Morgunblaðið - 17.11.2008, Side 16

16 Daglegt líf
MORGUNBLAÐIÐ MÁNUDAGUR 17. NÓVEMBER 2008
Eftir Kristínu Heiðu Kristinsdóttur
khk@mbl.is
Það er ofboðslega gamanað vinna við þetta. Viðlítum á þennan versl-unarrekstur að sumu
leyti sem ákveðið trúboð, því með
honum erum við að benda fólki á
að henda ekki gömlum hlutum og
líka hvetja fólk til að nýta þá með
nýjum hlutum,“ segir Jósefína
Friðriksdóttir, annar eigandi
verslunarinnar Maddömurnar sem
er fornmunasala á Selfossi. Jós-
efína á og rekur verslunina með
dóttur sinni Helgu Salbjörgu Guð-
mundsdóttur, en Jósefína stendur
oftast vaktina í Maddömunum.
Þær mæðgur eru báðar mjög svo
veikar fyrir gömlum hlutum. „Sér-
staklega hún Helga, heima hjá
henni er allt mjög gamalt.“
Kaffi, kandíssykur og Gufan
Helga bjó úti í Danmörku um
tíma og Jósefína var þar hjá henni
í nokkra mánuði fyrir rúmum
tveimur árum. „Þá ákváðum við að
láta gamlan draum rætast og
keyptum fullt af gömlum munum í
þeim tilgangi að opna verslun
heima á Íslandi. Við fylltum heilan
gám af antikhlutum sem við völd-
um af kostgæfni á löngum tíma og
fórum svo með hann til Íslands
um leið og Helga og hennar fjöl-
skylda flutti heim. Þá var ekkert
því til fyrirstöðu að opna Mad-
dömurnar,“ segir Jósefína sem
hellir gjarnan upp á könnuna fyrir
gesti sína í búðinni og býður upp á
kandís með, að gömlum sið. Hún
er alltaf með stillt á gömlu góðu
Gufuna í útvarpinu, þannig að í
þessari litlu og notalegu verslun
er rólegheitaandrúmsloft. „Við
höfum eignast góða kunningja hér
í Maddömunum. Við erum með
nokkra fastakúnna sem kíkja
reglulega inn til að spjalla og
fylgjast með. Okkur þykir vænt
um það.“
Var einhver drepinn með því?
Viðskiptavinirnir hjá Maddö-
munum eru allskonar fólk á öllum
aldri. Þangað koma bæði börn og
gamalt fólk. Jósefína hefur sér-
staklega gaman af krökkunum
sem koma í búðina og spyrja mik-
ið. Hún dregur fram ævafornt
sverð sem er um 150 ára og hefur
greinilega mikið verið notað.
„Krakkar sem koma hingað eru
mjög hrifnir af þessu sverði og
spyrja mikið um hvort einhver
hafi verið drepinn með því, sem ég
því miður ekki veit. En við erum
mjög ánægðar með að krakkar
sýni þessum gömlu hlutum áhuga.
Stundum koma þau líka við hjá
okkur krakkarnir sem eru hér í
tónlistarskólanum við hliðina.“
Grúskari fékk 300 ára Jesú
En það eru fleiri mjög gamlir
hlutir en sveðjan sem hafa ratað í
Maddömurnar og Jósefína segist
halda að allra elsti hluturinn sem
þar hafi verið sé Jesúlíkneski.
„Þessi Jesú var um 300 ára gam-
all. Hann var byrjaður að skemm-
ast og sá sem keypti hann var
grúskari og það er gott til þess að
vita að hann fór beint með hann í
forvörslu og ætlaði svo að setja
hann upp hjá sér þegar búið væri
að verja hann,“ segir Jósefína og
bætir við að þær mæðgur hafi svo-
lítið verið að reyna að vera með
trúarlega hluti, krossa, Mar-
íumyndir og fleira í þeim dúr.
„Það hefur mælst vel fyrir. Við
höfum líka verið með mjög gamla
íkona frá Rússlandi, sem stoppuðu
stutt við. Ljósakrónur úr kirkjum
hafa verið vinsælar.“
Í Maddömunum úir og grúir af
ótal ólíkum og skemmtilegum
hlutum og plássið er vel nýtt, ger-
semar upp um alla veggi og hang-
andi niður úr loftinu. Fornir símar
á vegg, gamlar vigtir, þvottabretti,
kaffikvarnir, lögregluhjálmar,
myndavélar, matarstell og silfur,
svo fátt eitt sé nefnt. Og merki-
legt nokk, ekkert hefur ennþá
brotnað. Viðskiptavinir kunna að
smeygja sér varlega. „Fólk kemur
mikið hingað til að kaupa sér-
stakar gjafir, gamlar klukkur eða
eitthvað annað. Margir þessir
gripir eru svo fallegir og hingað
koma stundum safnarar sem eru
að bæta einhverju í safnið sitt. Við
erum líka með sérstakt retró-
horn, þar sem eru hlutir frá tíma-
bilinu 1960-1970, en það er vax-
andi áhugi fyrir hlutum frá þeim
tíma, sérstaklega hjá ungu fólki.“
Færa sig yfir á netið
Vörurnar kaupa mæðgurnar
gjarnan á uppboðsmörkuðum í
Danmörku en hlutirnir eiga sumir
uppruna sinn í öðrum löndum, til
dæmis í Þýskalandi, Austurríki
eða Frakklandi og þær kaupa líka
frá Skáni í Svíþjóð.
En nú fer hver að verða síð-
astur til að reka inn nefið í litlu
hlýlegu búðinni á bak við Tónlist-
arskólann á Selfossi. „Við verðum
að bregðast við breyttum að-
stæðum í þjóðfélaginu og minnka
reksturinn. Það stendur til að
hætta með búðina hér á Kirkju-
veginum eftir áramótin en selja
antikhluti á netinu. Við gerum það
reyndar nú þegar og það hefur
gefist vel. Okkur finnst skemmti-
legt að geta selt vörur um allt
land í gegnum heimasíðuna okkar.
Þar erum við með myndir og við
munum halda áfram að vera með
gott úrval. Við lokum búðinni með
mikilli eftirsjá en ætlum okkur að
opna hana aftur þegar betur árar.
Ég verð með lager í bílskúrnum
heima hjá mér og þangað getur
fólk líka snúið sér ef það vill
kaupa beint af mér.“
Gamli tíminn góði
Mæðgurnar Jósefína
Friðriksdóttir og Helga
Salbjörg Guðmunds-
dóttir eru báðar veikar
fyrir gömlum hlutum.
Þær reka verslunina
Maddömurnar á Sel-
fossi en munirnir sem
þar eru seldir eiga m.a.
ættir að rekja til
frænda okkar Dana.
Morgunblaðið/Ómar
Barnarúm Brúðurnar kunnu vel við sig í gömlu frönsku barnarúmi.
Fornir símar á vegg, gaml-
ar vigtir, þvottabretti,
kaffikvarnir, lögreglu-
hjálmar, myndavélar,
matarstell og silfur, svo
fátt eitt sé nefnt. Og
merkilegt nokk, ekkert
hefur ennþá brotnað.
Viðskiptavinir kunna
að smeygja sér varlega.
Maddömurnar
Kirkjuvegi 8, Selfossi
www.maddomurnar.com
Myndavélar Þær sóma sér vel með
Jesúmynd, hermannahjálmi, gas-
grímu og öðru forvitnilegu.
Úir og grúir Krukkur, klukkur, könnur, vasar, lampi og lúður.
Eftir Gunnlaug Árnason
Stykkishólmur | Leikfélagið Grímnir
sýnir þessa dagana söngleikinn Jes-
ús Guð dýrlingur (Jesus Christ Su-
perstar). Leiklistarval Grunnskólans
í Stykkishólmi stendur að sýningunni
með Grímni. Innan grunnskólans
hefur tekist að vekja áhuga á leiklist
og er fjölmennur hópur sem hefur
valið leiklistina sem valfag í tveimur
elstu bekkjum skólans. Leikfélagið
Grímnir hefur verið öflugt félag í
menningarmálum Hólmara. Leik-
félagið hefur sett upp leikrit á hverju
starfsári á fjörutíu ára starfsferli sín-
um. Nú í ár varð fyrir valinu einhver
þekktasta rokkópera allra tíma, Jes-
ús Guð dýrlingur (Jesus Christ Su-
perstar). Leikstjóri er Guðjón Sig-
valdason sem er mættur aftur til
leiks en í fyrra stjórnaði hann söng-
leiknum Óliver. Hér er um að ræða
viðamikið leikverk, þar sem tónlistin
er í aðalhlutverki. Á sviði koma fram
37 leikendur og kröftug hljómsveit er
skipuð 11 ungum hljóðfæraleikurum.
Að auki er fjöldi fólks að tjaldabaki.
Sýningin er ein sú stærsta sem
Grímnir hefur sett á svið. Með aðal-
hlutverk fara Matthías Þorgrímsson
sem Jesús, Óli Steinar Sólmund-
arson sem Júdas og Lilja Riedel sem
María Magdalena. Það er óhætt að
segja að hin mikla vinna leikenda
beri góðan ávöxt. Flestir eru leikend-
urnir ungir að árum og skila sínum
hlutverkum vel. Hljómsveitin er
skipuð að mestu nemendum úr
grunn- og framhaldsskólanum. Matt-
hías og Óli Steinar voru að vonum
ánægðir eftir frumsýninguna. Þeir
sögðu að stífar æfingar hafi verið frá
því í byrjun október. Þeir voru mjög
ánægðir með þann lærdóm og
reynslu sem fylgir því að taka þátt í
leikstarfi.
„Þetta er góður félagsskapur. Það
er ekki sjálfsagt að fá tækifæri í ekki
stærra samfélagi að taka þátt í metn-
aðarfullum leiksýningum. Þetta er
fjórða leikritið sem ég tek þátt í á
jafnmörgum árum. Í leiklist læri ég
tjáningu og líka að koma fram. Það
er lærdómur sem mun gagnast mér
seinna meir,“ segir Matthías. „Við
vorum heppin með að fá Guðjón sem
leikstjóra, hann hefur leiðbeint okk-
ur mjög vel. Uppsetningin hjá hon-
um er alveg frábær. Hugmyndir
hans eru skýrar. Hann er strangur
og hikar ekki við að vera leiðinlegur
þegar á þarf að halda. Hann er með
allt á hreinu sem að lokum skilar sér í
rosalega góðri sýningu,“ segir Óli
Steinar. Þeir félagar segjast njóta
sín í leiklistinni. „Við höfum gaman af
að koma fram og sýna hvað í okkur
býr. Kannski erum við svona athygl-
issjúkir“ segir Óli Steinar og brosir.
Unglingarnir
í aðalhlutverki
Morgunblaðið/Gunnlaugur Árnason
Öflug hljómsveit. Þessi hópur sá um að koma tónlistinni til skila.
Leikfélagið Grímnir með
góða leiksýningu í Hólminum