Morgunblaðið - 09.07.2008, Blaðsíða 11

MORGUNBLAÐIÐ MIÐVIKUDAGUR 9. JÚLÍ 2008 11
FRÉTTIR
„ÉG var búinn að skoða fyrirtækið
mjög vel áður en ég ákvað að koma
inn sem hluthafi. Ég tel að í því sé
góður grunnur en það sé mikið verk
framundan,“ sagði Ólafur Jóhann
Ólafsson, rithöfundur og aðstoð-
arforstjóri Time Warner-fjölmiðla-
samsteypunnar, í samtali við Morg-
unblaðið í gær eftir að hann hafði
verið kjörinn stjórnarformaður á
hluthafafundi Geysis Green Energy
í Reykjanesbæ.
„Menn verða að passa sig í þessu,
eins og öllu öðru, að missa sig ekki í
einhverju gullæði, því verðmæti í fé-
laginu verða búin til á löngum tíma,
með elju og skynsemi. En góðir
möguleikar á því að það takist eru
vissulega fyrir hendi,“ sagði Ólafur
Jóhann.
Ólafur Jóhann Ólafsson og banda-
ríska fjárfestingarfélagið Wolfen-
sohn & Co. eru nýir hluthafar í
Geysi Green Energy og koma sam-
tals með um tvo milljarða króna í
nýju hlutafé inn í félagið, sem nemur
6,5% hlutar í félaginu, samkvæmt
því sem Ólafur Jóhann sagði. Í hans
eigu eru 2,6% og í eigu Wolfensohn
& Company um 3,9%. Samtals hefur
hlutafé félagsins verið aukið að und-
anförnu um 5 milljarða króna.
Á hluthafafundi sem haldinn var í
Reykjanesbæ í gær tóku Ólafur Jó-
hann Ólafsson og Adam Wolfensohn,
sonur James Wolfensohn, fyrrum
bankastjóra Alþjóðabankans, aðal-
eiganda Wolfensohn & Company,
sæti í stjórn Geysis og var Ólafur Jó-
hann kjörinn formaður stjórn-
ar.„Þetta eru toppmenn eins og þeir
gerast bestir, klárir, þægilegir og
skynsamir. Hjá þeim tíðkast hvorki
yfirgangur né vitleysa,“ er einkunn-
in sem Ólafur Jóhann gefur við-
skiptafélögum sínum hjá Wolfen-
sohn & Co., ekki síst þeim feðgum,
James og Adam Wolfensohn.
Skiptir miklu máli fyrir félagið
„Það skiptir miklu máli fyrir
Geysi Green að hafa fengið Wolfen-
sohn og fyrirtæki hans til samstarfs.
Þeir sem vinna hjá því eru mjög virt-
ir í fjármálaheiminum. Wolfensohn
hefur vitanlega mjög háan status al-
þjóðlega í fjármálalífinu eftir störf
sín hjá Alþjóðabankanum og starfs-
fólkið, sem hann hefur ráðið að fyr-
irtæki sínu, er mjög reynt og virt á
sínu sviði og þetta er þýðingarmikið
fyrir GGE,“ segir Ólafur Jóhann.
Ólafur Jóhann segir að nýkjörin
stjórn GGE sé samstiga í þeirri af-
stöðu sinni, að fyrirtækið eigi að ein-
beita sér að færri og stærri verk-
efnum og reyna að framkvæma þau
eins vel og unnt er.
Færri og stærri verkefni
„Við sjáum fyrir okkur, að fyr-
irtækið verði fremur rekstrarfyr-
irtæki en fjárfestingarfyrirtæki,
þannig að ég efast um að við munum
hlaupa út um víðan völl, með litla
eignaraðild, að mörgum verkefnum.
Við munum fremur verða ráðandi í
þeim verkefnum sem við ráðumst í
og geta þannig betur hlúð að því
sem við eigum,“ segir Ólafur Jó-
hann.
Spurður um helstu verkefni
Geysis Green á næstunni segir Ólaf-
ur Jóhann félagið munu einbeita sér
að ákveðnum mörkuðum og þar
verði sá íslenski ekki undanskilinn.
„Það má ekki gleyma því að GGE á
Jarðboranir og síðan erum við hlut-
hafi í Hitaveitu Suðurnesja en það
er mjög gott samstarf á milli félags-
ins og Reykjanesbæjar, við Árna
Sigfússon og hans fólk, og það verð-
ur haldið áfram að byggja það fyr-
irtæki upp. Við þurfum á næstunni í
Samstarfi við Orkuveitu Reykjavík-
ur að leysa tvö mál: annars vegar er
það Hitaveitu Suðurnesja-málið,
þar sem komið er í ljós að þeir mega
ekki eiga þann hlut sem þeir eiga og
hins vegar er það Enex málið, þar
sem við eigum ¾ en OR á ¼ hlut.
Þetta verður bara að leysast á skyn-
samlegan hátt, þannig að allir geti
verið sáttir.“
Bandaríkin, Kína og Þýskaland
Ólafur Jóhann segir að GGE sé nú
þegar með góðan grunn að verk-
efnum á Bandaríkjamarkaði, sem fé-
lagið muni á næstu mánuðum leggja
mikla áherslu á að styrkja enn frek-
ar. Vonandi verði frekari tíðindi af
þeim áformum með haustinu.
„Í Þýskalandi er fyrirtækið komið
af stað og byrjað að bora eftir heitu
vatni. Þar er fyrirtækið með frekari
leyfi til borana og verkefnastaðan
lítur mjög vel út, því orkuverð í
Þýskalandi er mjög hátt og mark-
aður fyrir græna orku er því mjög
vænlegur í því landi.
Loks vil ég nefna verkefni okkar í
Kína, þar sem Geysir Green er í
samstarfi við kínverska stórfyr-
irtækið Signopec um að byggja hita-
veitur. Að þessum verkefnum mun-
um við einbeita okkur á næstu
misserum en það er margt annað
sem gæti komið til greina og verður
bara skoðað í réttri röð,“ sagði Ólaf-
ur Jóhann.
Ekki áhyggjur af fjármögnun
Spurður hvort ekki væri ljóst að
Geysir Green Energy þyrfti að fá
fjársterka aðila til samstarfs ef fé-
lagið ætlaði að hrinda þessari miklu
verkefnaskrá í framkvæmd, sagði
Ólafur Jóhann: „Það má vel vera, að
svo fari. En það er nú eðli svona
verkefna, að fyrsti áfanginn er yf-
irleitt fjármagnaður með hlutafé og
svo er hægt að fjármagna þá áfanga,
sem á eftir koma, með hefðbundnum
lánum eins og tíðkast í þessum
geira.
Það er auðvitað ljóst, að verði ráð-
ist í öll þau verkefni, sem við erum
með á teikniborðinu, þarf meira fjár-
magn að koma til. En á þessu stigi
hef ég nú ekki áhyggjur af því að við
getum ekki fjármagnað okkur, ef svo
fer fram sem horfir, að við högum
okkur skynsamlega og vinnum verk-
in vel.“
Mega ekki missa sig í gullæði
Ólafur Jóhann Ólafsson, nýr stjórnarformaður Geysis Green Energy, telur að
fyrirtækið eigi mikla framtíð fyrir sér en mikið verk sé framundan
Ljósmynd/Víkurfréttir
Við stjórnvölinn Ásgeir Margeirsson, forstjóri Geysis Green, Adam Welfensohn stjórnarmaður og Ólafur Jóhann
Ólafsson stjórnarformaður kampakátir að loknum hluthafafundi, þótt mikið verk sé framundan.
Í HNOTSKURN
»Helstu eigendur GeysisGreen Energy eru:
Atorka, (Renewable Energy
Resources) 39,7%, Glacier
Renewable Energy Fund
(Glitnir o.fl.) 38,6%, VGK In-
vest (Mannvit) 8,8%, Wolfen-
sohn & Co. 3,9%, Geodynamics
2,8% og Ólafur Jóhann Ólafs-
son, 2,6%.
»Hlutafé Geysis GreenEnergy hefur að und-
anförnu verið aukið um 5
milljarða króna. Í undirbún-
ingi er enn frekari fjár-
mögnun fyrirtækisins á veg-
um fyrirtækjaráðgjafar
Glitnis.
Eftir Agnesi Bragadóttur
agnes@mbl.is
JANÚAR 2007 FL Group, Glitnir
og VGK-Hönnun stofna fjár-
festingarfélagið Geysi Green
Energy (GGE). Tilgangurinn að
fjárfesta í sjálfbærri orku-
framleiðslu víðs vegar um
heiminn. Fjárfestar leggja í
upphafi fram 100 milljónir
Bandaríkjadala. GGE eignast
liðlega fjórðung í útrásarfyr-
irtækinu Enex, þriðjung í Enex
Kína og liðlega helming í Ex-
orku.
FEBRÚAR 2007 Reykjanesbær
eignast 2,5% hlut í GGE. Höf-
uðstöðvar settar upp í Reykja-
nesbæ.
MARS 2007 GGE er þátttakandi
í uppbyggingu háskólasamfé-
lags við Keflavíkurflugvöll.
Hlutafélagið Keilir stofnað
sem miðstöð vísinda, fræða
og atvinnulífs.
JÚNÍ 2007 GGE eignast 32%
hlut í Hitaveitu Suðurnesja.
GGE eignast hlut í filippseyska
orkufélaginu PNOC-EDC.
JÚLÍ 2007 Gengið frá samn-
ingum um kaup GGE á tæp-
lega 20% hlutafjár í kanadíska
jarðhitafyrirtækinu Western
GeoPower Corporation (WGP).
Hlutafjáraukningin er liður í
að fjármagna jarðvarmavirkj-
un í Kaliforníu.
ÁGÚST 2007 Gengið frá samn-
ingum GGE við dótturfélag
Atorku Group um kaup á öllu
hlutafé í Jarðborunum hf.
Kaupverð hlutafjár 14,3 millj-
arðar kr. Renewable Energy
Resources, dótturfélag
Atorku, verður annar stærsti
hluthafi GGE með 32% hlut.
OKTÓBER 2007 Kynnt sam-
komulag stjórnar REI, dótt-
urfélags Orkuveitu Reykjavík-
ur og GGE, um sameiningu.
Harðar deilur rísa um REI og
samrunanum hafnað í borg-
arráði. GGE verður eigandi
70% í Enex og er einnig orðið
meirihlutaeigandi í Exorku.
FEBRÚAR 2008 FL Group selur
43,1% eignarhlut sinn í GGE
til Glitnis, Atorku Group og
fleiri aðila. Hlutur Glitnis er í
höndum Glacier Renewable
Energy Fund. Söluverðið er
um 10,5 milljarðar kr. Atorka á
nú um 44% og eignarhlutur
VGK-Invest hefur aukist í 11%.
MARS 2008 Hlutur GGE í Wes-
tern GeoPower aukinn í 25%.
JÚLÍ 2008. Eigið fé GGE aukið
um fimm milljarða. Ólafur Jó-
hann Ólafsson og Wolfensohn
& Company verða nýir hlut-
hafar. Ný stjórn GGE er þannig
skipuð: Ólafur Jóhann Ólafs-
son formaður, Adam Wolfen-
sohn, Einar Þorsteinsson, Eyj-
ólfur Árni Rafnsson, Magnús
Jónsson, Magnús Bjarnason
og Þorsteinn Vilhelmsson.
Stiklað á stóru