Morgunblaðið - 21.09.2008, Blaðsíða 20

20 SUNNUDAGUR 21. SEPTEMBER 2008 MORGUNBLAÐIÐ
R
ósirnar standa á sínum
háu stilkum í gler-
skápnum og súkku-
laðið er tælandi í hill-
unum í sérversluninni
hennar Eddu Heiðrúnar Backman
að Hverfisgötu 52. Þangað erum við
Atli Heimir Sveinsson tónskáld
komin til skrafs um „Leik-
húsperlur“, sviðsetta dagskrá með
söng og dansi sem helguð er Atla
Heimi og Edda Heiðrún hefur haft
umsjón með uppsetningu á.
Við byrjum á að fara rækilega út
fyrir umræðuefnið.
„Ég er komin í fjarnám í leikfimi,
sá þetta kynnt í blaði og fékk æf-
ingar í tölvuforriti – svo fer ég í
heilsuræktarstöð þar sem oft er
enginn maður og geri æfingarnar,
kannski er þessi stöð að fara á
hausinn en ég ætla þá að vera
þarna þangað til,“ segir Atli Heimir
snarborulegur í bragði þegar ég hef
orð á hve vel hann sé á sig kominn.
„Það var einu sinni kona, hún sá
að maðurinn hennar var að fitna
þannig að hún sendi hann á hlaupa-
námskeið hjá Námsflokkunum og
það endaði með því að hann hljóp
að heiman með konu sem skokkaði
á undan honum,“ laumar Edda
Heiðrún út úr sér. Við hlægjum öll
- þótt vissulega sé ekki hlægjandi
að svona nokkru.
Að loknum þessum „prologus“
koma „Leikhúsperlur“ Atla Heimis
á mælendaskrá.
„Ég setti niður fyrir mér hvernig
ætti að standa að svona dagskrá.
Ég skoðaði hvenær tónskáldinu er
tjaldað og það hve leikhúsinu og
leikurum er mikils virði að fá að
frumflytja nýja íslenska músík.
Slíkar stundir eru yfirleitt hátíðleg-
ar í leikhúsum og ég hef persónu-
lega sett mér það markmið að hafa
lifandi og frumorta tónlist við þau
verk sem ég set upp, það er samofið
mínum hugsunarhætti,“ segir Edda
Heiðrún þegar ég spyr um aðkomu
hennar að sýningunni.
Þau Edda og Atli segjast vinna
og hafa unnið mjög náið saman iðu-
lega. Þá skoða þau hvaða stef hent-
ar hverjum karakter, hvernig
áhrifatónlist eigi við hverju sinni og
„hvaða sönglög séu rétt fyrir við-
komandi verk,“ segir Edda. Ég lít
spyrjandi á Atla.
„Ég er í leikhúsinu á þeim for-
sendum að vinna að einum þætti
sýningarinnar sem verður að vera í
samhljómi við hina. Leikstjórinn
samhæfir þættina og ég þarf að
reyna að skilja hvað hann er að fara
með sínum óskum. Við Edda höfum
þreifað okkur áfram við píanóið.
Svo leitar maður fyrir sér þangað
til maður fær „grænt ljós“, segir
hann.
Sótt í smiðju endurreisnar
Þarf ekki oft að leita í smiðju lið-
inna tíma í tónlistinni?
„Jú, ég man t.d. eftir leikriti
Odds Björnssonar, Dansleik, sem
gerist í Páfagarði á 16. öld. Ég
þurfti eðlilega að skrifa tónlist í
takt við endurreisnartímann. Ég
setti mig í þær stellingar, náði mér
í nótnabækur með kórmúsík og
dansmúsík frá þessum tíma. En
auðvitað þarf maður að hafa vissa
tækni, kunnáttu og kannski líka
hæfileika til að geta nálgast við-
fangsefnið.“
Hvað með raddir leikaranna –
þarf ekki að taka tillit til þeirra?
„Það er eitt það fallegasta sem ég
sé, þegar karakterinn brestur í
söng. Þetta kalla Þjóðverjar
Sprechgesang eða talsöng. Kannski
er karakterinn þannig að söngv-
arinn má ekki syngja vel – tökum
t.d. Bjart í Sumarhúsum,“ segir
Edda Heiðrún.
„Ef Bjartur í Sumarhúsum átti
að syngja eða kveða varð að taka
Morgunblaðið/Árni Sæberg
Á lukkuhjólinu
Í dag verður flutt í Þjóðleikhúsinu „Leikhúsperlur“,
sviðsett dagskrá með söng og dansi helguð leik-
hústónlist Atla Heimis Sveinssonar. Guðrún Guð-
laugsdóttir ræddi við hann og Eddu Heiðrúnu Back-
man sem hefur umsjón með fyrrgreindri dagskrá.
Í HNOTSKURN
»Í tilefni af 70 ára afmælitónskáldsins Atla Heimis
Sveinssonar flytja listamenn
brot úr verkunum Ég er gull
og gersemi, Land míns föður,
Ofvitanum, Mýrarljósi, Sjálf-
stæðu fólki og Dimmalimm á
Stóra sviði Þjóðleikhússins í
dag.
»Dagskrá þessi markarupphaf tónleikaraðar sem
skipulögð er af nokkrum vin-
um tónskáldsins. Minning-
arsjóður Margrétar Björgólfs-
dóttur er bakhjarl
tónlistarhátíðarinnar. Þá
verða hátíðartónleikar í Saln-
um í kvöld þar sem tónlist Atla
Heimis verður og flutt.
Morgunblaðið/Árni Sæberg
Landið Vifra Verk fyrir börn sem Möguleikhúsið setti upp. Atli Heimir
samdi tónlist við leikverkið, m.a við ljóð eftir Þórarinn Eldjárn.
Morgunblaðið/Árni Sæberg
Landkrabbinn Þjóðleikhúsið sýndi Landkrabbann eftir Ragnar Arnalds í
leikstjórn Brynju Benediktsdóttur við tónlist Atla Heimis Sveinssonar.
Samverkafólk í leikhúsinu Þau Edda Heiðrún Backman og Atli Heimir Sveinsson hafa unnið náið sama við ýmsar leiksýningar í áranna rás.