Morgunblaðið - 09.07.2008, Blaðsíða 2

2 MIÐVIKUDAGUR 9. JÚLÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf
Anna Sigríður Einarsdóttir, annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gud-
laug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Sigtrygg Sigtryggsson
sisi@mbl.is
HVÍTVÍN virðist vera að sækja í sig veðrið
samkvæmt nýbirtum tölum ÁTVR um sölu
áfengis fyrstu sex mánuði ársins. Þá hefur sala
á snöfsum aukist umtalsvert. Að sama skapi
hefur dregið umtalsvert úr sölu rósavíns.
Alls seldust 490 þúsund lítrar af hvítvíni
fyrstu sex mánuði ársins 2008 miðað við sömu
mánuði í fyrra. Aukningin er 15,8%. Sala á
rósavíni minnkaði úr 45 þúsund lítrum í 39 þús-
und lítra og er það 13,3% samdráttur. Fyrri
hluta þessa árs seldust 840 þúsund lítrar af
rauðvíni og er það 1,9% aukning.
Sala á snöfsum er í stórsókn. Alls seldust 20
þúsund lítrar á móti 16 þúsund lítrum í fyrra.
Aukningin nemur 25,0%.
Minni sala á áfengi í júní
Fyrstu sex mánuði ársins seldi ÁTVR 9.360
milljón lítra af áfengi og er aukningin frá í
fyrra 3,1%. Allt árið í fyrra voru seldir 19,5
milljónir lítra af áfengi í vínbúðum ÁTVR og
var það met. Miðað við þróunina fyrri hluta
ársins er ekki ólíklegt að metið verði slegið í ár.
Sem fyrr er bjórsala uppistaðan í sölunni, en
nærri lætur að bjór sé 80% af öllu áfengi sem
ÁTVR selur, í lítrum talið. 7.286 milljón lítrar
voru seldir fyrstu sex mánuði ársins á móti
7.083 milljón lítrum sömu mánuði í fyrra.
Aukning á bjórsölunni nemur 2,9% milli ára.
Áfengisalan í júní nam 1.777 milljón lítrum,
miðað við 1.946 lítra í júní í fyrra. Minnkunin er
8,7%. Skýringin er aðallega sú að í júní núna
voru fjórar helgar en fimm helgar í júní í fyrra.
 
 

     



     
 
  
      !  








"
"
"
"
 "
 "
 "
Hvítvín og snafsar eru að sækja á
 Sala áfengis fyrri hluta ársins jókst um rúmlega 3% frá því í fyrra
 Bjórsalan er enn í sókn og voru drukknir meira en 7 milljón lítrar
OLÍUFÉLÖGIN lækkuðu verð á
eldsneyti síðdegis í gær. Algengt
verð í sjálfsafgreiðslu hjá Skeljungi
og Olís er 174,90 kr. fyrir bensínlítr-
ann og 192,30 fyrir dísil. N1 fór hins
vegar í 175,90 fyrir bensín og 191,80
fyrir dísil. Skýringin á lækkun er
styrking krónu og lækkandi heims-
markaðsverð en að sögn Magnúsar
Ásgeirssonar hjá N1 er gífurlegur
fjármagnskostnaður einna helst það
sem hamlar frekari lækkunum.
Lægsta verð í gærkvöldi var hjá
Orkunni, 173,10 kr. og 190,60 kr.
Eldsneytis-
verð lækkaði
Eftir Baldur Arnarson
baldura@mbl.is
HANN var þéttsetinn bekkurinn á
kynningarfundi skipulags- og um-
hverfissviðs Kópavogsbæjar í gær
vegna tillögu að nýju skipulagi á
Kársnesinu. Fundurinn fór fram í
iðnaðarhúsnæði á landfyllingu á nes-
inu, skammt frá þar sem gert var ráð
fyrir hafnsækinni starfsemi í afar
umdeildri tillögu haustið 2006.
Sú málamiðlun bæjaryfirvalda að
leggja til blandaða byggð á nesinu
fékk misjafnar undirtektir ef marka
má svör nokkurra fundargesta.
„Mér finnst þetta skelfilegt. Þeir
gera þetta aftur þrátt fyrir mikil mót-
mæli. […] Það er líka hvernig það er
staðið að þessu. Þarna er þetta gert í
bútum til að það þurfi ekki að fara í
umhverfismat,“ sagði Stefán Sigurðs-
son, íbúi á svæðinu.
Guðlaugur T. Óskarsson, sem bæði
býr og er með rekstur á Kársnesinu,
var einnig á móti tillögunni.
„Þetta er alltof mikil fjölgun á fólki
og íbúum sem verður hérna miðað við
umferðaræðarnar sem eru hérna […]
Ef það á að fylla hverfið með fjögur til
fimm þúsund íbúum og öllum þeim
bílum sem því fylgja þá sér hver mað-
ur hvernig það fer.“
„Málið er að þessi höfn átti í fyrsta
lagi aldrei að koma hérna,“ sagði Vil-
hjálmur Karl Karlsson, íbúi á nesinu,
um andstöðu sína við fyrri tillöguna
sem kynnt var 2006.
„Mér finnast húsin vera of há hjá
þeim því þetta á að vera lágreist
byggð […] Ég er búinn að vera hérna
í 22 ár. Verslanirnar hafa nær horfið.
Það er gott að fá fleiri íbúa en þeir
verða þá að leysa umferðarhliðina.“
Byggðin lítur vel út
Karl Karlsson hefur rekið fisk-
verkun á nesinu í tæpa tvo áratugi.
Hann er hlynntur nýju tillögunni.
„Það eru margar forvitnilegar hug-
myndir í gangi hér í Kópavoginum.
Svona byggð við sjóinn lítur
skemmtilega út.“
Hjónin Héðinn Sveinbjörnsson og
Sigríður Tryggvadóttir tóku tillög-
unni með fyrirvara og höfðu áhyggjur
af þeirri umferð sem nýja byggðin og
fjölgun bíla myndi skapa.
„Þetta er
skelfilegt“
Misjafnar undirtektir við tillögu um blandaða byggð á vestasta hluta Kársnessins í Kópavogi
Morgunblaðið/Ómar
Hitamál Hundruð manna lögðu leið sína á kynningarfundinn í Vesturvör í
gærkvöldi. Íbúarnir eru klofnir í afstöðunni til nýju skipulagstillögunnar.
Hvað hefur breyst?
Vikið hefur verið frá hugmyndum
um hafskipahöfn en þess í stað lögð
áhersla á blandaða byggð, með alls
1.363 íbúðum og 75.000 fermetrum
af atvinnu- og þjónustuhúsnæði. Í
fyrri hugmyndinni var gert ráð fyrir
1.552 íbúðum og 109.500 fermetr-
um af atvinnu- og þjónustuhúsnæði.
Hvað um umferðina?
Gert er ráð fyrir að umferðin um
Kársnesbraut þyngist úr um 9.000 í
um 14.000 bíla á sólarhring. Verði
reist tveggja akreina brú yfir Foss-
voginn sem 7.000 bílar fari um dag
hvern muni umferð á Kársnesbraut
fara í um 11.000 bíla. Stokkalausn á
Kársnesbraut er ekki talin fýsileg.
S&S
Eftir Unu Sighvatsdóttur
unas@mbl.is
FUNDI samninganefnda félags íslenskra hjúkr-
unarfræðina og ríkisins lauk laust fyrir klukkan
sex í gærkvöldi án niðurstöðu, en viðræður höfðu
þá staðið yfir í um 8 klukkustundir. Elsa B. Frið-
finnsdóttir, formaður FÍH, segir erfitt að meta
stöðu mála að svo stöddu en þó séu þær hugmynd-
ir sem fram komu á mánudag, og vöktu vonir, enn
á samningaborðinu.
„Við erum áfram að vinna út frá þeim grunni
sem við byrjuðum á í gær [mánudag] og ætlum að
reyna til þrautar á morgun að sjá hvert það leiðir
okkur. Hún segir ekki skipta öllu máli hvenær sé
samið, mestu skipti að samningar séu þannig úr
garði gerðir að félagsmenn geti samþykkt þá. „Við
viljum frekar taka lengri tíma í þetta en hitt til
þess að vera viss um að vanda okkur sem mest.“
Afar flókin samningagerð
Elsa segir ástæðu þess að svo hægt gangi að
semja vera fyrst og fremst þá hversu viðamiklar
viðræðurnar séu, því huga þurfi að minnstu smá-
atriðum. „Stéttin er býsna flókin að því leyti að
þarna er fólk að vinna á mjög ólíkum stofnunum á
mjög ólíkum vinnutíma, þannig að kerfið er allt
býsna flókið. Það þarf að skoða vel hverja breyt-
ingu fyrir sig og hvaða áhrif hún gæti haft, þannig
að þetta tekur allt sinn tíma í vinnslu.“
Samningaferlið hefur verið langt og strangt en
stendur nú á lokasprettinum. Elsa segir þó enga
þreytu komna í samninganefndina. „Það þýðir
ekki að hugsa svoleiðis. Við erum með það verk-
efni að semja og höfum setið við það lengi, í og með
síðan 18. mars. En það þýðir ekkert að gefa sig út í
kjarasamningagerð og þreytast svo í miðju kafi,
það kemur ekkert annað til greina en að halda
þetta út og klára það sem við byrjuðum á.“
Fundur hjúkrunarfræðinga við samninganefnd
ríkisins hefst að nýju í dag kl. 11. Náist samningar
ekki hefst yfirvinnubann á morgun kl. 16.
Viðræður halda áfram í dag
TVENNT var handtekið eftir ofsa-
akstur í Garðabæ og Hafnarfirði á
níunda tímanum í gærkvöldi. Lög-
regla mældi bifreið á ofsahraða við
Arnarneshæð og hunsaði bílstjórinn
ítrekuð stöðvunarmerki lögreglu.
Hófst þá eftirför sem lauk á Ásbraut
í Hafnarfirði, þar sem lögregla ók ut-
an í bifreiðina til að stöðva hana, á
hringtorgi.
Í bílnum voru karl og kona, sem
sakaði ekki við atvikið, konan bíl-
stjóri og karlinn farþegi.
Brutu rúðu í snatri
Að sögn sjónarvotta ætlaði konan
að taka aftur af stað eftir árekstur-
inn en snarir lögreglumenn komust
þá út úr bíl sínum, brutu rúðu og
náðu henni. Þá hafi lögregla þrýst
fólkinu niður í götuna. Lögregla tók
að sögn ákvörðun um að keyra á bíl-
inn þar sem hann var á leið inn í þétt-
býlishverfi og aksturinn var glæfra-
legur. Lögreglumaðurinn sem sá um
það var sá sami og stöðvaði jeppa á
Vesturlandsvegi með árekstri um
helgina.
onundur@mbl.is
Beita þurfti
ökuníðinga
hörku
Ljósmynd/Jakob Björnsson
Handtaka Kona var ökumaður bíls-
ins en karlmaður farþegi hennar.