Morgunblaðið - 11.05.2008, Qupperneq 22

Þ
að svarar ekki hjá Agli
Einarssyni þennan
morgun. Eftir að hafa
reynt þrisvar sinnum
fer ég að velta fyrir mér
hvort hann tali hreinlega ekki í
síma. Upphandleggir kappans eru
jú allt annað en rýrir. Kannski get-
ur hann ekki borið símann að eyr-
anu? Þá hringir hann til baka og af-
sannar tilgátuna. Það skyti líka
skökku við ef Egill, sem er andlit
nýjustu Símaherferðarinnar ásamt
félögum sínum í Merzedes Club,
talaði eftir allt saman ekki í síma.
Þegar fundum okkar ber saman á
knattknæpunni Players nokkrum
dögum síðar ber ég þessa metn-
aðarfullu tilgátu undir Egil. Hann
hlær dátt. „Heyrðu, jú, jú, ég get
ennþá talað í síma,“ segir hann og
seilist eftir græjunni. „En ég verð
að gera það svona,“ segir hann og
leggur símann fagmannlega með
hægri hendinni upp að vinstra eyr-
anu. Auðvitað, neyðin kennir naktri
konu að spinna. „En þetta er erf-
iðara fyrir Gazmanninn félaga
minn. Hann er meira í handfrjálsa
búnaðinum.“
Ég gat sagt mér að Egill hefði
húmor fyrir vitleysu af þessu tagi.
Hann er umdeildur og ef til vill
ekki allra en svo mikið er víst að
hann verður seint sakaður um að
vera ekki lífsglaður og kankvís.
Talandi um síma og nekt. Egill
hefur undanfarnar vikur blasað við
gestum Kringlunnar hálfber í yf-
irstærð – einskonar grískur guð í
samtímanum. Hvernig upplifun
skyldi það vera? „Satt best að segja
brá mér svolítið þegar ég sá þessi
auglýsingaspjöld fyrst,“ við-
urkennir hann. „Það er eins gott að
maður er í sæmilegu formi. Það er
útilokað að fela nokkurn skapaðan
hlut á þessum myndum.“
Þekkir punginn á Partý-Hans
Egill er Kópavogsbúi í húð og
hár. Fæddur 13. maí 1980 og verð-
ur því 28 ára á þriðjudaginn. Hann
hefur alla tíð búið í bænum og ætl-
ar aldrei að fara þaðan. „Að vísu fór
ég í eins og hálfs árs útlegð til
Hafnarfjarðar. Leigði þá með
Partý-Hansa félaga mínum. Það var
mjög athyglisverð lífsreynsla.
Hansi er mjög frjálslegur í fasi og
þegar ég mætti honum labbandi á
pungnum í stofunni í hundraðasta
skipti ákvað ég að þetta væri orðið
gott. Ég meina, hefðu mér verið
sýndar myndir af fimmtíu pungum
hefði ég þekkt punginn á Hansa úr.
Það er ógnvekjandi.“
Annars var víst ágætt að búa
með Partý-Hans. „Þetta var
skemmtilegur tími. Hvað getur það
annað verið þegar saman koma
tveir vitleysingar sem hvorki kunna
að elda né þrífa? Það var hins vegar
ókostur að Hansa er meinilla við
sólarljós og það var alltaf dregið
fyrir alla glugga. Það var farið að
þyrma yfir mig undir lokin.“
Nú er Egill kominn aftur á æsku-
stöðvarnar, býr í Kórahverfinu í
Kópavogi. „Þar bý ég einn en strák-
arnir koma stundum til mín og bera
á sig brúnkukrem,“ segir hann og
bætir við að þeir notið brazilian-
tanið. Hvað sem það svo þýðir?
Þegar hér er komið sögu er borin
á borð fyrir Egil stærsta samloka
sem ég hef á ævinni séð. Svei mér
ef það er ekki heilt naut á milli
brauðsneiða, a.m.k. kálfur, og ein-
hverjar leifar af svíni líka. Það rétt
glittir í hvirfilinn á Agli sem tekur
þegar til óspilltra málanna. „Þetta
er stera-samloka að hætti hússins,“
segir hann hvergi banginn en sam-
lokan er borin fram með eggi og
bakaðri kartöflu. „Það eina sem er
vafasamt í þessu er beikonið og sós-
an með kartöflunni. En þetta er allt
í lagi,“ fullvissar hann mig um. Það
er ekki ofsögum sagt að stórir
menn þurfi stórar samlokur.
Mér verður ekki um sel þegar
þjónninn rennir diski með tveimur
kjúklingabringum upp að hlið Egils.
Kankvísi línudansarinn
Sumir kalla hann Gillzenegger, aðrir Gillz og enn aðr-
ir Stóra G. Hann var skírður Egill og er Einarsson og
er með litríkari og umdeildari mönnum á landi hér nú
um stundir. Ástæðan er sú að hann talar enga tæpi-
tungu – mottó hans er að þora meðan aðrir þegja. En
Egill er ekki bara mikill í orði, fáir núlifandi Íslend-
ingar refsa lóðunum af sama vægðarleysi og hann.
Svo er hann auðvitað hljómborðsleikari í einni vinsæl-
ustu hljómsveit landsins. Orri Páll Ormarsson gægð-
ist bak við gljáann en þess ber að geta að orðafar í
þessu viðtali kann að særa blygðunarkennd lesenda.
Morgunblaðið/Eggert Jóhannesson
Svöl Egill ásamt félögum sínum í Merzedes Club, Ceres 4, Rebekku, Gaz-
manninum og Partý-Hans. Hljómsveitin hefur notið mikilla vinsælda.
daglegtlíf
|sunnudagur|11. 5. 2008| mbl.is