Morgunblaðið - 24.11.2008, Blaðsíða 4

4 FréttirINNLENT
MORGUNBLAÐIÐ MÁNUDAGUR 24. NÓVEMBER 2008
Jólagjöf fyrir þá
sem „eiga allt“
Gefðu hlýju og samveru um jólin!
Allir kunna að meta það að hafa tækifæri á að komast í gott
frí í sólina eða annað. Gjafabréf Heimsferða er jólagjöf, sem
er í senn hagnýt, skemmtileg og sveigjanleg og felur í sér
hlýju og samveru með sínum nánustu. Lágmarksupphæðin
er 3.000 kr. en annars ræður þú upphæðinni.
Nánar á www.heimsferdir.is og í síma 595 1000.
E
N
N
E
M
M
/
S
IA
•
N
M
3
0
87
7
FRÉTTASKÝRING
Eftir Þórð Snæ Júlíusson
thordur@mbl.is
ÚTLÁN Glitnis banka til við-
skiptavina jukust um 1.000 milljarða
króna á einu ári eftir að FL Group
og tengdir aðilar urðu ráðandi í
bankanum. Um mitt ár 2007 voru
heildarútlán Glitnis til viðskiptavina
1.571 milljarður króna. Í lok júní síð-
astliðins voru heildarútlánin 2.548
milljónir króna og höfðu því aukist
um 60 prósent á einu ári.
Morgunblaðið skýrði frá því í gær
að samkvæmt lánabókum Glitnis
hefðu FL Group og þrír af stærstu
eigendum félagsins fengið rúma 80
milljarða króna að láni hjá Glitni í
lok síðasta árs. Af 15 stærstu skuld-
urum fyrirtækjasviðs Glitnis í upp-
hafi þessa árs eru flestir tengdir FL
Group með einhverjum hætti.
Fylkingar tókust á
Á seinni hluta ársins 2006 fóru
lánalínur íslenskra banka að lokast
tímabundið. Stjórn og stjórnendur
Glitnis ákváðu á þeim tíma að stefna
bankans yrði að halda útlánum í
skefjum til að styrkja lausafjárstöðu
hans. Útlánin jukust enda lítið sem
ekkert frá þriðja ársfjórðungi 2006
og fram á vorið 2007. Í apríl breytt-
ist sú stefna þó skyndilega.
Mikil ólga hafði verið í eigenda-
hópi Glitnis á fyrri hluta ársins 2007
þar sem tvær fylkingar tókust á um
völdin í bankanum. Annars vegar
var hópur tengdur Karli Werners-
syni, Einari Sveinssyni og Mile-
stone. Hinn hópurinn var FL Group
og aðilar tengdir eigendum þess fé-
lags. Á aðalfundi Glitnis í febrúar
2007 sótti FL-hópurinn það mjög
hart að fá stjórnarformennsku í
bankanum í krafti stórs eignarhluta
síns, en félagið átti þá um þriðjung í
Glitni.
Samkomulag náðist á endanum
um að Einar Sveinsson, sem sat fyr-
ir í stjórn fyrir Milestone-hópinn,
héldi þeirri stöðu áfram gegn því að
FL Group fengi fjóra af sjö stjórn-
armönnum.
Stefnubreyting eftir átök
Í kjölfarið héldu FL Group og Jöt-
unn Holding, sem er í eigu Baugs,
Fons og Toms Hunter, áfram að
kaupa hluti í Glitni. Átökin stig-
mögnuðust við það og í byrjun apríl
ákváðu Milestone-hópurinn og önn-
ur félög tengd þeim Karli og Einari
að selja eignarhlut sinn í Glitni. Á
einni helgi skipti fjórðungur hluta-
fjár í bankanum um hendur fyrir 110
milljarða króna. Á meðal kaupenda
var Jötunn Holding.
Samfara hinum miklu breytingum
á eignarhaldi Glitnis var boðaður
nýr hluthafafundur í lok apríl til að
kjósa nýja stjórn. Þegar kom að
þeim fundi átti FL Group 31,97 pró-
sent í Glitni og Jötunn Holding 6,85
prósent. Þorsteinn M. Jónsson var
kjörinn stjórnarformaður. Þorsteinn
er á meðal eigenda Materia Invest
sem var einn stærsti eigandinn í FL
Group á þessum tíma.
Einnig þótti nauðsynlegt að gera
breytingar á stjórn Glitnis og Bjarni
Ármannsson vék fyrir Lárusi Weld-
ing sem forstjóri eftir 10 ára starf. Í
kjölfarið hættu fjórir lykilstjórn-
endur til viðbótar störfum fyrir
bankann.
„Back on track“
Heimildir Morgunblaðsins herma
að FL Group-hópurinn hafi talið
Glitni vannýttan banka. Hann vildi
því auka umsvif bankans mjög
snöggt og stækka með því efnahags-
reikning Glitnis. Nýjum stjórn-
endum bankans var falið að ýta
þessari stefnu úr vör.
Í kynningu á níu mánaða uppgjöri
Glitnis á árinu 2007 kemur þessi
nýja stefna vel fram. Þar er glæra
sem kölluð var „back on track“ og
sýnir að útlán bankans hafi aukist
um 215 milljarða króna á einum árs-
fjórðungi. Í lok ársins höfðu útlánin
aukist um 400 milljarða króna frá
því sem var um mitt árið. Mesti
vöxturinn á útlánabókum Glitnis
varð síðan á fyrstu þremur mán-
uðum ársins í ár þegar útlánin juk-
ust um 542 milljarða króna.
Vert er að taka fram að veiking
krónunnar á þessu tímabili stækkaði
útlánasafnið töluvert en þó var raun-
vöxtur útlána hátt á annað hundrað
milljarða króna. Í lok fyrsta árs-
fjórðungs 2008 höfðu útlán Glitnis
því vaxið um tæpa 1.000 milljarða
króna á innan við einu ári.
Eigendur lána sjálfum sér
Samkvæmt heimildum Morg-
unblaðsins var tekin meðvituð
ákvörðun um að lána meira til fjár-
festingafélaga sem stóðu í hluta-
bréfakaupum. Meðal þeirra sem
fengu hvað mest lánað var FL Gro-
up og félög tengd eigendum þess.
Auk þess voru Stím ehf. lánaðir 19,5
milljarðar króna sem félagið notaði
til að kaupa bréf í FL Group og
Glitni á þeim tíma sem virði þeirra
var fallandi.
Þrátt fyrir að Stím hafi verið
þriðji stærsti skuldari fyrirtækja-
sviðs Glitnis hefur mikil leynd hvílt
yfir því hverjir standa að félaginu.
Einn maður, Jakob Valgeir Flosa-
son, er skráður í stjórn félagsins en
hann neitar að upplýsa hverjir eig-
endur þess eru. Í Morgunblaðinu í
gær kom fram að Jón Ásgeir Jó-
hannesson og Hannes Smárason,
sem þá voru tveir stærstu eigendur
FL Group, hefðu haft frumkvæði að
stofnun Stíms síðla árs 2007.
Þúsund milljarða vöxtur
 Útlán Glitnis jukust um tæpa 1.000 milljarða eftir að FL Group varð ráðandi
í bankanum  Fyrri stjórn hafði sýnt varkárni vegna erfiðleika í fjármögnun
Morgunblaðið/Árni Sæberg
Óveðursskýin hrannast upp Lánabók Glitnis stækkaði um 60 prósent.
Í HNOTSKURN
» Jón Ásgeir Jóhannesson ogLárus Welding hafa báðir
gert athugasemdir við frétta-
skýringu um lánveitingar
Glitnis sem birtist í sunnudags-
blaði Morgunblaðsins.
» Jón Ásgeir segir ekkertóeðlilegt við afgreiðslu
þeirra lána sem félög honum
tengd fengu að láni hjá Glitni.
» Lárus segir þá fullyrðinguað allar verklagsreglur við
lánveitingar hafi verið brotnar
í nokkrum tilvikum vera rang-
ar.
» Yfirlýsingar Jóns Ásgeirsog Lárusar má lesa í heild
sinni á mbl.is.
Eftir Skapta Hallgrímsson
skapti@mbl.is
HJÚKRUNARDEILDIN Sel á
Sjúkrahúsinu á Akureyri (FSA)
verður lögð niður um áramót. Þeir 12
sjúklingar, sem þar eru nú, verða
fluttir inn á Kristnes í Eyjafjarðar-
sveit, þar sem sjúkrahúsið rekur
öldrunarlækningadeild og endur-
hæfingardeild. Á Seli eru sjúklingar
á einbýlum en a.m.k. einhverjir
þeirra verða á fjölbýli á Kristnesi.
Áætlað er að sparnaður vegna þess-
ara breytinga geti orðið 100 milljónir
króna.
Halldór Jóhannsson, forstjóri
FSA, segir að breytingarnar varð-
andi Sel tengist ekki þeim 10% nið-
urskurði í heilbrigðiskerfinu sem
rætt hafi verið um undanfarið, held-
ur hafi í framtíðarsýn spítalans verið
gert ráð fyrir því að hjúkrunardeild-
ir yrðu ekki reknar í húsnæði stofn-
unarinnar á Akureyri.
„Þegar upp verður staðið
þarf færri starfsmenn“
Starfsmenn á Seli eru hátt í 30,
margir í hlutastarfi. Spurður um
uppsagnir starfsmanna sagði for-
stjórinn ekkert hafa verið ákveðið í
því sambandi „en þegar upp verður
staðið þarf færri starfsmenn til þess
að sinna starfseminni eins og hún
verður eftir breytinguna“.
Hann sagði að leitað yrði leiða til
þess að finna fólki önnur störf innan
stofnunarinnar „en þessu fylgir auð-
vitað á endanum að einhver fækkun
verður á starfsfólki. Við forðumst
beinar uppsagnir en ég get ekki lofað
því á þessari stundu hvað verður“.
Halldór Jóhannsson segir að þessi
ráðstöfun, að loka Seli og flytja sjúk-
lingana á Kristnes, gæti sparað um
100 milljónir króna þegar allt kemur
til alls.
Sparað með
því að flytja
fólk af Seli
á Kristnes
Morgunblaðið/Skapti Hallgrímsson
Akureyri Gæti sparað 100 milljónir.
TVÍBURARNIR Dagbjartur og Guttormur Gunnars-
synir fagna í dag 95 ára afmæli sínu. Aðeins einu sinni
áður, svo vitað sé, hafa tvíburar hér á landi náð 95 ára
aldri svo líklegast er óhætt að segja að Dagbjartur og
Guttormur hafi náð að jafna Íslandsmetið.
Dagbjartur býr nú á dvalar- og hjúkrunarheimilinu
Grund en Guttormur býr ásamt eiginkonu sinni, Elke
Gunnarsson, í Marteinstungu í Rangárvallasýslu þar
sem þeir bræður fæddust.
ylfa@mbl.is
Hálftíræðir tvíburar jafna Íslandsmet
Morgunblaðið/RAX Morgunblaðið/Óli Már Aronsson
Langlífir Dagbjartur (t.v.) fæddist á undan bróður sínum. Læknirinn, sem tók á móti bræðrunum, hugði Dagbjarti
ekki líf og einbeitti sér að fæðingu Guttorms. Nærstödd kona hlúði að Dagbjarti þar til hann braggaðist.