Skinfaxi - 01.04.1961, Blaðsíða 49
Þingið fagnar unnum sigri í handritamálinu og
skorar á ríkisstjórn og Alþingi að fylgja málinu enn
fast eftir. Þingið telur aðkallandi, að þegar verði
hafizt handa um hæfilega viðtöku handritanna og
varðveizlu, þannig að gætt sé vísindalegra nota
þeirra, en um leið sé þeim búinn staður með
hliðsjón af þjóðlegri þýðingu þeirra og sögu.
a) Þingið lýsir fylgi sínu við þá hugmynd að
gera skógrækt að föstum lið í starfsemi skólanna
með heimild í lögum og njóti hún þá hliðstæðrar
fyrirgreiðslu frá hendi hins opinbera og aðrir
þættir fræðslustarfsins.
b) Þingið lýsir ánægju sinni yfir aukinni gróð-
ursetningu í Þrastaskógi og þakkar gestum, sem
heimsækja skóginn, ágæta umgengni.
c) Þingið telur æskilegt, að hvert einstakt ung-
mennafélag fái land til umráða til skógræktar.
d) Þingið hvetur ungmennafélögin til þess að
stuðla að því að koma sem víðast upp trjágörðum,
er fegri umhverfi heimilanna og veiti þeim skjól.
Þar sem vitað er, að fornbókmenntir vorar eru
dýrmætasti menningararfur þjóðarinnar og sterk-
asta stoð þjóðernis vors, ber brýna nauðsyn til
þess, að þjóðin vanræki þær ekki.
Þingið telur því sjálfsagt, að aúkinn verði lest-
ur fornsagna í skólum landsins og að komið verði
upp fjölbreyttu myndasafni frá merkum sögu-
stöðum til notkunar við sögukennslu. í því sam-
bandi vill þingið benda á, að reynt verði að nota
kvikmyndatæknina í þágu þessa máls.
Þingið þakkar Sigurði Greipssyni skólastjóra
og konu hans fórnfúst skólastarf í 30 ár og felur
sambandsstjórn UMFÍ að vinna að því við ríkis-
stjórn og Alþingi, að Haukadalsskólinn njóti ör-
uggrar fjárhagslegrar aðstoðar ríkisins.
Þingið beinir þeim tilmælum til almennings í
landinu, að hann geri sér ljósa þá alvarlegu
hættu, sem stafar af neyzlu áfengis og bendir á
sívaxandi drykkjuskap unglinga, sem er að verða
þjóðarböl. Skorar þingið á alla hugsandi menn
og konur að gera sitt til að breyta þeim tíðar-
anda, sem lítur á vínneyzlu sem sjálfsagðan og
eðlilegan hlut.
Telur þingið, að slíkt taki því aðeins breyting-
um, að hver ábyrgur þjóðfélagsþegn leitist við
að vera æskulýðnum fyrirmynd um reglusemi og
hófsemi. Þá skorar þingið á Alþingi og ríkisstjórn
að leggja niður allar vínveitingar af hálfu opin-
berra aðila og telur, að hið opinbera eigi að
ganga á undan í baráttu fyrir breyttum háttum
í þessu efni.
Þingið beinir þeim tilmælum til hæstvirtrar
ríkisstjórnar, að hún setji reglugerð um vega-
bréfaskyldu allra manna 16 ára og eldri. Verði
menn m. a. skyldaðir til að framvísa vegabréfum
sínum, þegar þeir kaupa áfengi og annars staðar,
þar sem kröfur eru gerðar til lágmarksaldurs.
Þingið varar við þeim áhrifum, sem langvar-
ar.di dvöl erlends herliðs í landinu hlýtur að
iiafa á þjóðerni og tungu landsmanna. Þingið
skorar á Alþingi og ríkisstjórn að endurskoða hið
fyrsta afstöðu sína til dvalar varnarliðsins. Þingið
telur ekki eðlilegt, að her dvelji í landinu á frið-
artímum.
Sambandsstjórn var endurkjörin. Hana skipa:
Séra Eiríkur J. Eiríksson sambandsstjóri
Jón Ólafsson, bóndi, Brautarholti, ritari
Ármann Pétursson, skrifstofum., Álftan., féhirðir
Skúli Þorsteinsson, kennari, Rvík, varasamb.stjóri
Stefán Ólafur Jónsson, Rvík, meðstjórnandi.
S K I N F A X I
49