Skinfaxi - 01.04.1956, Síða 12

12
SKINFAXI
íbúa sinna. Og hér í holtinu, við gljúfrasteininn, þar
sem þú skapaðir formálann að frægð þinni, kjósum við
að þakka þér unnið afrek og óska þess að mörg og stór
megi á eftir koma.
Við hyllum þau með ferföldu húrrahrópi, þau lengi
lifi.
fésœcia ^Jdaiidórá Jdiijaná Jdc
.axneói
Kæru sveitungar og vinir.
Eg þakka ykkur hjartanlega þann heiður, sem þið
sýnið mér með heimsókn ykkar hingað í kvöld. Það er
unaðslegt að eiga svona góða sveitungaognágranna,sem
eru tilbúnir að fagna með manni. Ég er jafnsamgróinn
þessarí sveit og þið, — samgrónari henni en flestir aðrir.
Eg hef verið Mosfellssveitarmaður síðan ég kom hing-
að þriggja ára gamall ríðandi á hnakkkúlunni fyrir
framan föður minn. Þá var íarið með sjónum og svo
upp dalinn. Mér er sagt, að ég hafi spurt, þegar ég sá
fellin hér í kring: — Hver hefur mokað þessa hóla ? Það
er þessi sveit, með sínum skemmtilegum hólum og döl-
um, sem ég hef fest rætur í. Ég hef eiginlega alltaf átt
hér heima. Móðir mín átti hér heima fram til 1930, en
síðan komu nokkur ár í útlöndum. Og þegar ég fór að
hugsa um að byggja kaus ég að setjast að einmitt hér
í þessari sveit, meðal þessa göfuga fólks. Ég gæti ekki
hugsað mér að eiga heima í nokkurri annarri sveit. Hér
voru mínir æskuvinir, og margir þeirra eru nánir vinir
mínir enn í dag. Og mér þykir sérstaklega vænt um
æskulýðinn í þessari sveit. Það er mikill styrkur að
eiga slíka baksveit. Það er unaðslegt að koma hingað
heim utan úr heimi og njóta unaðar og friðar í þessari
góðu sveit, hjá þessu glæsilega fólki. Þakka ykkur öll-
um hjartanlega.
Má ég svo ekki biðja ykkur öll að hylla okkar kæru