Morgunblaðið - 16.08.2008, Blaðsíða 38

38 LAUGARDAGUR 16. ÁGÚST 2008 MORGUNBLAÐIÐ
MINNINGAR
Mér líður einsog
litlu barni sem lokar
augunum og er full-
visst um að enginn geti
séð það. Ég kreisti aft-
ur augun og vona að þegar ég loksins
opna þau aftur þá verði allt betra. Ég
bíð og bíð eftir að vakna upp af vond-
um draumi en það er alveg sama
hversu lengi ég bíð, ekkert gerist. Ég
forðast blöðin af því ég vil ekki sjá
dánartilkynninguna. Eins og hjá litlu
barni í feluleik sem lokar augunum til
að enginn sjái það, er eitthvað inní
mér sem segir ef þú sérð hana ekki er
hún ekki til. Ég veit að á endanum
verð ég að opna augun, hætta í felu-
leik þegar ég veit að allir sjá mig. En
sársaukinn við að opna augun virðist
óbærilegur svo ég loka þeim strax
aftur. En ég veit að það svíður mest
fyrst.
Davíð og ég vorum alltaf mikir
mátar, frá því að ég var kornabarn
fór ég í pössun til ömmu Ingibjargar.
Davíð var þá 15 ára og bjó hjá ömmu
og afa. Við eyddum því mörgum
stundum saman. Með honum tók ég
mín fyrstu skref í viðskiptum. Í fjöl-
skylduboði hjá ömmu Mæsu spurði
hann litlu frænku sína hvort hann
mætti fá snudduna hennar. Sú stutta
horfði á hann smá stund og sagði svo:
„Áttu pení?“ Davíð útvegaði sér 100
krónur og rétti þær fram. Hann fékk
snuðið, ég peninginn og við vorum
bæði alsæl.
Mér þótti Davíð sitja óþarflega
mikið við skrifborðið sitt og læra. Ég
var sennilega sú eina sem kvartaði
mikið yfir því að Davíð væri alltaf að
læra þessa „dönsku“ og fannst líka
undarlegt að mamma væri að hvetja
hann til að sitja við þetta skrifborð.
Það var nú samt alltaf svo notalegt
með þau fimmmenningana, systkini
mömmu, þau voru eins og lítill her
sem reddað gat flestöllu. Ef einhver
meiddi sig var hringt í Margréti, ef
Davíð Héðinsson
✝ Davíð Héðins-son fæddist í
Reykjavík 17. mars
1969. Hann lést á
Landspítalanum 6.
ágúst síðastliðinn
og var útför hans
gerð frá Grafar-
vogskirkju 13.
ágúst.
halda átti veislu var
hringt í Magga, ef
vantaði hjálp í tölvu-
málum var það Emil
og ef þurfti aðstoð við
framkvæmdir af ein-
hverri gerð var Davíð
maðurinn. Mamma var
svo til taks með hjálp
við heimalærdóm eða
„dönsku“.
Það var stór dagur í
lífi mínu sumarið 1992
þegar ég fékk þær
merkilegu fréttir að
Kristín væri með barn
í maganum. Ég fékk að sjá sónar-
mynd í fyrsta sinn og var ekkert lítið
spennt yfir þessu öllu saman. Mér
fannst nefnilega „við“ vera að fara að
eignast barn. 7. janúar kom svo Grét-
ar í heiminn, svona líka fullkominn og
sætur, mér fannst ég auðvitað eiga
mjög stóran hluta í honum og seinna
meir í Gunna og Önnu Sigrúnu. Enn
þann dag í dag finnst mér ég eiga
heilan helling í þessum frábæru
börnum Davíðs og Kristínar.
Dauðsfall elsku frænda míns og
vinar kom eins og þruma úr heiðskíru
lofti, eins og að fótunum væri kippt
undan manni og hjartað brotið í litla
mola. Sorgin er bugandi og engin orð
fá henni lýst. Í öllu þessu má þó ekki
gleyma þakklætinu sem ég ber í
brjósti mér, ég veit að nú líður Davíð
vel og fyrir það er ég mjög þakklát,
ég gleðst yfir því að eiga allar þessu
fallegu minningar af ljúfum stundum.
Þegar ég hugsa til baka þá voru allar
stundir með Davíð svo ljúfar, fylltar
af gleði, ást, umhyggju og þessu fal-
lega brosi, fyrir þetta er ég þakklát
en fyrst og fremst er ég þakklát fyrir
að hafa kynnst manni eins og Davíð.
Ingibjörg María Þórarinsdóttir.
Kær samferðarmaður og ná-
granni, Davíð Héðinsson, hefur þurft
að lúta í lægra haldi fyrir illvígum
sjúkdómi. Hans ótímabæra fráfall er
þungbært og verður hans sárt sakn-
að.
Kynni okkar hófust á vettvangi
skólamálanna. Af miklu innsæi stuðl-
aði Davíð að uppbyggingu foreldra-
samstarfs í nýjum Korpuskóla. Hann
lét sig ekki muna um að bjóða heim
öllum foreldrum þeirra hátt á þriðja
tug barna sem hófu nám í fyrsta bekk
í Korpuskóla haustið 1999. Hann var
sannfærður um að það væri mikil-
vægt að allir foreldrar kynntust.
Ekki bara af því að það væri gott
barnanna vegna heldur væri það líka
bara svo skemmtilegt. Ég er sann-
færð um að það er ekki síst honum að
þakka að einstaklega góð kynni hafa
tekist með foreldrum og höfum við
átt margar góðar stundir og gott
samstarf æ síðan.
Davíð var fyrsti formaður for-
eldraráðs Korpuskóla, sýndi ómælt
frumkvæði og axlaði mikla ábyrgð.
Hann var fremstur meðal jafningja í
ráðinu, naut mikils trausts og hafði
einstakt lag á að láta öllum líða vel í
kringum sig. Hann kom eins fram við
alla og var góður félagi. Hann studdi
og hvatti skólastjórnendur, hrósaði
þeim fyrir það sem vel var gert og
var hreykinn af skólanum. Hans já-
kvæðu viðhorf höfðu mikið að segja á
mótunarskeiði nýs skóla. Þegar ljóst
var að það bráðabirgðahúsnæði á
Korpúlfsstöðum sem skólinn hóf
starfsemi í stóð skólastarfinu fyrir
þrifum hóf Davíð baráttuna fyrir
byggingu skóla í hverfinu. Fundir
voru haldnir, bréf voru skrifuð, und-
irskriftum safnað. Þeirri baráttu lauk
með sigri sem ekki síst er Davíð að
þakka. Fyrir allt hans óeigingjarna
starf í þágu barnanna í Staðarhverfi
vil ég þakka og veit að ég mæli þar
fyrir munn allra foreldra í hverfinu.
Frá upphafi kynna minna af Davíð
var ljóst að fjölskyldan var honum af-
ar kær. Hann var stoltur af konunni
sinni og börnunum þeirra og þau
voru honum alltaf ofarlega í huga.
Margir fundir voru haldnir á heimili
þeirra hjóna og okkur var öllum ljóst
að samheldni, hlýja og gleði var þar
ríkjandi.
Tengsl fjölskyldna okkar styrktust
þegar eldri dóttir mín og systurdóttir
Davíðs kynntust á skiptinemaári í
Bandaríkjunum. Við skiptumst á
fréttum af dvöl þeirra ytra og höfðum
gaman af. Þar kom líka berlega í ljós
væntumþykja Davíðs í garð allrar
sinnar stóru fjölskyldu.
Elsku Kristín, Grétar, Gunnar,
Anna Sigrún, Mæja, Sigfús, Inga og
fjölskyldan öll, innilegar samúðar-
kveðjur til ykkar allra. Megi allar
góðu minningarnar styrkja ykkur og
styðja.
Guð blessi og varðveiti minningu
Davíðs Héðinssonar.
Bergþóra Valsdóttir
og fjölskylda.
Kveðja frá
Búnaðarsambandi
Eyjafjarðar
Látinn er Gunnsteinn Sigurðsson
starfsmaður Búnaðarsambands
Eyjafjarðar. Vorið 1959 útskrifaðist
Gunnsteinn Sólberg
Sigurðsson
✝ Gunnsteinn Sól-berg Sigurðsson
fæddist í Vallholti á
Akureyri 21. júní
1940. Hann lést á
Akureyri fimmtu-
daginn 7. ágúst síð-
astliðinn og fór út-
för hans fram frá
Akureyrarkirkju
13. ágúst.
Gunnsteinn sem bú-
fræðingur frá Bænda-
skólanum á Hólum og
var þá um vorið ráðinn
starfsmaður Sam-
bands nautgriparækt-
arfélaga Eyjafjarðar
(SNE). Starfaði hann
síðan samfellt fyrir ey-
firska bændur, fyrstu
árin einkum við bú-
reksturinn á Búfjár-
ræktarstöðinni á
Lundi, en einnig við
afleysingar í naut-
gripasæðingum, ýmiss
skrifstofustörf svo sem uppgjör á
kúaskýrslum o.fl. Á áttunda ára-
tugnum voru SNE og Búnaðarsam-
band Eyjafjarðar (BSE) sameinuð
og var Gunnsteinn eftir það starfs-
maður BSE til hinsta dags, á seinni
árum fyrst og fremst sem frjótæknir
en einnig í skýrsluhaldi, hey- og jarð-
vegssýnatöku ásamt ýmsu öðru er til
féll.
Gunnsteinn var hæglátur maður
og traustur, skipti aldrei skapi en
sagði skoðanir sínar umbúðalaust.
Hann var yfirvegaður, samvisku-
samur og ósérhlífinn í störfum og
naut virðingar jafnt samstarfsmanna
sinna sem eyfirskra bænda. Marga
þeirra hitti hann oft og naut ein-
stakrar velvildar allra þeirra sem
hann umgekkst. Það er ómetanlegt
fyrir hvern sem er að hafa mann eins
og Gunnstein í vinnu og hvað þá í
hart nær hálfa öld. Það verður seint
fullþakkað.
Ég votta Ingu, börnum þeirra og
öðrum aðstandendum innilega sam-
úð á erfiðum tímum.
Sigurgeir B. Hreinsson,
formaður.
Morgunblaðið birtir minningar-
greinar alla útgáfudagana.
Skil | Greinarnar skal senda í gegn-
um vefsíðu Morgunblaðsins: mbl.is –
smella á reitinn Senda efni til Morg-
unblaðsins – þá birtist valkosturinn
Minningargreinar ásamt frekari
upplýsingum.
Myndir | Ef mynd hefur birst í til-
kynningu er hún sjálfkrafa notuð
með minningargrein nema beðið sé
um annað. Ef nota á nýja mynd er
ráðlegt að senda hana á mynda-
móttöku: pix@mbl.is og láta um-
sjónarmenn minningargreina vita.
Minningargreinar
✝
Innilegar þakkir færum við öllum þeim sem
auðsýndu okkur samúð og hluttekningu við fráfall
elskulegrar móður okkar, tengdamóður, ömmu og
langömmu,
INGIBJARGAR GUÐMUNDSDÓTTUR
í Eyrardal, Súðavík.
Sérstakar þakkir færum við starfsfólkinu á
öldrunardeild Sjúkrahússins á Ísafirði sem með
frábærri umönnun og umhyggju gagnvart mömmu
og pabba, Kjartani Jónssyni, létti þeim ævikvöldið
síðustu árin þeirra þar.
Guðlaug Ingvarsdóttir,
Jóna McCarthy, Jósep McCarthy,
Bjarni Kjartansson, Guðmundína Sturludóttir,
Steinn Ingi Kjartansson, Rósa Ólafsdóttir,
Guðmundur S. Kjartansson, Guðrún Eiríksdóttir,
Guðjón M. Kjartansson, Dagbjört S. Hjaltadóttir,
Kristín Lilja Kjartansdóttir, Þorsteinn Haukur Þorsteinsson,
Bjarney Stella Kjartansdóttir, Einar Hálfdánarson,
Daði Kjartansson,
Stefán Haukur Kjartansson
og fjölskyldur.
✝
Innilegar þakkir til allra þeirra sem sýndu okkur
samúð, vinarhug og stuðning við andlát og útför
okkar ástkæru
RAGNHILDAR KRISTÍNAR SANDHOLT
Sérstakar þakkir til starfsmanna heimahlynningar
og líknardeildar LHS í Kópavogi fyrir einstaka
umönnun.
Jón Eiríksson,
Eiríkur Jónsson, Ásthildur Björnsdóttir,
Íris Jónsdóttir, Einar Sigurðsson,
Atli Már Jónsson, Lilja Dagbjartsdóttir
og barnabörn.
✝
Innilegar þakkir til allra þeirra sem sýndu okkur
samúð, hlýhug og hjálpsemi vegna andláts og
útfarar yndislegs sonar og bróður,
ARNAR SIGURÐARSONAR
Granaskjóli 52,
Reykjavík.
Umhyggja ykkar hefur gefið okkur styrk í
þungbærri sorg.
Steinunn Sigurþórsdóttir, Sigurður Guðjónsson,
Þorgeir Sigurðarson.
✝
Innilegar þakkir til allra sem sýndu fjölskyldunni
samúð og hlýhug vegna andláts
OLGEIRS SIGURÐSSONAR,
Kóngsbakka 12,
Reykjavík.
Sérstakar þakkir til starfsfólks deildar 13G á
Landspítala við Hringbraut.
Ragnhildur Gísladóttir,
Fritz H. Berndsen, Ásta Kristjánsdóttir,
Halldór Olgeirsson, Svava Magnúsdóttir,
Guðrún Olgeirsdóttir, Jens Arnljótsson,
Þórunn Olgeirsdóttir, Haraldur Pálsson,
Smári Olgeirsson, Sigríður Benediktsdóttir,
barnabörn og barnabarnabörn.
✝
Elskuleg eiginkona mín, móðir okkar, stjúpmóðir,
tengdamóðir, amma og langamma,
RÓSA EIRÍKSDÓTTIR,
Hæðargarði 33,
áður Miðdal í Kjós,
verður jarðsungin frá Bústaðakirkju þriðjudaginn
19. ágúst kl. 15.00. Þeim sem vilja minnast hinnar
látnu er bent á MS-félagið.
Davíð Guðmundsson,
Fanney Þ. Davíðsdóttir,
Hulda Þorsteinsdóttir, Aðalsteinn Grímsson,
Kristín Davíðsdóttir, Gunnar Rúnar Magnússon,
Guðbjörg Davíðsdóttir,
Katrín Davíðsdóttir, Sigurður Ingi Geirsson,
Sigríður Davíðsdóttir, Gunnar Guðnason,
Guðmundur H. Davíðsson, Svanborg A. Magnúsdóttir,
Eiríkur Þ. Davíðsson, Solveig U. Eysteinsdóttir,
barnabörn og barnabarnabörn.
✝
Elskulegur faðir okkar, tengdafaðir, afi og langafi,
BRYNJÓLFUR SÆMUNDSSON,
Dalbraut 27,
lést miðvikudaginn 13. ágúst.
Útförin verður auglýst síðar.
Dagmar Brynjólfsdóttir, Georg Jón Jónsson,
Jóhanna Brynjólfsdóttir, Sveinbjörn Jónsson,
Jóna P. Brynjólfsdóttir, Gylfi Helgason,
barnabörn og barnabarnabörn.