Skinfaxi - 01.04.1951, Blaðsíða 23
SKINFAXI
23
sem verið var að bora, og orðin var 229 m djúp. Hola
þessi er fóðruð með 8 tommu víðum járnpípum 100
m niður. Gosið hefur sífellt haldið áfram, síðan það
byrjaði, og kemur úr holunni allvatnsblönduð gufa.
Hefur magnið verið mælt við mismunandi mótþrýst-
ing, þ.e. þrengt hefur verið mismunandi mikið að gos-
inu. Gufa sú, sem úr holunni kemur, mun geta fram-
leitt um 5000 kílóvött rafmagns. En auk þess koma úr
holunni um 30 1 af 100° heitu vatni á sekúndu, sem
nota mætti i hitaveitu eða til annars. — Til saman-
burðar má geta þess, að Hafnarfjarðarbær notar nú
3000 kílóvött rafmagns. Gos kemur úr 5 holum alls,
þótt gosið úr fyrmefndri holu sé langmest, en heildar-
gufan úr öllum holunum er 60 tonn á klst.
1 ráði er að virkja þama í Seltúni, og hefur ýmsum
fyrirtækjum í Evrópu og Bandaríkjunum verið send
greinargerð um þetta efni og óskað eftir tilboðum um
vélar og tæki. Komið hefur i ljós, að ítölsk og svissnesk
fyrirtæki ein telja sig geta sinnt svo sérstæðu verkefni,
sem hér um ræðir. Stendur Rafveita Hafnarfjarðar nú
í sambandi við ítölsk fyrirtæki varðandi þessi mál.
Bráðabh'gðaáætlun sýnir, að slik gufuvirkjun yrði
nokkru ódýrari en samsvarandi vatnsvirkjanir. Stend-
ur rafveitan í sambandi við ítölsk orkuver, sem reynslu
hafa af gufuvirkjunum. Hafa Italir gufuorkuver, sem
framleiða 300 þús. kilóvött rafmagns. Til samanburðar
má geta þess, að nýja Sogsvirkjunin, eins og bún er nú
áætluð, mun framleiða 31 þus. kílóvött.
Borunum er að sjálfsögðu haldið áfram i Krýsuvik.
[Þessi grcin er byggð á upplýsingum Jens Hólmgeirssonar.
bústjóra i Krýsuvík, varðandi gróðurhús og búskap, og Valgarðs
Thoroddsen rafveitustjóra í Hafnarfirði. varðandi boranir, en
hann veitir borunum og raforkuframkvæmdum i Krýsuvik
forstöðu. — Myndirnar 3 af húsum í Krýsuvík eru teknar núna
í marz, en óvenju mikill snjór hefur verið þar i vetur. — S. J.]