Morgunblaðið - 17.11.2008, Page 12

12 FréttirINNLENT
MORGUNBLAÐIÐ MÁNUDAGUR 17. NÓVEMBER 2008
FRÉTTASKÝRING
Eftir Ágúst Inga Jónsson
aij@mbl.is
EKKI verður af sameiningu hesta-
mannafélaganna Gusts í Kópavogi og
Andvara í Garðabæ í haust eins og að
hefur verið stefnt um skeið. Ekki er
ljóst hvort um viðræðuslit er að ræða
eða aðeins frestun en frammámenn í
báðum félögum telja að í framtíðinni
verði félögin sameinuð, það sé ekki
spurning hvort, heldur hvenær.
Gustur hefur slitið sameining-
arviðræðum, segir á heimasíðu And-
vara. Á heimasíðu Gusts segir hins
vegar að um frestun viðræðna sé að
ræða. Fram kemur á síðunni að í ljósi
gerbreyttrar stöðu í efnahagsmálum
líti stjórn Gusts svo á að ótímabært sé
að sameina félögin. Búið var að
ákveða að aðalfundir beggja félag
yrðu haldnir 27. nóvember næstkom-
andi. Í beinu framhaldi yrði síðan
formlegur sameiningarfundur. Sá
fundur bíður betri tíma, en lífið á
Kjóavöllum gengur væntanlega sinn
vanagang í vetur og ekkert útilokar
samvinnu.
Flutningarnir stórt verkefni
Stjórn Gusts og fasteignafélag hafa
haft mörg járn í eldinum síðustu
misseri. Aðalverkefnið var risavaxið;
að flytja stóran hluta myndarlegs
hestamannafélags úr Glaðheimum
eftir uppkaup á landi og húsum þar.
Nýja svæðið var ekki endanlega
hæft til byggingar fyrr en í sumar,
eftir að vatnsverndarskilyrðum hafði
verið breytt og deiliskipulag verið
samþykkt. Eflaust hefði ekkert hik
verið á félagsmönnum að ráðast í
framkvæmdir hefði það verið hægt í
góðærinu fyrir rúmu ári. Nú er stað-
an hins vegar óviss.
Árið 2006 keypti Kópavogsbær
svæðið í Glaðheimum fyrir 3,2 millj-
arða. Bærinn greiddi hestamönnum
jafnframt upp í kostnað vegna flutn-
ings hesthúsahverfisins auk þess að
fjármagna uppbyggingu nýs svæðis
og gerð reiðhallar og reiðvega. Þessi
kostnaður var áætlaður um tveir
milljarðar fyrir tveimur árum. Bær-
inn seldi síðan Glaðheimasvæðið til
tveggja fyrirtækja á 6,5 milljarða, en
hluti þeirra viðskipta gekk til baka nú
í haust.
Það var mat stjórnar Gusts að út-
hluta öllum lóðunum á nýja svæðinu á
sama tíma og var 130 lóðum úthlutað
til félagsmanna í haust. Eins og mál
hafa þróast í efnahagsmálum síðustu
vikur er hins vegar óljóst hvort allir
rétthafar standa skil á lóðagreiðslum.
Á fundi í Gusti fyrir viku voru lagð-
ar spurningar fyrir lóðarrétthafa.
M.a. var spurt hvort lóðarhafi ætlaði
að greiða þau gjöld sem honum væri
ætlað. 75 svöruðu spurningunni, 36
sögðu já, 37 sögðu nei og tveir voru
óákveðnir. Þá var spurt hvort það
myndi breyta þessari afstöðu ef lóð-
arhafi ætti kost á að skipta gjöldum
vegna lóðarinnar. Þá sögðu 87% já en
10% nei. Fram kom á fundinum
greinilegt hik við að ráðast í þessar
framkvæmdir. Forystumaður í Gusti
orðaði það svo að óvissan hefði greini-
lega áhrif.
„Bygging hesthúss er ekki beinlín-
is forgangsmál á mörgum heimilum
þegar fólk veit ekki hvort það hefur
vinnu á morgun,“ sagði hann. Hann
sagðist ekki vilja túlka þessa nið-
urstöðu þannig að fólk vildi almennt
hætta við en margir vildu skipta
greiðslum. Frestur til að greiða lóð-
irnar rennur út 20. nóvember en bær-
inn hefur viljað fá gjöldin staðgreidd.
Gustur fékk á sínum tíma nokkra
fjárhæð frá Kópavogsbæ vegna inn-
lausnar á eignum í Glaðheimum.
Þessi peningar voru ávaxtaðir í pen-
ingamarkaðssjóði en skerðast eftir
fall bankanna í byrjun október. Höf-
uðstóllinn var um 40 milljónir og gera
forystumenn Gusts sér vonir um að
hann skerðist ekki. Hugmyndin er að
nýta peningana til að stofna sjóð sem
myndi þjóna innra starfi félagsins á
næstu árum á nýjum stað. Kópavogs-
bær sér um uppbyggingu á svæðinu,
en hesthúsin byggja félagsmenn.
Ekki byggt lengi á Kjóavöllum
Svæðið á Kjóavöllum er í báðum
sveitarfélögum, þó stærri hluti þess
sé í Garðabæ. Andvari hefur lengi
verið á Kjóavöllum og félagar í Gusti
hafa verið með hús norðaustan til á
svæðinu þar sem heitir Heimsendi.
Lóðirnar eru tilbúnar frá hendi
Kópavogsbæjar en þó svo að verkefni
Gusts sé flutningur á stóru hesthúsa-
hverfi þá er líka þörf fyrir fram-
kvæmdir hjá Andvara-mönnum. Lóð-
ir hafa ekki verið á lausu og þeir hafa
ekki fengið leyfi til að byggja á svæð-
inu í um 20 ár vegna vatnsverndar.
Þeim skilyrðum var aflétt í sumar
og deiliskipulag samþykkt. Búast má
við að einhverjir af félagsmönnum
Andvara vilji byggja þrátt fyrir erfitt
árferði. Viðræður eru í gangi við yf-
irvöld í Garðabæ og er m.a. verið að
meta hvort farið verður í úthlutun.
Endanlegur flutningur af Glað-
heimasvæðinu var ráðgerður næsta
sumar og verða Gustarar í Glað-
heimum í vetur. Þeir hafa ekki greitt
leigu fyrir aðstöðuna þar frá því að
samningar um flutning voru gerðir.
Aðstaða þar er öll orðin mun erfiðari
en áður og þá sérstaklega reiðleiðir.
Spurningin er hvort húsin á Kjóavöll-
um verða tilbúin að ári.
Kengur í samstarfi á Kjóavöllum
Morgunblaðið/Ómar
Óvissa Snjókorn féllu í logni og hrossin virtust áhyggjulaus á Kjóavöllum þar sem Gustur og Andvari ráða ríkjum.
 Viðræðum Gusts og Andvara slitið eða frestað  Gustur ávaxtaði 40 milljónir í peningamarkaðssjóði
 Deiliskipulag samþykkt eftir breytingu á vatnsvernd  Hik á hestamönnum að hefja framkvæmdir
Í HNOTSKURN
»Fákur í Reykjavík erstærsta hestamanna-
félagið á höfuðborgarsvæðinu
með um 1.600 félaga.
»Ef orðið hefði af samein-ingu Gusts í Kópavogi og
Andvara í Garðabæ hefði sam-
einað félag orðið álíka stórt og
Fákur.
»Einnig eru á svæðinuHestamannafélögin Sörli í
Hafnarfirði, Hörður í Mos-
fellsbæ og Sóti á Álftanesi.
SAMHLIÐA áformum um uppbygg-
ingu fyrir hestamenn á Kjóavöllum
ætlar Kópavogur að byggja reiðhöll á
svæðinu og leggja reiðleiðir. Gunnar I.
Birgisson bæjarstjóri í Kópavogi var
spurður hvað liði undirbúningi þess-
ara verkefna.
„Við erum að setja á fót starfshóp
sem á að vinna að hönnun reiðhallar-
innar, sem verður sú glæsilegasta á
landinu. Við ætluðum að byrja á fram-
kvæmdum á næsta ári, en sjálfsagt
frestast það í þessari niðursveiflu og
þessu ástandi sem er einstakt í ís-
lensku samfélagi.
Skipulag að reiðleiðum liggur fyrir
og þegar er búið að leggja tvær af
þremur. Þegar hestamenn flytja
þarna upp eftir verður því verkefni
lokið. Hugsunin var að peningar sem
kæmu í kassann af Glaðheimasvæð-
inu myndu ganga til að byggja upp
svæði fyrir hestamenn á Kjóavöllum.“
Auglýst ef lóðum verður skilað
Um hugsanleg lóðaskil á svæði
Gusts á Kjóavöllum sagði Gunnar að
hestamenn hefðu á sínum tíma fengið
staðgreitt frá bænum þegar eignir
voru keyptar á Glaðheimasvæðinu.
Nú yrðu þeir að staðgreiða bygginga-
leyfis- og gatnagerðagjöld á Kjóavöll-
um.
„Fyrirkomulagið var þannig að við
úthlutuðum ekki svæðinu heldur var
það í höndum Gusts. Hins vegar, ef
menn skila lóðum, þá koma þær inn
til bæjarins, sem auglýsir þær á hefð-
bundinn hátt.“ Gunnar sagði að á
Glaðheimasvæðinu yrðu tvö hús rifin í
haust og 3-4 næsta vor vegna vega-
framkvæmda.
Fresta byggingu reiðhallar
STÓRHUGA áform eru um byggingu hest-
húsabyggðar á vegum Fáks í Almannadal,
austan Rauðavatns. Fyrstu hesthúsin eru risin
og blasa reisulegar byggingarnar, líkari
stórum einbýlishúsum, við frá Suðurlandsvegi.
Blikur eru hins vegar á lofti með framhaldið.
Mörgum hrýs hugur við að hefja framkvæmdir
í þessu árferði og margir vilja losna undan
samningum.
Það kostar sitt að byggja hesthús og miðað
við stærð þessara tveggja hæða hesthúsa í Al-
mannadal er ekki fjarri lagi að áætla að það
kosti ekki undir tveimur milljónum að byggja
yfir hest. Á efri hæð húsanna er yfirleitt gert
ráð fyrir kaffistofu og annarri aðstöðu. Að-
spurður um stærð húsanna og hve mikið er
borið í þau sagði forystumaður í Fáki að þetta
væru „hesthús dagsins í dag“.
Þríhliða samningar um skil
Það er þó ekki einfalt að skila lóðum því
Fákur fékk landinu úthlutað á sínum tíma og
endurúthlutaði til félagsmanna. Þríhliða
samningur um lóðaskil er til skoðunar, en nið-
urstaða liggur ekki fyrir.
Hesthúsalóðum í fyrsta áfanga í Almanna-
dal var úthlutað fyrir rúmum tveimur árum og
öðrum áfanga síðastliðinn vetur. Lóðaeigend-
ur hafa allir gert skil á gatnagerðargjöldum
og öðrum lóðakostnaði. Fyrsti áfangi er kom-
inn vel á veg og margir sem fengu lóðir í öðr-
um áfanga eru byrjaðir framkvæmdir.
Áætlað er að í Almannadal verði hús fyrir
allt að 1400 hesta, um 500 í fyrsta áfanga og 28
hesthús á 7 lóðum sem rúma samtals 782 hesta
í öðrum áfanga. Til samanburðar má nefna að
í Víðidal eru hús fyrir um fjögur þúsund hross.
Söluverð byggingarréttarins var ýmist mið-
aður við hesthúsaeiningar eða heilt hús. Gjarn-
an er miðað við 10 fermetra með öllu undir
hvern hest og var byggingarréttur seldur á
um 110 þúsund krónur á hest í fyrsta áfanga. Í
öðrum áfanga síðastliðinn vetur var verðið
talsvert hærra, m.a. vegna verðlagshækkana,
og var þá miðað við að lóðagjöld á hvert pláss
undir hest væru 150-160 þúsund krónur. Sölu-
verð byggingarréttar á átta hesta einingu var
1.232 þúsund krónur og fyrir 42 hesta hús tæp-
lega 6,5 milljónir.
Fyrsti áfangi byggðarinnar í Almannadal er
kominn vel á veg eins og áður sagði, en staðan
er önnur í öðrum áfanga. Þar hefur um þriðj-
ungur rétthafa áhuga á að losna undan samn-
ingum við Fák. Sá hópur gæti stækkað ef
mögulegt reynist að skila lóðum.
Fákur fékk svæðinu úthlutað á sínum tíma
frá borginni og er hinn raunverulegi eigandi
að svæðinu. Lóðahafar hafa gert upp við Fák
og félagið við borgina. Því liggur ekki fyrir
hvernig slík skil og uppgjör gætu farið fram.
Til framtíðar í Trippadal
Fákur horfir til framtíðar með framkvæmd-
unum í Almannadal og byggðin þar ætti að
duga næstu árin, jafnvel áratugina, eftir því
hvernig þróunin verður. Ýmsir óttast að svæð-
ið gæti verið lengi að byggjast upp miðað við
það uppnám sem nú ríkir.
Sé horft til enn lengri framtíðar þá hafa
borgin og forysta Fáks augastað á svæði sem
kallast Trippadalur og er austar í heiðinni. Sá
staður gæti því á ný fengið nafn með rentu eft-
ir ekki svo mörg ár.
Fákur er enn með starfsemi á gamla Fáks-
svæðinu við Sprengisand. Borgin hefur eign-
ast þau hús og þeir sem eru á því svæði gera
tímabundna leigu við félagið. Húsin eru orðin
gömul og svæðið er fyrir á skipulagi, en reikn-
að er með að þarna verði mislæg gatnamót.
Svo er spurning hversu margir hestar verða
teknir á hús í borginni í vetur. Hestamennskan
kostar sitt eins og annað sport og þó svo að
stöðug aukning hafi verið í greininni und-
anfarin ár þá verða margir að staldra við.
„Margir hafa færri krónur til að spila úr en áð-
ur. Á sama tíma hækkar allt í þessu eins og
öðru, hey, spænir og annað. Það er líklegt að
margir haldi að sér höndum eins og þeir geta,“
sagði framámaður í Fáki í samtali við Morg-
unblaðið. aij@mbl.is
Lóðaskil könnuð hjá Fáki í Almannadal
Almannadalur Fyrstu hesthúsin eru risin og blasa reisulegar byggingarnar, líkari stórum ein-
býlishúsum, við frá Suðurlandsvegi. „Hesthús dagsins í dag“, segir forystumaður í Fáki.
Morgunblaðið/Árni Sæberg