Morgunblaðið - 09.07.2008, Blaðsíða 28

Matargestir munu án
efa skella upp úr,
verðið er svo hlægilega hátt.
… 35
»
reykjavíkreykjavík
„ÞAU komu hingað tvö, blaðamaður
og ljósmyndari frá ítalska Rolling
Stone og fylgdu mér eftir í nokkra
daga,“ segir Barði Jóhannsson tón-
listarmaður, en plata hans Ghost
from the Past kemur út í Ítalíu á
næstu vikum og viðtalið sem verður
á fjórum síðum í blaðinu birtist í
næsta eða þarnæsta tölublaði. „Ég
sýndi þeim hljóðverið mitt og landið,
fór með þau um Gullna hringinn,
Boston og allt þetta helsta,“ segir
Barði og vísar til skemmtistaðarins
Boston við Laugaveg, en þar sást
einmitt til hans um síðustu helgi með
blaðamennina í eftirdragi.
Það er ekki á hverjum degi sem
viðtal við íslenska tónlistarmenn
birtist í Rolling Stone og líklega er
það sjaldgæfara að ítalskir tónlistar-
blaðamenn þefi upp íslenska popp-
ara fyrir ítalska útgáfu tímaritsins,
sem þó hefur verið starfrækt síðan
2003.
Tónleikaferð í haust
Barði vill ekki kannast við að
spurningar ítalskra poppskríbenta
séu á neinn hátt frábrugðnar spurn-
ingum blaðamanna annarra landa.
„Nei, þetta er allt voða svipað og
það virðist ekki skipta máli hvaðan
fólk kemur. Að vísu spurði þessi til-
tekni blaðamaður mig mikið um það
hvort íslensk menningarsaga hefði
áhrif á tónlistarsköpun mína.“
Gerir hún það?
„Ég veit það ekki.“
Þrátt fyrir þessa góðu kynningu
sem Barði og Bang Gang fær í Roll-
ing Stone innan tíðar, ættu ítalskir
tónlistaráhugamenn að þekkja
Barða og tónlist hans ágætlega. Síð-
asta plata Bang Gang, Something
Wrong, kom út þar í landi á sínum
tíma og lagið „Stop in the Name of
Love“ fór á toppinn á MTV á Ítalíu.
En hvernig gengur nýja platan í
Evrópu?
„Það gengur allt bara mjög vel.
Platan er komin út í Frakklandi,
Þýskalandi og í einhverjum löndum
þar í kring. Svo kemur hún út í öðr-
um Evrópulöndum í sumar og haust
og í kjölfarið fer ég á tónleika-
ferðalag um Evrópu.“
hoskuldur@mbl.is
Með Ítali í eftirdragi
Morgunblaðið/Golli
Stór á Ítalíu Barði og Keren Ann fyrir tónleika með Sinfó á Listahátíð.
Tveggja opnu umfjöllun um Barða í ítalska Rolling Stone
 Lítið hefur
farið fyrir Em-
ilíönu Torrini
að undanförnu
og margir ís-
lenskir aðdá-
endur hennar
urðu afar von-
sviknir þegar
hún afboðaði komu sína á Bræðsl-
una, sem fram fer í Borgarfirði
eystri í lok mánaðarins. Þeir hinir
sömu ættu að geta tekið gleði sína á
ný í september þegar nýjasta plata
Emilíönu, Me and Armini, kemur
út. Á plötunni er Emilíana enn í
slagtogi við upptökustjórann og
samstarfsmann sinn til margra ára
Dan Carey og á MySpace-síðu Emil-
íönu má heyra titillag plötunnar
(myspace.com/emilianatorrini).
Lagið er í skemmtilegum ska-stíl og
heldur hressara en maður á oft að
venjast frá Emilíönu. Fyrsta smá-
skífa plötunnar, „Jungle Drum“,
kemur svo út í lok september en
hinn 19. ágúst verður hægt að hala
niður plötunni í gegnum iTunes.
Æ, alveg rétt! Það getum við
náttúrlega ekki gert hér uppi á Ís-
landi.
Ný plata væntanleg
frá Emilíönu Torrini
 Fréttablað-
ið sagði frá
því í gær að
stórleikarinn
Sam Shepard
hefði bæzt í
fríðan leik-
arahóp kvik-
myndarinnar
Run for Her Life sem Baltasar
Kormákur tekur nú upp í Nýju
Mexíkó. Haft var eftir Baltasar að
Shepard hefði litist svo skrambi
vel á handritið að annað hafi ekki
komið til greina en að hann tæki
að sér hlutverk í myndinni.
Eins og margir vita er Shepard
virt leikritaskáld og því má gera
ráð fyrir hörku handriti, en nú er
hins vegar spurning hvort Baltas-
ar launi Shepard ekki greiðann
og leikstýri eins og einu leikriti
eftir hann hér á næsta leikári.
Sam Shepard á ís-
lenskum fjölum að ári?Eftir Gunnhildi Finnsdóttur
gunnhildur@mbl.is
BORGARLEIKHÚSIÐ hefur tryggt sér sýning-
arréttinn á Rautt brennur fyrir, leikriti eftir Heið-
ar Sumarliðason, glænýtt leikskáld sem útskrif-
aðist úr námsbrautinni „fræði og framkvæmd“ í
leiklistardeild Listaháskólans í vor. Gengið hefur
verið frá því að Kristín Eysteinsdóttir leikstýri
verkinu og stefnt er að því að það fari á svið haust-
ið 2009. Fleiri en eitt leikhús sýndu leikritinu
áhuga, en Heiðar valdi Borgarleikhúsið. „Mér líst
mjög vel á þá nýju stjórn sem þangað er komin og
þeir voru alveg sammála mér um það að Kristín
væri rétta manneskjan til þess að leikstýra. Hún er
eiginlega eina manneskjan fyrir utan sjálfan mig
sem ég treysti til þess að gera þetta almennilega,“
segir Heiðar, sem vinnur nú að því að tryggja sér
pláss í framhaldsnámi í leikstjórn í Bretlandi.
Leikritið fjallar um fólk sem vill stytta sér leið
að ýmiskonar nautnum. „Þetta fjallar um tvö ís-
lensk pör sem virðast við fyrstu sýn ekkert tengd,
en svo skarast leiðir þeirra með óvæntum hætti,“
segir Heiðar. „Verkið fjallar um þrá fólks eftir því
að fá 100 prósent upplifun en engar afleiðingar.
Það vill fá kókbragð, en enga fitu sem fylgir öllum
sykrinum.“
Fékk loks uppreisn æru
Heiðar er 28 ára og settist á skólabekk í Listahá-
skólanum eftir að hafa prófað ýmislegt annað og
meðal annars lokið námi í Kvikmyndaskóla Ís-
lands. „Mér fannst kvikmyndaiðnaðurinn svo of-
boðslega lokaður. Það kostar svo mikið að gera allt
og það eru svo fáar myndir gerðar að það er erfitt
að komast að. Ég prófaði að fara í ensku, sálfræði
og bókmenntafræði í Háskólanum og líkaði ekkert
af því,“ segir hann. Það var síðan fyrir hálfgerða
tilviljun að Heiðar komst á snoðir um nýtt nám hjá
Listaháskólanum fyrir þremur árum og gerðist
einn af nemendunum í fyrsta árganginum í „fræð-
um og framkvæmd“. Þau útskrifuðust nú í vor og
leikritið var útskriftarverkefni Heiðars sem fékk
hæstu einkunn fyrir það. „Það var einskonar upp-
reisn æru eftir eftir að hafa verið fastur í 7,5 í tvö
ár. Það var alveg sama hvað ég gerði, alltaf fékk ég
7,5 og var í miðjum einkunnaskalanum,“ segir
Heiðar.
100 prósent upplifun
 Barist um sýningarréttinn á lokaverkefni Heiðars Sumarliðasonar
 „Góð spegilmynd af ákveðinni kynslóð ungs fólks á Íslandi,“ segir leikstjórinn
Morgunblaðið/G.Rúnar
Óákveðinn „Ég prófaði að fara í ensku, sálfræði og bókmenntafræði í Háskólanum og líkaði ekkert af því,“ segir Heiðar Sumarliðason leikskáld.
„MÉR finnst ofboðslega gaman að fá að leikstýra
fyrsta verki höfundar,“ segir Kristín Eysteins-
dóttir leikstjóri. „Þetta er líka sterkt verk og
hann hefur gott vald á þessu
formi sem leikrit eru, það er
afar vandmeðfarið. Persónu-
sköpunin er góð og samtölin
flæða vel. Þetta er góð speg-
ilmynd á ákveðna kynslóð
ungs fólks á Íslandi.“
Hún segir að verkið hafi
höfðað til sín við fyrsta lestur.
„Það er einhver orka í þessu
verki sem fangaði mig, stundum myndast ein-
hver óútskýranleg tengsl strax við fyrsta lestur
og þá er maður ekki í rónni fyrr en maður fær að
vinna verkið. Ég reyni að miða við það, að finna
þessa tengingu.“ Hún á enn eftir að ákveða útlit
verksins en það eru þó e-r hugmyndir að gerjast.
„Ég sé þetta fyrir mér frekar einfalt og laust við
tilgerð. Ég vil gera þetta svolítið satt og hrátt.“
„Satt og hrátt“