Morgunblaðið - 17.11.2008, Blaðsíða 4

4 FréttirINNLENT
MORGUNBLAÐIÐ MÁNUDAGUR 17. NÓVEMBER 2008
Nú bjóðum við síðustu sætin í sólina á Kanaríeyjum 26. nóvember í 24
nætur á frábæru tilboði. Þú bókar
flugsæti og fjórum dögum fyrir brottför
færðu að vita hvar þú gistir. Gríptu
tækifærið og njóttu lífsins á þessum
vinsæla áfangastað í rúmar 3 vikur á
ótrúlegum kjörum.
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Stökktu til
Kanarí
26. nóvember
frá kr. 79.990
Verð kr. 79.990
Netverð á mann, m.v. 2-4 í herbergi /
studíó / íbúð í 24 nætur. Stökktu
tilboð 26. nóvember.
Frábær ferð - 24 nætur
LÖGREGLAN telur að sex þúsund mótmælendur hafi komið saman fyrir
framan Alþingshúsið á laugardag. Skipuleggjendur segja töluna vera mun
hærri. Var þetta sjötta laugardaginn í röð sem mótmælt er á Austurvelli og
fer fjöldinn sívaxandi. Ekki verður hætt fyrr en markmiðum er náð.
Morgunblaðið/Kristinn
Krefjast breytinga
Eftir Sigrúnu Ernu Geirsdóttur
sigrunerna@mbl.is
MIKILL mann-
fjöldi var á mót-
mælafundi við
Alþingishúsið á
laugardaginn og
telur lögreglan
að um sex þús-
und manns hafi
verið á staðnum.
Skipuleggjendur
mótmælanna
segja töluna nær tíu þúsund. Var
þetta sjötta laugardaginn í röð sem
mótmælin eru haldin og er engan
bilbug að finna á skipuleggjendum.
Veitir trú á tilveruna
Hörður Torfason, skipuleggjandi
mótmælanna, sagði ekki hægt að
vera annað en ánægður með sam-
komuna á laugardag. ,,Tilgangur
mótmælanna er að byrja að skila
sér. Allir hafa gott af þessu og
þetta veitir líka aðhald. Mótmælin
geta veitt fólki aftur trú á tilveruna
og þetta þjappar fólki saman.“
Rödd listamannsins
Hörður sagði að vissulega mæddi
mikið á sér og fleiri aðstandendum.
Einna mesti tíminn færi í að finna
góða ræðumenn en mikilvægt væri
að að hafa breiddina góða. Hann
fengi líka hátt í 70 netpósta á dag
og hringingar líka. Hins vegar yrði
rödd listamannsins að vera til stað-
ar þegar kallað væri eftir henni og
hann hefði alltaf litið á það sem sitt
starf að vera sú rödd.
,,Mótmælin hafa farið stigvax-
andi og það er engan bilbug á okk-
ur að finna, síður en svo. Við mun-
um ekki hætta fyrr en
seðlabankastjóri er farinn og búið
að skipta um stjórn Fjármálaeft-
irlitsins. Mótmælin breytast í sam-
ræmi við ástandið. Allt er þetta
keðjuverkun.“
Hvetur fólk til mótmæla
Samstöðumótmæli fóru fram á
Akureyri á sama tíma á laugardag
og mættu um 500 manns í þau.
Hörður sagðist ekki hafa tekið þátt
í þeirri skipulagningu en hann
hvetti fólk um land allt til að láta í
sér heyra og mótmæla sem víðast.
Vaxandi
styrkur
mótmæla
Mótmælin þjappa
fólki saman
Hörður Torfason
Þúsundir mótmæltu á Austurvelli um helgina
FRÉTTASKÝRING
Eftir Ingibjörgu B. Sveinsdóttur
ingibjorg@mbl.is
UMRÆÐURNAR á miðstjórnar-
fundi Framsóknarflokksins á laugar-
daginn voru hreinskiptar og var
greinilegt að fólki lá mikið á hjarta,
samkvæmt heimildarmönnum Morg-
unblaðsins.
Staða flokksins og þörf á kyn-
slóðaskiptum var ofarlega í hugum
margra en það voru félagar í Sam-
bandi ungra framsóknarmanna sem
hófu þá umræðu. Bentu menn á að
flokkurinn hefði ekki náð sér á strik á
þeim 18 mánuðum sem liðnir eru frá
kosningunum.
Flokksþingi flýtt og ESB-aðild
Á fundi miðstjórnarinnar var sam-
þykkt að flokksþingi Framsóknar-
flokksins yrði flýtt um tvo mánuði og
það haldið í janúar 2009. Jafnframt
var samþykkt að leggja fyrir tillögu
þess efnis að gengið yrði til aðildar-
viðræðna við Evrópusambandið,
ESB.
Þetta þykja mikil tíðindi og einkum
þau ummæli formannsins, Guðna
Ágústssonar, að hann vildi ekki leng-
ur útiloka skoðun á aðild að ESB.
Vilja skipta um í brúnni
Í ræðu sinni á miðstjórnarfund-
inum kvaðst Guðni trúa því að flokk-
urinn gæti tvöfaldað fylgi sitt í næstu
þingkosningum.
Miðað við þá gagnrýni sem forysta
flokksins sætti á fundinum á laugar-
daginn virðast margir efins um að
það takist verði ekki skipt um menn í
brúnni.
Siv Friðleifsdóttir alþingismaður
sagði fréttir þess efnis að hún hygðist
sækjast eftir formannsembætti úr
lausu lofti gripnar. Hún hefði ekki
rætt slíkt við nokkurn mann. Siv
kvaðst í gær ekki gera ráð fyrir neinu
öðru en að styðja Guðna og forystuna
á flokksþinginu í janúar.
Útilokar ekki framboð
Páll Magnússon, bæjarritari í
Kópavogi og fyrrverandi varaþing-
maður, útilokar ekki að hann gefi
kost á sér í embætti formanns Fram-
sóknarflokksins. „Ég hef ekki ákveð-
ið það enn þá,“ segir hann. Páll er
meðal þeirra félaga í Framsóknar-
flokknum sem eru fylgjandi aðild að
Evrópusambandinu. „Ég tel að Ís-
lendingar eigi að ganga til aðildar-
viðræðna og leggja svo samninginn
undir þjóðaratkvæði,“ segir Páll.
Einnig hefur Valgerður Sverr-
isdóttir, fv. ráðherra flokksins, ekki
útilokað formannsframboð og er sögð
vera undir feldi þessa dagana.
Hart sótt að
forystunni
 Flokksþingi flýtt og mögulegur
formannsslagur  Opnað fyrir ESB
Morgunblaðið/Kristinn
Framsókn Guðni Ágústsson og Val-
gerður Sverrisdóttir heilsast.
HÁTTSEMI Ríkisútvarpsins á mark-
aði fyrir auglýsingar og kostun leiðir til
alvarlegrar takmörkunar á samkeppni
að mati Samkeppniseftirlitsins. Telur
stofnunin að ekki megi rekja erfiða
stöðu keppinauta RÚV eingöngu til
samdráttar á auglýsingamarkaði held-
ur ekki síst til ósanngjarnra sam-
keppnisaðstæðna sem stafi af lögunum
um RÚV og samkeppnishamlandi
hegðun þess á auglýsingamarkaði.
Stofnunin álítur að samkeppnislegur
jöfnuður náist ef RÚV hverfi af markaði og starfsemi þess
verði alfarið kostuð af opinberum aðilum.
RÚV mun ekki víkja fullkomlega
Ekki náðist í Þorgerði Katríu Gunnarsdóttur mennta-
málaráðherra í gær en í samtali við fréttastofu Ríkisút-
varpsins um helgina sagði hún það ekki koma til greina að
Ríkisútvarpið viki alveg af auglýsingamarkaði. Hins vegar
væri mögulegt RÚV viki að hluta til að „byggja undir hina
frjálsu miðla.“ sigrunerna@mbl.is
RÚV mun ekki víkja
algerlega af markaði
Þorgerður Katrín
Gunnarsdóttir
Í stjórnmálaályktun miðstjórnar
Framsóknarflokksins er varað við
því að brugðist verði við núverandi
efnahagskreppu með höftum,
hækkun skatta eða öðrum þeim
aðgerðum sem hindra kunna við-
skipti eða fjármagnsflutninga milli
landa.
Miðstjórnin varar við þeirri leið
sem ríkisstjórnin leggur fram til
stuðnings fjölskyldum og heim-
ilum í landinu.
Ráðstafanir stjórnarinnar hvetji
til vanskila í stað þess að gera
fólki auðveldara að standa í skilum
með skuldbindingar sínar. Leiðin
sé algjör uppgjöf gagnvart verk-
efninu.
Varað við höftum og hækkun skatta
Í gjaldskrá RÚV segir að
mesti afsláttur sem gef-
inn sé sé 30% frá lista-
verði og markist af um-
fangi viðskipta undan-
farna tólf mánuði.
Samkeppniseftirlitið hef-
ur þó þær upplýsingar að
RÚV hafi ítrekað boðið
viðskiptavinum sínum
hærri afslætti en 30%.
 Fyrir Ólympíuleikana í
Peking bauð RÚV upp á
tvenns konar auglýsinga-
tilboð fyrir viðskiptavini.
Gullpakki bauð upp á 60
birtingar á mismunandi
tímum og bronspakki 28.
Samkvæmt útreikn-
ingum Samkeppn-
isstofnunar nam afslátt-
urinn frá listaverði í
báðum tilvikum yfir
70%.
 RÚV bauð viðskipta-
vinum nýlega með tölvu-
pósti upp á tilboð þar
sem afslátturinn nemur
meira en 80%.
 Nýlega var ákveðnum
viðskiptavini boðið
,,krepputilboð“ með
tölvupósti þar sem af-
sláttur var vel yfir 60%.
Ósamræmi við gjaldskrá