Morgunblaðið - 16.08.2008, Blaðsíða 17

MORGUNBLAÐIÐ LAUGARDAGUR 16. ÁGÚST 2008 17
ERLENT
BLÓMATEPPIÐ fræga á aðaltorg-
inu eða Grand Place í Brussel blasir
nú við gestum og gangandi í allri
sinni dýrð. Er það sett saman annað
hvert ár úr 800.000 begóníum auk
annarra blómategunda og nær yfir
3.200 ferfet. Hófst sýningin í fyrra-
dag og stendur fram á morgudag-
inn en blómin eru lögð beint á stein-
lagt torgið og eru ekki í neinni
mold. Til þessa þykja begóníur
mjög hentugar því að þær þola vel
sólarbreiskju í nokkurn tíma án
þess að visna. Þær eru því uppi-
staðan í vefnaðinum en dalíur
leggja til bláa litinn og gras þann
græna. Brúni bakgrunnurinn er
hins vegar kallaður fram með ýmiss
konar trjáberki.
Mynstrið er að þessu sinni sótt í
franskt teppi frá því á 18. öld. Þá og
allt frá því um 1600 var mikill
blómatími í franskri teppagerð.
svs@mbl.is
AP
Boðið upp á blómaveislu
á aðaltorginu í Brussel
ÍRASKAR morð-
sveitir hafa að
undanförnu verið
í þjálfunarbúðum
í Íran hjá Íranska
byltingarverðin-
um og liðsmönn-
um Hizbollah-
samtakanna í
Líbanon.
Var þetta haft í
gær eftir ónefnd-
um foringja í Bandaríkjaher í Írak
en hann sagði, að „sérstakar sveitir“
sjíta hefðu verið þjálfaðar í morð-
verkum og sprengjugerð í borgunum
Qom, Teheran, Mashad og Ahvaz.
„Við höfum fullar heimildir fyrir
því, að þessar sveitir muni koma til
Íraks á næstunni þar sem þær ætla
að ráðast gegn erlenda herliðinu og
íröskum borgurum,“ sagði embætt-
ismaðurinn og bætti við, að írösk
yfirvöld væru að kanna málið.
Embættismaðurinn nefndi tvo
hópa, sem hann sagði vera meðal
annarra, sem tækju þátt í þessari
hryðjuverkaáætlun. Væri annar
Kitaib Hizbollah, sem hann kallaði
glæpasamtök á snærum Íranska
byltingarvarðarins, en hin hreyfing-
in As Said al-Haq.
Bandaríkjamenn segjast hafa
vitneskju um þetta frá hryðjuverka-
mönnum, sem hafa verið handteknir,
en að þeirra sögn fóru fyrstu hóp-
arnir til Írans í vor. Svo vill líka til,
að í sumar hefur verið óvanalega lítið
um svokallaðar vegsprengingar en
efnið í sprengjurnar hefur einkum
komið frá Íran. Voru þær 55 í mars
en aðeins 18 í júlí. Á því kann að
verða mikil breyting þegar fyrr-
nefndir hópar snúa aftur til Íraks.
Fá morðsveitir
þjálfun í Íran?
Ótti við aukna óöld í Írak á næstunni
Hugað að særðum
eftir hryðjuverk.
AÐ undanförnu hefur rekið á
fjörur í Englandi og Wales mar-
glyttu eða hvelju, sem kölluð er
portúgalska herskipið eða segl-
hvelja og er ákaflega eitruð, stund-
um baneitruð. Hefur það raunar
gerst áður en aldrei jafnmikið og
nú á þessu sumri.
Seglhveljan lifir í suðrænum sjó
en hagstæðar vindáttir og hugsan-
lega einnig þær loftslagsbreyting-
ar, sem þegar hafa orðið og eru að
verða, hafa fært hana norður á
bóginn. Búast breskir náttúru-
fræðingar við, að hún eigi eftir að
verða æ algengari við strendur
landsins á næstu árum og hafa
baðstrandargestir verið varaðir við
að snerta hana.
Dæmi um dauðsföll
Peter Richardson hjá bresku
hafrannsóknastofnuninni segir, að
portúgalska herskipið sé ákaflega
fallegt í sjónum en komi menn við
það eða þræðina frá því veldur það
mikilli brunatilfinningu og sárs-
auka.
„Dæmi eru um, að fólk hafi látist
af völdum eitursins en það er þó
fátítt. Þá er um að ræða svokallað
ofnæmislost,“ sagði Richardson.
Danir hafa fylgst með þessum
fréttum af áhuga enda eru að
verða í Danmörku sem víðar í
norðurálfu ýmsar breytingar í
náttúrunni með innrás suðlægra
tegunda.
Seglhvelja er ólík öðrum mar-
glyttum að því leyti, að hún er ekki
ein skepna, heldur sambýli nokk-
urra lífvera. svs@mbl.is
Portúgalska herskipið
við strendur Bretlands
Eitruð Hefur seglabúnað til að kom-
ast ferða sinna á yfirborði sjávar.
Umsóknarfrestur í báða sjóðina er til 1. október 2008
Rannsóknasjóður
Hlutverk Rannsóknasjóðs er að styrkja vísindarannsóknir á Íslandi. Í þeim tilgangi styrkir sjóðurinn
skilgreind rannsóknarverkefni einstaklinga, rannsóknarhópa, háskóla, rannsóknastofnana og fyrirtækja.
Rannsóknasjóður veitir þrenns konar styrki með umsóknafrest 1. október 2008:
• Öndvegisstyrki
• Verkefnastyrki
• Rannsóknastöðustyrki
Styrkirnir eru veittir til allt að þriggja ára í senn. Umsækjendur sem hlutu styrk til verkefna árið 2008 með
áætlun um framhald á árinu 2009 skulu senda ársskýrslu til sjóðsins fyrir 10. janúar 2009 en þurfa ekki að
endurnýja umsókn.
Allar umsóknir og umsóknagögn skulu vera á ensku, svo að mögulegt sé að senda umsóknir í mat
erlendis. Undanþágur eru veittar frá þessari meginreglu ef birtingar á viðkomandi fræðasviði einskorðast
við íslenska útgáfu. Í þeim tilvikum skal umsækjandi fá leiðbeiningar hjá starfsmönnum Rannís. Allar
umsóknir um öndvegisstyrki skulu vera á ensku, enda eru öndvegisverkefni ávallt metin af erlendum
sérfræðingum.
Tækjasjóður
Hlutverk Tækjasjóðs er að veita rannsóknastofnunum styrki til kaupa á dýrum tækjum og búnaði til
rannsókna. Við úthlutun úr Tækjasjóði skal taka mið af úthlutunarstefnu Rannsóknasjóðs á hverjum tíma.
Framlag Tækjasjóðs greiðir aðeins hluta kostnaðar við fjárfestinguna.
Heimilt er að sækja í Tækjasjóð 1. október ef umsækjendur er jafnframt með umsókn í Rannsóknasjóð eða
markáætlun um öndvegissetur og klasa og tækið er til nota í því tiltekna verkefni. Stjórn Tækjasjóðs áskilur
sér þó fullan rétt til þess að hafna umsókn þrátt fyrir að hún fái styrk úr Rannsóknasjóði eða
markáætluninni.
Athugið að auglýst verður aftur eftir umsóknum í Tækjasjóð með umsóknarfresti 1. febrúar 2009.
Ítarlegar upplýsingar um Rannsóknasjóð og
Tækjasjóð, styrkina og umsóknareyðublöð er að
finna á heimasíðu Rannís (www.rannis.is).
Rannsóknarmiðstöð Íslands • Laugavegi 13 • 101 Reykjavík • Sími 515 5800 • www.rannis.is
AUGLÝST ER EFTIR UMSÓKNUM
Í RANNSÓKNASJÓÐ OG TÆKJASJÓÐ
BARÁTTA sjónvarpsframleiðenda um markaðinn fyrir
flatsjái er í algleymingi og er fyrsti ofurþunni flatskjár-
inn frá Sony væntanlegur á næsta ári. Verður hann að-
eins þriggja mm þykkur, myndin ofurskörp og raf-
magnsnotkun miklu minni en í þeim flatskjám, sem nú
eru notaðir. Sá galli er þó á gjöf Njarðar, að hann er að-
eins 11 tommur en Sony er að ljúka við frumgerð af 27
tomma skjá. Flatskjáir, sem byggjast á sömu tækni, eru
enn nokkuð dýrir en þeir kosta nú í Bandaríkjunum um
200.000 ísl. kr. Búist er við, að Samsung og Toshiba komi
með sína ofurflatskjái á næstu tveimur árum. svs@mbl.is
Aðeins 3ja mm flatskjáir
„Gömlu“ gerðirnar
af flatskjám.