Skinfaxi - 01.04.1951, Blaðsíða 16
16
SKINFAXÍ
framfarir í landinu, að aukin sé menntun hinna 240 milljóna
fullorðinna, sem hvorki kunna að lesa né skrifa. Ef til vilJ
er það meira aðkallandi, því að í lýðræðislandi getur ómennt-
aður kjósandi ekki tekizt á hendur þær skyldur, sem á herð-
ar honum eru lagðar. Hér er ekki einungis miðað að því að
gera fólkið læst. Alhliða þroski er hér nauðsynlegur, svo menn
fái áhuga á málefnum landsins og stjórn. Fræðsla fullorð-
inna hefur því verið stórlega aukin, og til þess að undirstrika
þá breytingu hefur hún verið nefnd alþýðufræðsla.
Þegar þessar áætlanir voru endurskoðaðar, voru sett á fót
ný fræðsluráð, og vegna hinnar brýnu þarfar á aukinni al-
þýðumenntun, hefur verið ákveðið, að hin almenna skóla-
skylda komi til framkvæmda á sextán árum. Þessu takmarki
á að ná í áföngum. Eftir tíu ár er gert ráð fyrir, að öll börn
verði skólaskyld til ellefu ára aldurs, en upp frá því verður
einu ári bætt við skólaskylduna á tveggja ára fresti, þar til
takmarkinu er náð, að öll börn verði skólaskyld til fjórtán
ára aldurs.
Aragrúa kennara þarf til þess að koma þessum áformum í
kring, bæði til að annast fræðslu hinna fullorðnu og almennu
skólaskylduna. Fjöldi kennara verður tvær til þrjár milljónir.
Hvort sem stjórnin krefst háskólamenntunar af kennurum.
eins og lagt hefur verið til, eða ekki, verður útvegun þessa
fjölda kennara gífurlegt vandamál.
Það virðist fjarstæðukennd áætlun að framkvæma það á
sextán árum, sem aldrei hefur verið reynt síðan fyrsti ind-
verski háskólinn var stofnaður fyrir 2000 árum, en heimur-
inn bíður eftirvæntingarfullur eftir því, hvernig þessari miklu
tilraun í Indlandi reiðir af.
(Lauslega þýtt og endursagt).