Morgunblaðið - 01.10.2008, Síða 2

2 MIÐVIKUDAGUR 1. OKTÓBER 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf Anna Sigríður Einarsdóttir,
annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson,
Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
FRÉTTASKÝRING
Eftir Ágúst Inga Jónsson
aij@mbl.is
ÍBÚÐALÁNASJÓÐUR á nú alls
103 íbúðir eftir að hafa eignast þær á
uppboði og hefur þeim fjölgað tals-
vert síðustu mánuði. Fæstar voru
eignir Íbúðalánasjóðs 46 talsins fyrir
nokkrum misserum. Flestar eru
þessar eignir á Austurlandi, gjarnan
2-4 herbergja að stærð.
Hluti þessara íbúða var byggður
eða keyptur með leiguíbúðaláni og
hefur Íbúðalánasjóður þurft að leysa
þær til sín eftir erfiðleika leigu-
félaga. Ásta H. Bragadóttir,
aðstoðarframkvæmdastjóri Íbúða-
lánasjóðs, segir að innlausn eigna sé
vaxandi vandamál og þegar harðni á
dalnum gangi sjóðnum illa að selja
þessar eignir. Það sé hins vegar ekki
í verkahring sjóðsins að leigja eign-
ir.
Þinglýsing leigusamninga
Á heimasíðu AFLs, starfsgreina-
félags á Austurlandi, er brýnt fyrir
þeim sem leigja íbúðarhúsnæði að
þinglýsa leigusamningum.
„Nú fyrir skömmu leysti Íbúða-
lánasjóður til sín nokkrar íbúðir á
Austurlandi, sem voru í eigu eign-
arhaldsfélags, og þar sem leigu-
samningarnir voru óþinglýstir, virð-
ist sem íbúar þurfi að yfirgefa
íbúðirnar með litlum fyrirvara. En
það er ekki nóg bara að þinglýsa
samningunum,“ segir á heimasíð-
unni. „Það er því full ástæða til að
hvetja leigjendur til að þinglýsa
leigusamningum sínum.
En þrátt fyrir að leigusamn-
ingnum sé þinglýst þarf einnig að
fylgjast með hvort viðkomandi íbúð
lendir í nauðungarsöluferli og gera
þá kröfu til sýslumanns um að leigu-
samningurinn sé viðurkennd krafa
við nauðungarsöluna – að öðrum
kosti er leigjandinn upp á náð og
miskunn þess er leysir íbúðina til sín
á uppboðinu.
AFL hefur fyrir hönd félags-
manna sinna er leigja umræddar
íbúðir leitað til Íbúðalánasjóðs og
farið fram á að íbúum gefist kostur á
lengri fresti en upphaflegt bréf
hljóðaði upp á,“ segir á síðu AFLs.
Samkvæmt upplýsingum frá
Íbúðalánasjóði fá leigusamningar
eins og önnur þinglýst skjöl stöðu í
veðröð.
Ef ÍLS lánar út á íbúð sem er fyr-
ir með þinglýstum leigusamningi og
síðan er eignin seld nauðungarsölu
vegna vanskila þá heldur leigusamn-
ingurinn, þar sem hann er á undan
ÍLS í veðröð. Ef ÍLS lánar áður en
leigusamningi er þinglýst fellur
samningurinn niður við nauðungar-
sölu þar sem hann er á eftir ÍLS í
veðröð.
Innlausn íbúða vaxandi vandi
 Íbúðalánasjóður á nú 103 íbúðir  Sala eigna erfið þegar harðnar á dalnum  Starfsgreinafélagið AFL
á Austurlandi hvetur leigjendur til að þinglýsa samningum  Leigusamningur heldur stöðu í veðröð
Hversu margar íbúðir hefur sjóð-
urinn leyst til sín á þessu ári mið-
að við árið 2007 sem eru 1) í eigu
ábúanda 2) í eigu aðila sem leigir
íbúðirnar áfram til ábúenda?
Hvað einstaklinga varðar leysti sjóð-
urinn til sín alls 122 eignir árið 2007,
það sem af er árinu 2008, í lok
ágúst, hefur sjóðurinn leyst til sín 96
eignir. Hvað varðar íbúðir með
leiguíbúðalánum leysti sjóðurinn til
sín alls 32 eignir, árið 2007. Það
sem af er árinu 2008 hefur sjóður-
inn leyst til sín alls 34 eignir.
Hversu oft hafa leigjendur keypt
íbúðir?
Árið 2007 keyptu leigjendur eignir í
10 tilfellum. Það sem af er 2008
hafa leigjendur í 11 tilfellum keypt
eignir.
S&S
STARFSMENN Borgarleikhússins fögnuðu með
veglegri tertu og kampavíni þeim áfanga í gær
að hafa selt fjögur þúsund áskriftarkort að upp-
færslum vetrarins. Enn eru þrjár vikur eftir af
kortasölu.
„Við erum alveg í skýjunum og afskaplega
stolt öll í Borgarleikhúsinu og þakklát áhorf-
endum fyrir að sýna því svona mikinn áhuga sem
við erum að gera,“ segir Magnús Geir Þórðar-
son, leikhússtjóri Borgarleikhússins. „Þetta er
afskaplega gott veganesti inn í leikárið, fyrir
þær sýningar sem við erum þegar byrjuð að sýna
og fjölda annarra sem eru á leiðinni. Það er stolt
og mikil ánægja í hópnum.“
Magnús Geir segir jafnframt ánægjulegt hve
vel hafi tekist að selja á einstakar sýningar en
uppseldar sýningar á Fló á skinni og Fólkið í
blokkinni eru orðnar fjölmargar. ylfa@mbl.is
Borgarleikhúsið slær Íslandsmet með sölu 4.000 áskriftarkorta
Morgunblaðið/Árni Sæberg
Kortagestir sjöfalt fleiri en á síðasta leikári
VILJAYFIRLÝSING um samstarf
um atvinnuþróun í nágrenni Kefla-
víkurflugvallar var undirrituð í gær.
Stefnt er að því að auka enn frekar
samstarf ríkisins og sveitarfélag-
anna fimm á Suðurnesjum en í kjöl-
far brotthvarfs bandaríska varnar-
liðsins 2006 stofnaði ríkið
Þróunarfélag Keflavíkurflugvallar
ehf.
Í tilkynningu frá forsætisráðu-
neytinu segir að lykilatriðið sé að
ríkið og félög og stofnanir í eigu
þess og sveitarfélögin vinni saman
að því að laða nýja fjárfesta að
svæðinu. Reynsla að utan sýni að
með þeim hætti geti alþjóðlegir
flugvellir orðið mikilvægur aflvaki
hagvaxtar.
Undir yfirlýsinguna skrifuðu Geir
H. Haarde forsætisráðherra, Árni
M. Mathiesen fjármálaráðherra,
Kristján L. Möller samgönguráð-
herra og fulltrúar Grinda-
víkurbæjar, Reykjanesbæjar, Sand-
gerðisbæjar, Sveitarfélagsins Voga
og Sveitarfélagsins Garðs. ylfa@m-
bl.is
Samstarf um
flugvallarsvæði
Morgunblaðið/Árni Sæberg
Sátt Fulltrúar ríkisstjórnarinnar og fulltrúar sveitarfélaganna á Suðurnesjum takast í hendur eftir undirritun.
FRAMKVÆMDASTJÓRN Sam-
taka atvinnulífsins (SA) fundaði í
gær með embættismönnum Evrópu-
sambandsins (ESB) á sviði sam-
keppnismála. Lýstu þeir áhyggjum
af stöðu mála á alþjóðlegum fjár-
málamörkuðum en fram kom að á
vettvangi ESB væri verið að undir-
búa breytingar á löggjöf til að koma í
veg fyrir að núverandi kreppa gæti
endurtekið sig.
Einnig var fundað með sérfræð-
ingum ESB á fjármálasviði um stöð-
una á fjármálamörkuðum. Þar kom
fram að ESB ynni að útfærslu hug-
mynda til að fást við yfirstandandi
erfiðleika, einkum þegar um væri að
ræða fjármálafyrirtæki sem störf-
uðu í mörgum ríkjum. ylfa@mbl.is
SA funduðu
með ESB
LÖGREGLAN hefur undanfarið
haft nokkur afskipti af ökumönnum
vegna stöðvunarbrota, að því er seg-
ir á vef lögreglunnar, en mikið er um
að ökutækjum sé lagt ólöglega. Þetta
á meðal annars við um miðborgina
en svo virðist sem sumir ökumenn
flutningabíla virði ekki reglur sem
gilda um vöruafgreiðslu á svæðinu.
Á vefnum segir að bílum sé líka illa
lagt í öðrum hverfum borgarinnar.
T.d. hafi lögreglumenn talið tæplega
40 bíla í nokkrum götum Vesturbæj-
arins sem lagt var á gangstéttum en
eigendur þeirra eiga allir sekt yfir
höfði sér. ylfa@mbl.is
Mikið um
stöðvunarbrot