Morgunblaðið - 09.09.2008, Blaðsíða 8

8 ÞRIÐJUDAGUR 9. SEPTEMBER 2008 MORGUNBLAÐIÐ
FRÉTTIR
FRÉTTASKÝRING
Eftir Björn Jóhann Björnsson
bjb@mbl.is
VERKTAKINN við fyrirhugaða
Landeyjarhöfn í Bakkafjöru, Suð-
urverk, er byrjaður að koma sér fyr-
ir með vinnubúðir og tækjabúnað.
Fljótlega verður byrjað að byggja
upp núverandi vegslóða upp á
Hamragarðaheiði og Seljalands-
heiði, fyrir ofan Seljalandsfoss, þar
sem grjót- og malarnámur verða
fyrir hafnar- og vegaframkvæmdir.
Grjótflutningabifreiðir munu aka
dágóða leið niður af heiðunum, yfir
Þórsmerkurveg og hringveginn nið-
ur að sjó. Í matsskýrslu Skipulags-
stofnunar kemur fram að farnar
verði 30-40 þúsund ferðir, allt háð
stærð flutningatækja. Flytja á 500
þúsund rúmmetra af grjóti niður af
heiðinni og 50 þúsund rúmmetra af
möl.
Dofri Eysteinsson, fram-
kvæmdastjóri Suðurverks, segir að
líklega verði ferðirnar ríflega 30
þúsund talsins með efni í hafn-
argerðina og til þess notaðir öflugir
námutrukkar sem hafa verið í notk-
un við Kárahnjúka og víðar. Vinna
við vegagerð upp á heiðarnar hefst
fljótlega og reiknar Dofri með að
grjótnám geti hafist eftir 1-2 mán-
uði. Suðurverk fékk samþykki fyrir
styttingu vegslóðans í grjótnámuna
og fer hann því á öðrum stað yfir
Seljalandsá og nær Seljalandsfossi.
Ummerkin aldrei afmáð
Áhyggjur af umfangi verksins eru
komnar fram en grein birtist í Morg-
unblaðinu nýverið eftir Árna Al-
freðsson leiðsögumann, sem telur að
verið sé að stórskemma umhverfi
Seljalandsfoss. Eftir að jarðýtur fari
að vinna í hraunbrekkunni neðst í
Hamragarðaheiði verði þau um-
merki aldrei afmáð.
„Ef það er nauðsynlegt að flytja
Eyjafjöllin í bútum hálfa leið til
Vestmannaeyja þá er vel hægt að
gera það án þess að eyðileggja
Hamragarðaheiði og ásýnd Selja-
landsfoss. Það er vel hægt að velja
annað vegstæði. Hver skrifar upp á
svona framkvæmd og hvaða leyfi
þarf?“ spyr Árni í grein sinni.
Að sögn sérfræðinga hjá Skipu-
lagsstofnun, sem unnu matsskýrsl-
una, er ekki talið að Seljalandsá,
Seljalandsfoss eða Gljúfrabúi verði
fyrir raski við þessar framkvæmdir.
Eru námurnar taldar í það mikilli
fjarlægð. Ekkert var á þennan þátt
minnst í gögnum framkvæmdaraðila
eða umsögnum. Engar athugasemd-
ir bárust heldur við skipulagsvinnu
eða við annan undirbúning fram-
kvæmdanna.
Skilja áhyggjur fólks
„Við skiljum hins vegar að fólk
hafi áhyggjur af þessu, sérstaklega á
framkvæmdatíma,“ sagði Rut Krist-
insdóttir hjá Skipulagsstofnun og
vísaði þar til þeirra miklu þunga-
flutninga sem munu eiga sér stað á
svæðinu.
Svipaða sögu hafði Elvar Ey-
vindsson, sveitarstjóri Rangárþings
eystra, að segja. Hann sagðist skilja
áhyggjur fólks af raskinu en fyrir
framkvæmdunum væru gild leyfi og
engar athugasemdir hefðu borist í
undirbúningsferlinu. Taldi hann
engin sjáanleg ummerki verða eftir
grjótnámuna niður á þjóðveg.
Morgunblaðið/Steinunn Ósk
Grjótnám Námutrukkar og búkollur frá Suðurverki eru mætt á svæðið en grjótið í Landeyjarhöfn kemur ofan af Fagrafelli og Seljalandsheiði, sem eru í
baksýn ásamt Seljalandsfossi. Heimamenn hafa margir hverjir áhyggjur af því umhverfisraski sem verður vegna framkvæmdanna á ásýnd vatnsfallsins.
30.000 sinnum framhjá fossinum
 



 
 











 


 
 
 









 
550 þúsund rúm-
metrar teknir ofan
Seljalandsfoss
Eftir Andra Karl
andri@mbl.is
„MEÐ VÍSAN í 102. gr. umferðar-
laga var maðurinn sviptur ökurétti til
bráðabirgða, á þeim forsendum að
hafa neitað að veita atbeina sinn við
rannsókn málsins,“ segir í tilkynn-
ingu frá lögreglunni á Selfossi. Mað-
urinn sem var handtekinn og færður á
lögreglustöð um helgina hafði
skömmu áður ekið út af vegi í Kömb-
um. Hann neitaði að hafa ekið drukk-
inn og neitaði að gefa þvagsýni.
Líkt og venjan er þegar ökumenn
neita að gefa þvagsýni er kallaður til
læknir. Læknirinn neitaði hins vegar
að taka þvagsýni gegn neitun öku-
mannsins. Var því gripið til þess ráðs
að taka þrjár blóðprufur, sem mað-
urinn gerði ekki athugasemdir við,
auk þess að beita í 102. gr. umferð-
arlaga.
Að sögn Ólafs Helga Kjartansson-
ar sýslumanns er þetta í fyrsta skipti
svo hann viti til að læknir hafi neitað
að taka þvagsýni og auk þess í fyrsta
skipti sem ákvæði 102. gr. umferðar-
laga er beitt. „Það er ljóst að við erum
bundnir af því að fara að lögum og
lögin skammta okkur aðferðir. Við
notum þau tæki sem okkur er gert að
nota,“ segir Ólafur og einnig að nú sé
það dómstóla að ákveða framhaldið.
Skemmst er að minnast máls sem
kom upp á síðasta ári þegar þvaglegg-
ur var settur upp hjá konu sem neit-
aði að gefa þvagsýni.
Læknirinn neit-
aði að taka þvag-
sýni með valdi
Í HNOTSKURN
»102. gr. umferðarlagahljóðar eitthvað á þessa
leið: Nú hefur stjórnandi
vélknúins ökutækis […] að
veita atbeina sinn við rann-
sókn máls […] og skal hann þá
sviptur ökurétti.
»Neiti stjórnandi vélknúinsökutækis að veita atbeina
sinn við rannsókn máls […]
skal svipting ökuréttar eigi
vara skemur en eitt ár.
Lögreglan á Sel-
fossi grípur til
annarra aðgerða
UMFJÖLLUN
allsherjar-
nefndar Alþingis
um frumvarp til
laga um nálg-
unarbann lýkur í
dag. Frumvarpið
hefur verið í
meðförum henn-
ar frá því á vor-
þingi. Birgir Ár-
mannsson,
formaður nefndarinnar, segir
breytingartillögur nefndarinnar
munu liggja fyrir í dag og væntir
þess jafnframt að frumvarpið verði
tekið aftur til umræðu strax á fram-
haldsþinginu núna í september.
Núgildandi ákvæði um nálg-
unarbann, í lögum um meðferð op-
inberra mála, falla úr gildi um
næstu áramót svo frumvarpið þarf í
síðasta lagi að taka fyrir á haust-
þinginu sem sett verður í október.
Nefndin skilar
af sér í dag
Birgir
Ármannsson
LÖGREGLUNNI í Vestmanna-
eyjum var í gærdag tilkynnt að lík
af karlmanni hefði fundist í Kapla-
gjótu, en hún er sunnan í Dalfjalli á
Heimaey. Litlar upplýsingar var að
fá hjá lögreglu þar sem hún var á
staðnum í gær en unnið er að rann-
sókn málsins. Lögregla telur ekki
að um saknæmt atvik sé að ræða.
Fannst látinn
í Kaplagjótu
FRAM kom í áliti Skipulagsstofn-
unar að fyrirhugaðar fram-
kvæmdir, og þar með talið grjót-
nám á Seljalandsheiði, væru
umfangsmiklar og hefðu áhrif á
svæði sem væru lítt röskuð eða
óröskuð.
Taldi stofnunin að neikvæð
sjónræn áhrif yrðu einkum vegna
veglagningar að efnistökusvæð-
um og vegna grjótnáms á heið-
inni. Neikvæð áhrif á gróður yrðu
talsverð. Einnig var tekið undir
þá niðurstöðu framkvæmdar-
aðila, hvað varðar áhrif efnistöku
á landslag og ósnortin víðerni,
að um talsverð neikvæð áhrif
yrði að ræða á nær óraskað
heiðasvæði og áhrifin yrðu að
mestu varanleg. Var áhersla lögð
á samráð við Umhverfisstofnun
og verktaka um frágang og lagn-
ingu vega að námunum.
Neikvæð áhrif