið
enn frekar, en búið er að teikna ann-
að fjós í Þverholtum.
Mikil uppbygging hefur átt sér
stað í kúabúskap á Mýrum síðustu
ár enda henta Mýrarnar vel til
mjólkurframleiðslu. Auk búsins í
Þverholtum hafa verið byggð ný fjós
eða eldri fjós stækkuð á Mel, Lax-
árholti, Hundastapa, Leirulækjar-
seli og Lambastöðum. Fleiri öflug
bú eru Mýrum.
„Hlakkar til að fara út í fjós“
Ljósmynd/Magnús Magnússon
Fyrirmyndar bændur Bændur á þremur bæjum á Mýrum voru verðlaunaðir á hátíð Mýramanna um helgina. Þetta
eru Þuríður Gísladóttir og Unnsteinn Jóhannsson Laxárholti, Reynir Gunnarsson og Edda Björk Hauksdóttir
Leirulækjarseli og Guðbrandur Brynjúlfsson og Snjólaug Guðmundsdóttir Brúarlandi.
Nýtt fjós Hjónin í Þverholtum, Hilmar Sigurðsson og Þóra Þorgeirsdóttir,
ásamt Helga Baldurssyni og Mána Hilmarssyni í nýja fjósinu í Þverholtum.
Fjölmenni á hátíð
um Mýraeldana
Eftir Sigurð Elvar Þórólfsson
seth@mbl.is
„STEINUNN Sigurðardóttir hjúkrunarfor-
stjóri Sjúkrahúss Akraness og Sigrún Ás-
mundsdóttir iðjuþjálfi á Sjúkrahúsi Akra-
ness eiga hugmyndina að þessu
endurhæfingarverkefni sem við sjáum nú
verða að veruleika. Þær ræddu um þessi
mál á sínum tíma og í stað þess að ræða um
málin endalaust boðuðu þær til fundar, létu
verkin tala og komu málinu í réttan far-
veg,“ sagði Magnús Þór Hafsteinsson, for-
maður félagsmálaráðs Akraness, við form-
lega opnun nýs endurhæfingarverkefnis
fyrir öryrkja á Akranesi á dögunum.
Í lok apríl verður opnuð aðstaða í hús-
næði við Kirkjubraut 1 á Akranesi og hefur
Sigurður Þór Sigursteinsson iðjuþjálfi verið
ráðinn sem forstöðumaður. Sigurður sagði í
samtali við Morgunblaðið að mikil þörf væri
fyrir slíka þjónustu.
Mikil þörf fyrir „klúbbinn“
„Í raun má segja að um sé að ræða fé-
lagsmiðstöð fyrir fullorðið fólk. Við munum
leysa úr ýmsum málum sem koma inn á
okkar borð og það er mikil þörf fyrir slíkt
úrræði hér á Akranesi,“ sagði Sigurður sem
áætlar að opna klúbbinn þann 30. apríl.
„Þessi staður mun hýsa endurhæfingar-
klúbb fyrir öryrkja og þau úrræði sem við
munum nota eru mismunandi eftir ein-
staklingum. Það er stór hópur fólks sem
mun nýta sér þessa þjónustu en við stefnum
á að geta tekið á móti 10–15 einstaklingum
á dag.“
Um er að ræða tilraunaverkefni til
þriggja ára. Að verkefninu standa Akranes-
kaupstaður, Sjúkrahúsið og heilsugæslu-
stöðin á Akranesi (SHA), Svæðisskrifstofa
um málefni fatlaðra á Vesturlandi og Akra-
nesdeild Rauða kross Íslands. Ásta Ragn-
heiður Jóhannesdóttir alþingismaður sagði
að fyrirmyndin að „klúbbnum“ sé nú þegar
til staðar á nokkrum stöðum á Íslandi og
nefndi hún m.a. Geysi í Reykjavík og Strók
á Selfossi. Ásta er í forsvari fyrir Straum-
hvarfaverkefnið sem er fimm ára verkefni á
vegum Félagsmálaráðuneytisins til eflingar
á þjónustu við geðfatlaða.
Margt sem við getum gert
„Það er mjög margt sem við getum gert
til þess að koma einstaklingum af stað í
hinu daglega lífi. Ég á von á því að við get-
um leitað til bæjarfélagsins og ýmissa
stofnana vegna verkefna sem okkar klúbb-
félagar geta leyst. Þar má nefna ýmsa
tölvuvinnslu og klúbburinn mun sjálfur
standa að ýmsum atburðum og uppákomum
sem þau munu skipuleggja sjálf. Það er
ákveðin beinagrind og hugmyndafræði sem
unnið verður eftir en í raun þarf að beita
mismunandi lausnum hjá hverjum og ein-
um.“
Jóhanna Sigurðardóttir félagsmálaráð-
herra og Magnús Þorgrímsson frá Svæð-
isskrifstofu um málefni fatlaðra á Vest-
urlandi undirrituðu samkomulag við þetta
tilefni þar sem félagsmálaráðuneytið trygg-
ir 2,5 milljónir kr. á ári næstu þrjú árin í
þetta verkefni. Guðlaugur Þór Þórðarson
heilbrigðisráðherra og Guðjón Brjánsson
framkvæmdastjóri SHA skrifuðu einnig
undir samkomulag sem tryggir 2,5 milljónir
kr. á ári næstu þrjú árin í verkefnið. End-
urhæfingaklúbburinn hefur einnig fengið
1,5 milljónir króna á fjárlögum ríkisins
vegna ársins 2008, Svæðissjóður Rauða
krossins á Vesturlandi styrkir verkefnið um
1,5 milljónir króna, auk þess sem klúbb-
urinn er styrktur m.a. af Hvalfjarðarsveit,
Kaupþingi á Akranesi og Lionsklúbbi Akra-
ness.
Nafnið vantar
Sigurður segir að líklega sé um 50–70
manna hópur sem mun nýta sér þessa þjón-
ustu og er hann mjög ánægður með að
þetta verkefni er orðið að veruleika. Það er
ekki búið að finna nafn á aðstöðu klúbbsins
en það verður ákveðið í samráði við klúbb-
félagana „Ég hef starfað sem iðjuþjálfi hér
á Akranesi á undanförnum árum og ég veit
að margir hafa óskað eftir slíkri þjónustu
sem endurhæfingaklúbburinn mun bjóða
upp á. Það þarf oft lítið til að einstaklingar
blómstri í ákveðnum verkefnum og það er
markmiðið með þessu öllu saman. Að hjálpa
fólki til þess að taka þátt í hinu daglega lífi
og hafa hlutverk,“ sagði Sigurður Sigur-
steinsson.
„Félagsmiðstöð fyrir fullorðið fólk“
Ljósmynd/Sigurður Elvar
Eftirvænting Sigurður Sigursteinsson stýrir nýjum endurhæfingarklúbbi á Akranesi.
Í HNOTSKURN
»Um 50–70 manna hópur mun nýta sérþjónustu endurhæfingarklúbbsins á
Akranesi.
»Um er að ræða tilraunaverkefni tilþriggja ára. Að verkefninu standa
Akraneskaupstaður, Sjúkrahúsið og
heilsugæslustöðin á Akranesi (SHA),
Svæðisskrifstofa um málefni fatlaðra á
Vesturlandi og Akranesdeild Rauða kross
Íslands.
Endurhæfingarklúbbur
fyrir öryrkja á Akra-
nesi opnaður í lok apríl