Skinfaxi - 01.04.1956, Side 15

SKINFAXI
15
ræðu. Eftir að komið var úr kirkju, voru ýmsar skemmt-
anir við hafðar, svo sem lesin upp kvæði, haldnar ræð-
ur, mælt fyrir minnum íslenzku æskunnar, ungmenna-
félagsskaparins, hinnar íslenzku ríkisstjórnar og fleiri.
Margir hinir ungu menn sýndu hina forníslenzku og
fögru íþrótt, glímuna, og mátti þar sjá „táp og fjör og
fríska menn“. ,
Til nánari skýringar er hér bréf Steingríms Stefáns-
sonar, sem prentað var í Skinfaxa, 9. tbl. 1. árg. 1910.
Bréf til Skinfaxa.
Kæri „Skinfaxi“ minn.
Þú hefur verið mér kærkominn gestur í þau skipti,
sem þú hefur heimsótt mig. Veit ég, að fleirum en mér
er og verður koma þín kær, því að ræður þínar eru fróð-
legar og fjörugar; þú ræður æskunni hollt og gott, því
að þú vilt örva hana til framfara í félagsstarfinu, safna
henni undir eitt merki og kenna henni að „elska, byggja
og treysta á landið.“
Meðal annars ert þú við og við að segja lesendum
þínum frá ungmennafélögunum úti um landið. Datt mér
því í hug að setjast nú niður með penna í hönd og hripa
þér nokkrar línur um ungmennafélagið í æskudalnum
mínum, það heitir Ungmennafélag öxndæla.
Ég var einn af stofnendum þess félags, og hef verið
meðlimur þess síðan. Mér er félagið því sérlega kært,
og við það eru bundnar sælar minningar mínar, og sama
munu aðrir meðlimir þess segja.
Ungmennafélag öxndæla er stofnað hinn 14. maí
árið 1900. Stofnendur þess voru 10 að tölu, karlar og
konur, allir innan fermingaraldurs, (nánar tiltekið 7
drengir og 3 stúlkur).
Þú getur því víst nærri, Skinfaxi minn góður, hvern-
ig skipulagið hefur verið fyrstu mánuðina, þar sem svo
ungir áttu í hlut, enga reynslu eða samband annarra
félaga að styðjast við og fjölda marga örðugleika við