Morgunblaðið - 11.05.2008, Qupperneq 33

mega vera hærri
að búa á. Ég hafði vissulega fundið
fyrir því að vera útlendingur á Ís-
landi en ekki á neikvæðan hátt. Í
Boston var þessu þveröfugt farið.
Þar býr mikið af fólki alls staðar að
úr heiminum og þar talaði ég t.d.
mjög mikla spænsku. Að fara aftur
til Íslands var því ekki ólíkt því sem
ég hafði kynnst í Wisconsin.“
Hugur Paolu stefndi á frekara
nám. „Mig langaði í cand. psych.-
nám sem er meistaranám sem veitir
réttindi til að starfa sem sálfræð-
ingur. Háskóli Íslands vildi hins veg-
ar ekki samþykkja BA-námið mitt
frá Bandaríkjunum. Það voru mikil
vonbrigði,“ segir hún.
Staðfesta borgar sig
Á meðan Paola mat stöðu sína og
áframhald fór hún á námskeið hjá
Greiningarstöð ríkisins og vann með
barni með einhverfu í atferl-
ismeðferð, eða þangað til hún eign-
aðist dóttur með eiginmanni sínum.
„Eftir barnsburðarleyfi sótti ég um
að nýju að komast í meistaranámið
við Háskóla Íslands en fékk aftur
neitun. Þar á bæ vildu þeir að ég
byrjaði upp á nýtt, þ.e. tæki nýtt BA-
próf í sálfræði. Ég hreinlega neitaði
að sætta mig við þau svör og spurði
þá í deildinni hvernig stæði á því að
þeir legðu ekki 120 eininga BA-nám
mitt í sálfræði að jöfnu við það 90 ein-
inga BA-nám sem sálfræðin er við
Háskóla Íslands. „Svona eru regl-
urnar,“ voru þau svör sem ég fékk.“
Paola gafst hins vegar ekki upp.
„Ég hringdi og ég fór til þeirra, sendi
tölvupóst og reyndi allt hvað ég gat
en fékk alltaf sömu svörin. Á end-
anum mætti ég einn daginn á skrif-
stofu yfirmanns sálfræðiskorar, með
dóttur mína og eiginmann mér við
hlið, og sagði að ég vissi að ég gæti
þetta,“ segir hún. Að þessari heim-
sókn lokinni fékk hún tölvupóst frá
sálfræðideildinni þess efnis að BA-
gráða hennar frá Bandaríkjunum
yrði metin sem tveggja ára BA-nám
við Háskóla Íslands, sem þýddi að
hún þyrfti aðeins að taka eitt ár af
BA-náminu þar áður en hún byrjaði í
meistaranáminu. „Ég var mjög
ánægð með þessa niðurstöðu. Að
endurtaka eitt ár var ólíkt betra en
að byrja upp á nýtt!“
Staða erlendra kvenna við
skilnað og sambúðarslit
Paola hellti sér út í námið og starf-
aði einnig á BUGL, Barna- og ung-
lingageðdeild Landspítalans, meðan
á námi stóð. „Ég lærði ótrúlega mik-
ið á þessum árum,“ segir Paola.
„Hins vegar fór að hrikta í stoðum
hjónabandsins á þessum tíma sem
endaði með skilnaði,“ segir hún. Þar
með stóð hún í sömu sporum og þær
konur sem urðu viðfangsefni meist-
araritgerðar hennar í sálfræðinni,
sem hún var akkúrat að vinna að á
þessum tíma.
„Ritgerðin fjallaði um stöðu er-
lendra kvenna við skilnað og sam-
búðarslit. Ég rak mig sjálf á það að
mjög litlar aðgengilegar upplýsingar
var að finna fyrir erlendar konur um
þetta málefni. Það var í raun mikill
stuðningur fyrir mig persónulega að
kynnast sjónarhorni annarra kvenna
sem stóðu í sömu sporum og ég.“
Ritgerðina fékk hún að vinna á
ensku. „Ég er afar þakklát fyrir það
því mér finnst ennþá erfitt að skrifa
íslensku, þótt ég tali og skilji hana
vel. Þegar skrifmálið vefst fyrir mér
„gúgla“ ég stundum setningar til að
vera viss um hvernig eigi að skrifa
þær rétt,“ segir hún og hlær. „Þess
vegna finnst mér svo mikilvægt að
leggja áherslu á íslenskukennslu fyr-
ir útlendinga. En um leið verður að
gæta þess að gera kennsluna að-
gengilega. Hvenær á t.d. einstæð
móðir í fullri vinnu að hafa tíma til að
fara á íslenskunámskeið,“ spyr Paola
og heldur áfram: „Það bregður við að
Íslendingar kvarti yfir lélegri ís-
lenskukunnáttu t.d. afgreiðslufólks í
verslunum. En eru þær kvartanir
réttmætar þegar útlendingum er oft
á tíðum ekki gert kleift að sækja ís-
lenskunám vegna mikillar vinnu og
bágs efnahags? Það er augljóst að
nauðsynlegt er fyrir vinnustaði að
bjóða ókeypis íslenskukennslu fyrir
erlent starfsfólk sitt á vinnutíma eða
gefa starfsfólkinu kost á að sækja
slíkt nám í vinnutímanum. Þegar
þjóðfélagið tekur ekki þá samfélags-
legu ábyrgð á sig að bjóða útlend-
ingum sem hingað flytjast ókeypis ís-
lenskunám er verið að ýta þessum
hópi þjóðfélagsins út í horn og gera
óvirkari þjóðfélagsþegna en ella.“
Neikvæð innflytjendaumræða
Paolu finnst umræðan um innflytj-
endur hafa breyst nokkuð frá því að
hún kom fyrst til landsins. „Í fyrsta
lagi er umræðan orðin miklu meiri en
hún var, en hún hefur einnig snúist
nokkuð upp í þá neikvæðu umræðu
sem við heyrum svo mikið í dag, um
glæpi og tungumálaörðugleika. Þetta
finnst mér mjög slæmt því flestir út-
lendingar eru gott fólk og duglegt.“
En hver er leiðin til að breyta
þessu að hennar mati?
„Mér finnst mikilvægt að útlend-
ingar, sérstaklega þeir sem vegnar
hér vel, taki þátt í opinberri umræðu.
Einnig væri frábært að fá útlendinga
inn í fjölmiðlana, t.d. sem fréttales-
ara, svo Íslendingar venjist því að
heyra íslensku talaða með hreim.“
Paola á ýmsar hugmyndir í handrað-
anum sem miða að bættri stöðu inn-
flytjenda á Íslandi. „Ég vil gjarna
vera málsvari innflytjenda á Íslandi
og í vinnu minni hjá Rauða kross-
inum er ég í raun einn slíkur,“ segir
þessi kraftmikla og ákveðna kona að
lokum.
Mæðgur Móðir og dóttir bregða á leik.
Morgunblaðið/Golli
»Það bregður við að Íslendingar kvarti yfir lélegriíslenskukunnáttu t.d. afgreiðslufólks í verslunum.
En eru þær kvartanir réttmætar þegar útlendingum
er oft á tíðum ekki gert kleift að sækja íslenskunám
vegna mikillar vinnu og bágs efnahags?
Mæðgur Paola ásamt móður sinni. Systur Paola og systur hennar á góðri stund.
MORGUNBLAÐIÐ SUNNUDAGUR 11. MAÍ 2008 33
Íslenskir fjárfestar hf. bjóða þér að koma og hlusta á
Dr. Jung sem starfað hefur sem fjármálaráðgjafi í
Þýskalandi síðastliðin 50 ár.
Kynningin verður haldin á Grand Hótel Reykjavík
fimmtudaginn 15. maí 2008 og hefst með fordrykk
klukkan 18:15, boðið verður upp á léttar veitingar
að fundi loknum.
Allir eru hjartanlega velkomnir, þátttaka er ókeypis en tilkynna þarf þátttöku í
síma 562-6100 eða með tölvupósti til dagny@fjarfestar.is fyrir 13. maí 2008.
Kynningin fer fram á ensku.
Hvernig getum við
ávaxtað peningana okkar?
Dr. Jung
Borgartún 3
- skrifstofur og þjónusta
Vel búið húsnæði í góðu standi og tilbúið til notkunar er til leigu
á besta stað í bænum. Á 1. hæð er þjónustu- eða verslunarrými
en hæðir 2-4 eru skrifstofuhæðir. Hver hæð er um 430 m2 að
flatarmáli. Húsið er laust í júlí 2008.
Frekari upplýsingar veitir
Arngrímur Blöndahl í síma 595 4400 / 822 4401
eða netfanginu: arngrimur@eykt.is
Eykt ehf. / Lynghálsi 4 / 110 Reykjavík
Sími: 595 4400 / Fax: 595 4499
Netfang: eykt@eykt.is / www.eykt.is
TIL LEIGU Á BESTA STAÐ