Morgunblaðið - 10.07.2008, Blaðsíða 15

hönnun
MORGUNBLAÐIÐ FIMMTUDAGUR 10. JÚLÍ 2008 15
Eitt nýjasta uppátækið í ferðaþjón-
ustunni hér á Akureyri hefur mælst
afar vel fyrir: að koma upp eins kon-
ar ferðamannamiðstöð þar sem lengi
var skemmtistaðurinn Oddvitinn.
  
Nú er þar að finna staðinn Marína,
þar sem farþegar á skemmtiferða-
skipunum geta litið við og keypt sér
varning, glundur og handverk og
fengið upplýsingabæklinga um það
sem er að gerast í bænum.
Hugmyndin er góð og fram-
kvæmdin líka, því það er bara nokk-
uð notalegt að koma við í gamla öld-
urhúsinu og sjá þar lopapeysur,
harðfisk, minjagripi og túristabling-
bling. Sérstaklega finnst mér Fé-
þúfa fyrir stofnfjáreigendur fóstur-
jarðarinnar sem ekki vilja láta aðra
hafa sig að féþúfu dálítið nösk.
  
Og Marína hefur komið sterk inn
sem samkomustaður. Bæði hafa þar
verið haldnir tónleikar og í kvöld
verður þar sérstakt listaverkaupp-
boð til styrktar Myndlistaskólanum
á Akureyri.
  
Það þarf ekki að fjölyrða um hversu
ömurleg tíðindi það voru að skólinn
skyldi brenna. Hann hefur verið ein
stoðanna í því að Akureyri gæti kall-
að sig skólabæ með réttu. Nýjustu
tíðindi eru þau að tjónið sé það mikið
að tryggingaféð dugi ekki upp í
kostnað við viðgerðir.
  
Því kemur styrktarkvöldið í kvöld
sér afar vel. Þar munu fjölmargir
tónlistarmenn leggja verkefninu lið
og spila auk þess sem Júlli Júll fiski-
dagshershöfðingi stýrir uppboðinu.
Ég hvet skólafólk og listunnendur til
að fjölmenna á uppboðið á Marína í
kvöld.
  
Það vekur samt athygli mína að í
kringum söfnunina hefur enn ekkert
fjármálafyrirtæki boðist til að tvö-
falda upphæðina sem mun safnast á
styrktarkvöldinu í kvöld. Því er ekki
úr vegi að benda fjársterkum aðilum
á þetta frábæra tækifæri til að
leggja góðum málstað lið.
  
Ég fékk á þriðjudaginn ábendingu
um listaspíru sem sat uppi á auglýs-
ingaturninum við Sýslumannshúsið
og las upp úr bók. Við nánari athug-
un kom í ljós að maðurinn las hástöf-
um ljóð eftir Einar Má Guðmunds-
son.
  
Eftir að hafa tekið augun af bókinni,
greip það mig að ég kannaðist nú við
kauða og kann orðið skýringu á
þessu öllu saman. Þetta var semsagt
ungliði í skapandi sumarstarfi Akur-
eyrarbæjar. Ungt fólk mun í sumar
stunda leiklistarskæruhernað til að
koma lífi í bæinn. Ég veit ekki hvað
verður, en það má víst eiga von á
ýmsum uppátækjum í kringum
þetta starf.
  
Ég er ánægður með Magnamenn.
Þessir djöfsar á útnára fjarðarins
hafa heldur betur rétt úr kútnum og
stefna nú á að koma sér upp fyrir
miðja deild eftir hörmungarbyrjun.
Sterkir sigrar í síðustu tveimur
leikjum hafa breytt gangi liðsins.
Næstu leikir skipta hins vegar sköp-
um fyrir tímabilið hjá liðinu. Nú fer
að skilja á milli feigs og ófeigs hjá
Grenvíkingunum og þá þarf að spýta
í lófana.
  
KA/Þór stelpurnar standa sig síðan
alltaf jafn glæsilega. 5-0 sigur á
Keflavík í vikunni. Gerist ekki betra.
AKUREYRI
Hjálmar Stefán Brynjólfsson
Endurnýjaðu útlitið Það er varla á
nokkurn mann leggjandi að horfa á
sömu kaffivélina dag eftir dag. Sem
betur fer er hægt að kaupa nýtt útlit
á margar gerðir kaffivéla (til dæmis
Krups, Siemens og Magimix) ef ske
kynni að eldhúsið sé ekki lengur í
tísku.
Handpressa á ferðinni Kaffisnobb-
arar sem láta ekki bjóða sér hvaða
sull sem er geta auðveldlega bjargað
sér sjálfir með Handpresso Wild.
Það eina sem þarf er heitt vatn og
handhægir kaffipúðar sem eru sér-
staklega sniðnir fyrir vélina. Þú
sparar rafmagn því vélin er ekki í
biðham allan daginn auk þess sem
hún er búin til úr umhverfisvænum
efnum. www.handpresso.fr
Tónlist í kaffivélinni Delizio-
kaffivélin frá Migros-fyrirtækinu í
Sviss lífgar upp á kaffibollann með
ljúfum tónum. Kaffisjúklingurinn
tengir MP3-spilara við vélina og get-
ur dansað frá sér allt vit þegar koff-
ínið byrjar að streyma um æðarnar.
www.migros.ch
Lamborghini-kaffi Þetta er kannski
ekki ódýrasta kaffivélin en bíla-
áhugakonur- og menn ættu að slefa
yfir henni. Þessi vél var framleidd í
takmörkuðu magni og hægt er að
kaupa sérstakar Lamborghini-
kaffibaunir í hana. Fólk hefur auð-
vitað misjafnan smekk og það er
ekki víst að gírhnúðurinn fái sam-
þykki í hvaða eldhúsi sem er en það
má þá alltaf hafa hana í bílskúrnum.
Þyngdarlögmálið sannreynt Vatn er
sett í neðri helming könnunar og
kaffi í þann efri. Þegar vatnið sýður
flæðir það upp og kaffið bruggast
með tilheyrandi hljóðum. Þegar
slökkt er á hitanum rennur brúna
gullið tilbúið aftur niður í könnuna
og er klárt til drykkju. Kaffivélin er
ekki bara spennandi heldur einnig
fallega hönnuð af Lina Fischer. Vatn
upp, kaffi niður, lögmálið virkar.
Gáfaður ferða-
bolli Eins og
það er nú frá-
bært að skella
góðu kaffi í
ferðabolla og
sötra það á leið-
inni í vinnuna
eða skólann er
alveg ferlega
leiðinlegt að brenna sig á tungunni.
Brugo-ferðabollinn er þeim eig-
inleikum gæddur að þegar ferða-
langurinn fær sér sopa fyllist lítið
hólf innan í bollanum og kælir niður
næsta sopa. Eins gott að einhver
hugsi fyrir mann á morgnana áður
en koffínið er farið að virka.
www.brugomug.com
liljath@mbl.is
Kaffigræjur af bestu sort
Það er algjör óþarfi að
staðna í kaffimenning-
unni. Kaffisnobb er ódýr-
ara en venjulegt snobb.
úr bæjarlífinu
Síðumúla 3 · 108 Reykjavík · 553 7355
Opið 10-18 virka daga, 11-15 laugard.
Hæðasmára 4 · 201 Kópavogur · 555 7355
Opið 11-18 virka daga, 11-15 laugard.
Tvær verslanir - Frábært úrval
m
bl
10
22
08
7
Tankini - 8.700 Sundbolur - 7.200 Bikini 8.420
Bh - 5.500
Boxer - 3.100
Tankini - 8.460
Náttföt 8.750
Bikini 8.420
Bh - 4.800
Buxur - 2.100
Bh - 5.500
Boxer - 3.100
Glæsilegur
kvenfatnaður frá
30% afsláttur