Morgunblaðið - 05.10.2008, Side 4

4 SUNNUDAGUR 5. OKTÓBER 2008 MORGUNBLAÐIÐ
FRÉTTIR
ÞEGAR horft er til næstu ára mun
raforkuframleiðslan lítið gera ann-
að en að aukast. Orkuspárnefnd
hefur endurreiknað spá sína frá
árinu 2005, eins og fram hefur
komið í Morgunblaðinu, og gerir
ráð fyrir að almenn notkun for-
gangsorku aukist um 16% til árs-
ins 2015 og um alls 60% næstu 23
árin. Árleg aukning notkunar verði
að meðaltali um 2%. Við end-
urreikning á spánni hefur áætluð
forgangsorka aukist um 704 gíga-
vattstundir til ársins 2030, mest á
höfuðborgarsvæðinu og Suð-
urnesjum.
Árið 2030 gerir orkuspárnefnd
ráð fyrir að raforkunotkun lands-
manna allra, almennings sem fyr-
irtækja, verði orðin yfir 19.000
gígavattstundir. Til samanburðar
er notkunin núna um 12.000 gwst.
Aukning um 60% til ársins 2030
FRÉTTASKÝRING
Eftir Björn Jóhann Björnsson
bjb@mbl.is
HLUTUR Landsvirkjunar í raf-
orkuvinnslu hér á landi hefur farið
minnkandi hlutfallslega síðasta ára-
tuginn eða úr 93% árið 1997 niður í
tæp 72% á síðasta ári. Á sama tíma
hefur hlutur Orkuveitu Reykjavíkur
og Hitaveitu Suðurnesja vaxið með
auknum framkvæmdum þeirra við
jarðvarmavirkjanir. Á síðasta ári var
hlutur OR um 15% og HS með um
10% allrar raforkuvinnslu í landinu.
Hlutur annarra orkufyrirtækja hef-
ur heldur minnkað, eins og hjá Rarik
og Orkubúi Vestfjarða, sem eru með
í kringum 1% hlutdeild. Aðrar
smærri virkjanir náðu samanlagt
0,8% á síðasta ári.
Undanfarinn áratug hefur orku-
vinnslan aukist verulega. Á síðasta
ári nam framleiðslan um 12.000
gígavattstundum til samanburðar
við 5.500 gwst árið 1997. Vinnsla
vatnsaflsvirkjana hefur aukist um
60%, úr 5.200 gwst í 8.400 á síðasta
ári. Á sama tíma hefur framleiðsla
jarðvarmavirkjana nær tífaldast, í
3.600 gwst á síðasta ári. Lang-
stærstan hluta af orkunni tekur
stóriðjan eða rúm 8.000 gwst.
LV bætir við sig
Á þessu og næsta ári er útlit fyrir
að hlutur Landsvirkjunar í orku-
framleiðslunni aukist eitthvað á ný
og telur Þorsteinn Hilmarsson, upp-
lýsingafulltrúi fyrirtækisins, að hlut-
ur þess fari upp í 75% eða hið sama
og árið 2006. Þar komi m.a. til Kára-
hnjúkavirkjun, orkuöflun til fram-
kvæmda eins og álversins í Helgu-
vík, stækkun álversins í Straumsvík,
virkjarnir í neðri Þjórsá, Búðarháls-
virkjun og orkusala til Becromal á
Akureyri og fyrirhugaðra gagnavera
og netþjónabúa. Minnir Þorsteinn á
að núverandi efnahagsástand geti
breytt einhverjum af þessum áform-
um og erfitt sé að spá í þróunina
næstu árin.
Haldi Landsvirkjun að hlutur
hennar aukist þá mun framleiðslan
síst minnka hjá OR og HS vegna
fyrirhugaðra jarðvarmavirkjana. Að
sögn Eiríks Hjálmarssonar, upplýs-
ingafulltrúa OR, mun framleiðslan
aukast um ríflega 2.600 gígawatt-
stundir á næstu fjórum árum, miðað
við þau áform sem uppi eru hjá fyr-
irtækinu. Fram til ársins 2012 reikn-
ar Orkuveitan með að uppsett afl
virkjana á Hengilssvæðinu aukist
um 300 MW. Þessa dagana eru að
koma inn 90 MW á Hellisheiði, önn-
ur 90 MW munu bætast við árið
2010, áætlað er að árið 2011 komi 90
MW frá Hverahlíðarvirkjun og loks
45 MW árið 2012 á Hengilssvæðinu.
Hitaveita Suðurnesja er með
nokkur áform uppi á borðum um
auknar framkvæmdir á Reykjanes-
skaganum á næstu árum eins og
fram hefur komið í greinaflokki Ön-
undar Páls Ragnarssonar og Ragn-
ars Axelssonar í Morgunblaðinu. Að
sögn Júlíusar Jónssonar forstjóra
eru áform um 200 til 250 MW virkj-
anir á næstu tveimur til fimm árum.
Erfitt sé að reikna hvaða áhrif það
hefur á hlutdeild hitaveitunnar í
heildarorkuvinnslunni.
Sækja á hlut Landsvirkjunar
 Hlutdeild Landsvirkjunar í raforkuvinnslunni fór úr 93% í 72% á tíu árum  Orkuframleiðslan hefur
aukist um 60% frá árinu 1997  Vinnsla jarðvarmavirkjana OR og HS hefur nær tífaldast á sama tíma


 




  

          

  
 !!"#$%%"


 









   ! " #$%&    
 & 
' (
 
)
*+  
'  ), 





          

Morgunblaðið/Steinunn Ásmundsdóttir
Virkjanir Með tilkomu Kárahnjúkavirkjunar jókst raforkuframleiðslan í
landinu verulega, en á sama tíma juku jarðvarmavirkjanir sinn hlut.
HERDÍS Sigurjónsdóttir lífeindafræðingur gekk
til góðs ásamt öðrum sjálfboðaliðum Rauða
krossins í fallegu veðri í gær. Herdís var útsjón-
arsöm og kom sér fyrir við nýopnaða versl-
unarmiðstöð á Korputorgi þar sem var stöðugur
straumur fólks með veskin uppi við. Því má ætla
að söfnunin hafi gengið vel hjá henni og góð-
hjartaðir vegfarendur látið eitthvað af hendi
rakna fyrir góðan málstað af sparnaðinum sem
fékkst í opnunartilboðum. Að þessu sinni er safn-
að í sjóð til að sameina fjölskyldur sem sundrast
hafa vegna átaka í Kongó.
Morgunblaðið/Brynjar Gauti
Gengið til góðs fyrir fjölskyldur í Kongó
„LJÓST er að
raunávöxtun líf-
eyrissjóðanna
verður neikvæð á
þessu ári. Fjár-
festingaárangur-
inn verður sá slak-
asti frá því að
reglulegar mæl-
ingar hófust á
raunávöxtun sjóð-
anna árið 1991,“ ritar Hrafn Magnús-
son, framkvæmdastjóri Landssamtaka
lífeyrissjóða, um stöðuna á mörkuðum í
pistli á vef talsmanns neytenda. Krepp-
an sé farin að hafa áhrif.
„Hér kemur aðallega til mikil lækk-
un á innlendum hlutabréfamarkaði.
Hætta er líka á útlánatöpum af inn-
lendum skuldabréfum sjóðanna, þó að
ekki hafi reynt á það ennþá í neinum
mæli,“ segir í pistlinum, þar sem vikið
er að raunávöxtun síðustu ára.
„Meðaltal hreinnar raunávöxtunar
sl. fimm ár var t.d. 9,1% á ári og með-
altal sl. tíu ára var 5,9% raunávöxtun á
ári. Þannig hefur ávöxtun sjóðanna
verið sérlega góð, þrátt fyrir að raun-
ávöxtun hafi verið neikvæð þrjú ár
samfellt á árunum 2000 til 2002.“
Á næsta ári komi í ljós hvort ein-
staka sjóðir „þurfi að grípa til ein-
hverra aðgerða, annaðhvort að lækka
lífeyrinn eða hækka iðgjöldin til að
geta staðið við lífeyrisskuldbindingar
sínar í framtíðinni,“ segir Hrafn.
Neikvæð
ávöxtun
á þessu ári
Hrafn Magnússon