Morgunblaðið - 21.09.2008, Side 18

18 SUNNUDAGUR 21. SEPTEMBER 2008 MORGUNBLAÐIÐ
Sigurður Kári „Ég man auðvitað eft-
ir systur minni frá því hún fæddist.
Það eru sex ár á milli okkar. Ég var
mjög spenntur að eignast systkini,
flestir vinir mínir áttu systkini og
mér fannst ég eiginlega hálf-
utangátta að vera einbirni. Við Haf-
rún eigum ekki önnur systkini og
höfum eðli málsins samkvæmt átt
mikil samskipti. Við vorum ólíkir
krakkar; ég frekar rólegur og hæg-
látur framan af, en það var meiri
fyrirferð á henni. Ég passaði hana
mikið og hef alltaf reynt að hafa mín
áhrif á það hvaða leiðir hún fer í líf-
inu. Ekki að ég hafi stjórnað henni,
heldur frekar svona veitt leiðsögn
og aðhald. Hún er hinsvegar mjög
ákveðin og henni hefur tekizt bæri-
lega og vel það með það sem hún
hefur tekið sér fyrir hendur. Ég hef
ekki þurft að hafa áhyggjur af því.
En ég er auðvitað eldri og hún apaði
eftir það sem ég og vinir mínir vor-
um að gera. En samband okkar bar
keim af því að þegar ég var á öðru
ári í háskólanum, þá var hún að
byrja í framhaldsskóla.“
„Ég hafði afskaplega gaman af að
stríða henni í sambandi við stráka-
málin. Ég fylgdist grannt með þeim
einsog öðru. Og þegar hún kom
heim með einhvern vin settist ég að
honum og spurði hann spjörunum
úr, þangað til hún var orðin sjóðandi
vond. Stundum tók pabbi þátt í
þessum þriðjugráðuyfirheyrslum
með mér og það mátti oft ekki á
milli sjá hvort við værum nær því að
springa úr hlátri eða hún úr reiði.
Hún hefur efalaust fylgzt með mínu
félagslífi eftir beztu getu, en hún
hafði sig ekkert í frammi, enda ekki
í neinni stöðu til að vera með ein-
hverjar meiningar – barnið.
Mér tókst að tala hana inná að
fara í Verzlunarskólann. Það var
minn skóli og auðvitað sá bezti. En
hún fann sig ekki þar og fór í FB.
Þótt það sé ágætis skóli var ég ekki
yfir mig ánægður með þessi skipti
hjá henni. Hún er líka öðru vísi
námsmanneskja en ég. Ég tók nám-
ið mjög alvarlega; var kúristi og lot-
umaður, en hún syndir gegnum
þetta glæsilega og að því er virðist
áreynslulaust og stendur sig alltaf
frábærlega. Það liggur vel fyrir
henni að læra, en ég reiknaði ekki
með henni svona sterkri á skóla-
svellinu.“
Kom henni í Val og
Sjálfstæðisflokkinn
„Það var fortakslaust ég sem kom
henni í handboltann og í Val. Ég var
í Fram, spilaði fótbolta og æfði
sund, en hana langaði í handbolta.
Eini maðurinn sem ég þekkti í hand-
boltanum var Dagur Sigurðsson,
skólabróðir og vinur, sem nú er
landsliðsþjálfari Austurríkis. Hann
var þá að stíga sín fyrstu skref sem
þjálfari hjá Val og ég fól honum að
koma Hafrúnu inn í handboltann.
Ég hef þó aldrei fylgt henni eftir inn
í Val en ég fer á alla hennar leiki
Hún er fauti á vellinum
Hún kom mér á óvart, þeg-
ar hún fór í sálfræðinginn.
Hún hefur alltaf verið dá-
lítið lokuð með sín mál. En
hún er forvitnasta mann-
eskja sem ég þekki og það
á kannski vel við.
Foreldrar Hafrúnar og Sigurðar Kára
eru Elín Þórjónsdóttir sjúkraliði og
Kristján Ágúst Ögmundsson for-
stöðumaður.
Sigurður Kári fæddist 9. maí 1973.
Hann varð stúdent frá VÍ 1993, nam
lögfræði í Belgíu og tók lögfræðipróf
við HÍ 1998. Starfaði á lögmanns-
stofum. Forseti Nemendafélags VÍ, for-
maður Orators, fulltrúi í háskólaráði
fyrir Vöku. Í stjórn Heimdallar og stjórn
Sambands ungra sjálfstæðismanna,
formaður SUS 1999-2001. Í miðstjórn
og framkvæmdastjórn Sjálfstæð-
isflokksins, í stjórn Heimssýnar, hreyf-
ingar sjálfstæðissinna í Evrópumálum.
Alþingismaður fyrir Sjálfstæðisflokk-
inn í Reykjavíkurkjördæmi norður. Eig-
inkona Sigurðar Kára er Birna Braga-
dóttir BA í félagsfræði og eiga þau tvö
börn.
Hafrún fæddist 20. nóvember 1979. Hún gekk í Hólabrekkuskóla og síðan
einn vetur í Verzlunarskólann, en fór svo yfir á íþróttabraut í FB. Síðan nam
hún sálfræði við Háskóla Íslands og starfar nú á geðdeild Landspítalans og
vinnur að doktorsverkefni um hugræna atferlismeðferð við þunglyndi og
kvíða í heilsugæzlu. Hún kennir við Háskóla Íslands og Háskólann í Reykjavík
og er í stjórn Sálfræðingafélags Íslands. Hafrún er fyrirliði kvennaliðs Vals í
handbolta og hefur spilað nálægt 400 meistaraflokksleiki og 25 landsleiki.
Sambýlismaður hennar er Snorri Sturluson íþróttafréttamaður.
Tengsl Hún er Valsari í handbolta, hann er Frammari í fót-
bolta. Hún er sálfræðingur, hann er alþingismaður. Hafrún
Kristjánsdóttir er litla systir, Sigurður Kári Kristjánsson er
stóribróðir. Í samtölum við Freystein Jóhannsson segja þau
undan og ofan af systkinasambandinu.