Morgunblaðið - 16.08.2008, Blaðsíða 26
Nýju eigendunum varð ljóstað ýmsu þyrfti að breytaí húsinu, laga rafmagn ogaðrar lagnir, áður en
hjónin og börnin fjögur gætu búið
þar um sig til framtíðar. Strax var
farið að kasta fram hugmyndum og
láta hanna breytingar.
Garðabæjarhúsið var byggt um
1970, hannað af Kjartani Sveinssyni,
200 fermetra L-laga hús. Í húsinu
voru þrjú barnaherbergi, hjóna-
herbergi og lítið vinnuherbergi, auk
baðherbergis, eldhúss og stofu.
Arkitekt hannaði breytingarnar
Strax varð ljóst að bæta þyrfti við
einu barnaherbergi og stækka eld-
húsið sem var svo lítið að ekki var
hægt að koma þar fyrir upp-
þvottavél. Auk þess var þar ekki
borðkrókur heldur bara borðplata
sem borðað var við. Til hliðar við eld-
húsið, sem var lokað, var borðstofan.
Ósk kom fram um opið og miklu
stærra eldhús og þægilega borð-
stofu. Baðherbergið var stórt á þessa
tíma mælikvarða en ákveðið var að
stækka það.
Á meðan fjölskyldan dvaldist er-
lendis var Albína Thordarson arki-
tekt fengin til að hanna breytingar á
húsinu. Stóra eldhúsið varð að veru-
leika með því að sameina búr, eldhús
og borðstofu og nú var opið inn í eld-
húsið á tveimur stöðum. Innréttingin
er hvít og á eldhúsborðinu skiptast á
samlímd eik og dökkt granít. Þegar
eldhús og borðstofa sameinuðust
urðu eldhúsgluggarnir tveir. Til þess
að geta notið útsýnisins var gerður
gólfsíður gluggi innst í eldhúsinu og
þegar setið er við borðsendann er
gaman að horfa út á grasflötina.
Ekki eiginlegur borðkrókur
Vissulega geta margir borðað við
eldhúsborðið samtímis en Albína
segist þó ekki hafa hugsað þennan
hluta eldhússins sem borðkrók held-
ur miklu fremur aukið vinnurými í
eldhúsi þar sem oft eru margir að
vinna samtímis. Segja má að hvort
tveggja sé góður kostur, að fá sér
matarbita við borðsendann eða sitja
þar og hjálpa til við eldhússtörfin,
eða fylgjast með því sem fram fer.
Í fyrstu kom hugmynd um að
byggja við húsið inni í kverkinni þar
sem leggir L-sins koma saman. Frá
því var fallið til að skemma ekki úti-
aðstöðuna. Í staðinn var opnað út á
yfirbyggða veröndina sem þar var og
rennihurðir settar fyrir hana svo úr
varð nýtt innra rými fyrir sjónvarpið.
Ekki var þó endanlega fallið frá við-
byggingu. Hún kom við enda stof-
unnar og var í fyrstu hugsuð sem sól-
stofa en breyttist fljótlega í
„sólborðstofu“. Í þessari frábæru
borðstofu borðar fjölskyldan alltaf á
kvöldin og oftast um helgar, þ.e. þeg-
ar ekki er borðað úti á pallinum.
Hægt er að renna glerhurðum frá
bæði til austurs og vesturs í borðstof-
unni og borða fyrir opnum dyrum
þegar veður leyfir. Sólpallurinn er
líka mikið notaður enda er þar bæði
upphitun og markísa.
Dyr út úr svefnherberginu
Í svefnherbergisálmunni fengu
barnaherbergin að halda sér og
gamla vinnuherberginu breytt í
fjórða barnaherbergið. Hjóna-
herbergið fékk andlitslyftingu með
því að brotinn var veggur svo úr varð
góður gluggi og tvöfaldar svaladyr.
„Við vildum líka geta komist þarna út
á pallinn og njótum þess að geta opn-
að út,“ segir frúin.
Baðherbergið var stækkað með
því að færa endavegginn út um einn
metra. Gerður var gólfsíður gluggi á
herbergið, svipaður þeim sem áður
var nefndur í eldhúsinu. Hornbað-
ker, sturtuklefi og tveir flottir vaskar
setja nýjan svip á baðherbergið.
Óvenjuleg vinnuaðstaða
Þar sem vinnuherbergið hvarf
varð að huga að vinnuaðstöðu fyrir
hjónin, sem gjarnan vinna heima
þegar þess gerist þörf. Albína fann
snjalla laus á þeim vanda. Þegar
gengið er inn úr forstofunni hefur
verið komið fyrir á hægri hönd nokk-
uð háum, íbognum vegg sem gengið
er meðfram og inn í vinnuaðstöðuna.
Í gólfinu meðfram veggnum eru inn-
felld halogenljós sem varpa birtu upp
á vegginn þegar skyggir. Enn er
veggurinn hvítur eins og aðrir veggir
hússins en í ráði er að gefa honum
meira vægi og setja á hann lit við
hæfi. Húsráðendur segja ótrúlega
þægilegt og um leið skemmtilegt að
setjast niður við tölvuna bak við
vegginn. Þar séu þau mitt í hringiðu
heimilislífsins þótt eitthvað sé bauk-
að handan við vegginn. Stórkostleg
lausn sem tekur lítið pláss, en er þó
býsna rúmgóð þegar betur er að gáð.
Vel heppnaðar breytingar
Það getur tekið drjúgan tíma að
breyta húsi þótt það sé ekki nema um
200 fermetrar og verði um 240 að
breytingum loknum, já og það þótt
allar teikningar séu tilbúnir og fátt til
fyrirstöðu. Það reyndu hjónin og
börnin þeirra fjögur í Garðabænum.
„Við enduðum heima hjá pabba og
mömmu í gamla herberginu sem við
byrjuðum í, nú fjórum börnum
seinna,“ segir eiginmaðurinn. „Og
þar vorum við í eina sex mánuði áður
en við gátum flutt, en fengum reynd-
ar annað herbergi að auki til yfirráða
svo það voru þrír í hvoru herbergi
þennan tíma,“ segir eiginkonan.
Áreiðanlega hafa allir verið kátir
þegar þeir fluttu í húsið sitt að lok-
um, enda ekki í kot vísað.
fridabjornsdottir@gmail.com
Sólborðstofan Horft inn í borðstofuna sem var næstum orðin að sólstofu. Hér borðar fjölskyldan alltaf á kvöldin og oftast
Flott Baðherbergið var stækkað og búinn til nýr gólfsíður gluggi eins og
víðar í húsinu. Tveir vaskar, sturta og hornbaðker er m.a. á baðinu.
Húsið lagað
að þörfum
fjölskyldunnar
Vinnuherbergið Bak við þennan íbogna vegg leynist þægileg vinnuaðstaða.
Fyrir nokkrum árum keypti sex manna fjölskylda hús í
Garðabæ. Reyndar var ekki meiningin að flytja strax í
húsið heldur leigja það þar til kaupendurnir, sem bjuggu
erlendis, flyttu heim. Fríða Björnsdóttir skoðaði húsið.
Opnar hillur Það er létt yfir endaveggnum í eldhúsinu sem nýtist vel.
lifun
26 LAUGARDAGUR 16. ÁGÚST 2008 MORGUNBLAÐIÐ