Morgunblaðið - 21.09.2008, Side 38

38 SUNNUDAGUR 21. SEPTEMBER 2008 MORGUNBLAÐIÐ
UMRÆÐAN
Í einkasölu glæsileg 3-4ra herb. 105 fm íb. á 3ju hæð í góðu velstaðs.
húsi ásamt bílskýli. Vand. innrétt. Ísskápur og uppþvottavél fylgja eign-
inni. Parket, Mjög gott skipul. Stutt í mjög góðan skóla og leiksk. Ein-
stakt útsýni á fjallahringinn og Heiðmörkina.Hér getur þú flutt inn við
kaupsamning. Einstakt verð aðeins 27,0 millj. Ekki missa af fráb. Tæki-
færi. Eign á frábæru verði. Opið hús í dag sunnudag frá kl. 14-15.
Þórarinn M. Friðgeirsson, Sölumaður, sími 899-1882
Opið hús í dag
Rauðavað 23, íb. 0302 m.bíl-
VALHÖLL FASTEIGNASALA SÍMI 588-4477
Mjög falleg og afar sérstök,
rúmgóð 2ja herbergja risíbúð
á 3. hæð í góðu timburhúsi í
hjarta Miðbæjarins. Íbúðin er
skráð 68 fm en gólfflötur er
ca 90 til 95 fm. Viðargólfborð
á gólfum. Fallegar innrétting-
ar. Verð 24,6 millj.
HVERFISGATA 37 - RVK
Opið hús í dag, sunnudag,
milli kl. 14 og 17
M
bl1048447
Gjörið svo vel að líta við Kristrún tekur vel á móti ykkur.
Nýjar og glæsilegar 4ra-5 herb. lúxusíbúðir í nýju fjölbýlishúsi, tvær íbúðir á hæð, á fallegum og grónum stað í
hjarta Hafnarfjarðar. Hver íbúð er um 180 fm að stærð og fylgir þeim stúdíóherbergi og sérgeymsla á
jarðhæð auk bílastæðis bílageymslu. Að innan verður hverri íbúð skilað fullfrágenginni á vandaðan hátt.
Hvítlakkaðar innréttingar frá INNX, granít borðplötur og sólbekkir og vönduð tæki bæði í eld-
húsi og baðherbergi. Þvottaherb. verða lögð granít í gólf og veggi. Lofthæð íbúðanna er minnst
2,70 cm, innihurðir eru extra háar og breiðar og hitakerfi verður í gólfum íbúðanna. Arkitekt
hússins er Haraldur Ingvarsson, byggingatæknifræðingur er Emil Þór Guðmundsson og húsa-
meistari er Benedikt Sveinsson. Verðtilboð.
Húsið er afar vel staðsett á hornlóð, örstutt frá miðbænum, skólum og annarri
þjónustu.
SÖLUMENN Á STAÐNUM.
Íbúðirnar verða til sýnis í dag, sunnudag,
frá kl. 13-16 • Verið velkomin
Op
ið
hú
s
Bæjarhrauni 10 • Hafnarfirði • Sími 520 7500 • www.hraunhamar.is
Álfaskeið 31 - Hf. Lúxusíbúðir
Faxafen 10 - 108 Reykjavík - eignir@eignir.is
Sími 580 4600
Aðalheiður Karlsdóttir, lögg.fasteignasali
www.eignir.is
GOTT VERSLUNARHÚSNÆÐI
Á BESTA STAÐ VIÐ LAUGAVEG
Til leigu gott 200 fm verslunarhúsnæði á besta stað við Laugaveg. Góðir
gluggar. Gæti einnig hentað fyrir kaffihús eða veitingastað.
Upplýsingar gefur Aðalheiður í síma 893 2495
og á skrifstofu Eignaumboðsins.
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
ÓMAR Ragnarsson er byrjaður að
vernda Bjallasvæðið fyrir Lands-
virkjun og skrifar af því tilefni gegn
grein minni um Bjallavirkjun. Í grein
sinni á miðvikudag telur hann „feg-
ursta svæði Tungnár“ í hættu. Af
hverju var þjóðin ekki upplýst um
þetta fegursta svæði fyrr en Lands-
virkjun fór að hreyfa málinu? Lónið
er búið að vera á teikniborðinu í 40
ár.
Það stoðar lítt að telja ferkíló-
metra sem fara undir lón Lands-
virkjunar. Lónin eru vötn eins og
önnur vötn, Ísland er fremur fátækt
af vötnum miðað við nágrannalöndin,
Íslensk vötn eru ekki náttúruspjöll
þau eru fremur náttúruprýði, lónin
líka. Sem dæmi má taka Elliðavatn,
eina af náttúruperlum Reykjavík-
ursvæðisins, miðlunarlón fyrir El-
liðaársöð, byggt laust fyrir 1930.
Undir það fór jafnmikið gróðurland í
kaf og lónið er stórt.
Ómar Ragnarsson er fréttamaður
og listamaður sem þjóðin metur mik-
ils þó ekki kunni hún að meta pólitík
hans. Þetta er pólitík sem berst gegn
áliðnaði og Landsvirkjun sem orku-
birgi hans, en fer fram með nátt-
úruverndartali sem er löngu komið í
ljós að nær ekki millimetra út fyrir
virkjunarsvæði Landsvirkjunar.
Baráttan gegn álinu minnir á þá
tíma þegar barist var sem hatramm-
ast gegn togaraútgerðinni. Sú bar-
átta þagnaði ekki fyrr en búið var að
koma nær öllum togurum í bæj-
arútgerðir, en síðan hefur botnskaf
þeirra verið meðal helgra véa. Það er
e.t.v. lækning á þessu að gera
Straumsvíkina að Bæjarbræðslu
Hafnarfjarðar, Grundartangann að
Sveitabræðslu Skilamannahrepps o.
s. frv.
Það er orðið tímabært að spyrja
hvað það á lengi að líðast að mót-
mælaflokkur sé með höfuðatvinnu-
veg þjóðarinnar í pólitísku einelti og
kalli það náttúruvernd. Lands-
virkjun hefur sýnt og sannað að hún
getur lyft Grettistaki í gróðurvernd
og uppgræðslu ef hún kærir sig um.
Það er kominn tími til að nátt-
úruverndarumræðan snúi sér að ein-
hverju alvörumáli eins og t.d. því
hvort ekki sé tímabært að virkj-
anagerð og vegagerð taki að sér
verkefni í uppgræðslu og gróð-
urvernd svo eitthvað annað gerist í
náttúruverndarmálum en að mót-
mælaflokkur hrekist með fána sína
og spjöld frá einu virkjunarsvæðinu á
annað. Þetta fólk er pólitískir mót-
mælendur en ekki verndarar helgra
véa eins og það gefur sig út fyrir að
vera.
JÓNAS ELÍASSON,
prófessor.
Bjallar
Frá Jónasi Elíassyni
ÓTRÚLEGT finnst mér hvernig
álagning olíufélagana virkar hér á
landi. Þeir eru fyrstir til af öllum
til að hækka og eru svo tregir til
að lækka aftur. Þetta finnst mér
sérlega undarlegt á þessum tímum,
því ég man vel eftir því þegar
fulltrúi N1 sagði í fréttaviðtali
(þegar bensínverðið var helsta
fréttaefnið), að „væntingar mark-
aðsins væru að dæluverð okkar
endurspeglaði heimsmarkaðsverð.“
Fyrst hélt ég að ástæðan fyrir
því að bensínverðið hafi einungis
lækkað um 8–10% í sjálfsafgreiðslu
frá því að það var um 180 kr. á
lítra væri sú, að Bandaríkjadalur
væri orðinn svo sterkur að hann
væri að éta upp mismuninn á
tunnuverðinu. Nú, þótt Bandaríkja-
dalur hafi hækkað um næstum 20
kr. þá er það samkvæmt einföldum
útreikningum ekki nægilegt til að
éta upp svona mikinn mun. Ég
skal sýna ykkur hvað ég á við:
Heimsmarkaðsverð á olíu er
samkvæmt nýjustu fréttum 89 doll-
arar. Heimsmarkaðsverð á olíu fór
hæst upp í 150 dollara einhvern
tímann í júlí.
Bensínverð á dælu er nú á bilinu
163–167 kr. á lítrann. Sem sagt að
meðaltali 165 kr. Bensínverð var
hæst í júlí um 180 kr. á lítra.
Samkvæmt núverandi gengi,
þegar þetta er skrifað, er Banda-
ríkjadollar 92,2 kr. íslenskar.
Gengið var í júlí u.þ.b. 80 kr. ís-
lenskar.
Sem sagt er heimsmarkaðsverð
nú 8.205,8 krónur á tunnuna en var
12.000. Það gerir semsagt 31,6%
mun á verði. Það sem maður rekur
þá augun í er að heimsmark-
aðsverð samkvæmt íslensku gengi
er 31,6% lægra heldur en það var
en samt er bensínverð á dælu að-
eins 8–10% lægra? Af hverju er
þessi gífurlegi munur? Nú hvet ég
forsvarsmenn olíufélagana til að
lækka bensínverð „í takt við kröfu
neytenda“ eins og þeir sögðu sjálf-
ir.
BRYNJAR JÓHANNESSON,
nemandi við Tækniskólann.
Bensínverð á Íslandi
Frá Brynjari Jóhannessyni
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050 Sími 551 3010