Skinfaxi - 01.07.1967, Blaðsíða 13

viðburðum á Austurlandi. Ég er ekki
í vafa um að þessi sjónleikur mun
vekja athygli, en við erum bundnir
þagnarskyldu ennþá um frekari upp-
lýsingar, svo og um nafn höfundar.
Þá höfum við lagt áherzlu á, að kór-
ar og lúðrasveitir æfi með þátttöku í
landsmótinu fyrir augum.
Þetta eru nokkur atriði úr skemmti-
dagsskránni. Ég vil geta þess, að okk-
ur væri kærkomið að fá dagskrárat-
riði frá öðrum héraðssamböndum, og
væri gott að fá sem fyrst fréttir af
hugsanlegum hvalreka af þessu tagi.
Það er sem sagt unnið að mótsund-
irbúningi af fullri einbeitni og það
verður hvergi slakað á. Fólk víðsveg-
ar úr héraðnu hefur boðið fram krafta
sína til starfa fyrir landsmótið. Það er
okkur mikil uppörvun að fólkið stend-
ur með okkur, og hefur mikinn áhuga
a að láta landsmótið verða héraðinu
til sóma.
Skógarhátíðin
Skógarhátíð UÍA var haldin um verzl-
unarmannahelgina, eins og í fyrra, og
fór fram með miklum glæsibrag.
Andrúmsloftið breytist, þegar fargi á-
fengisins er létt af slíkum útiskemmt-
unum. Aðsóknin var mikil, um 3000—
4000 manns sóttu hátíðina, og það var
aberandi, hve margir foreldrar komu
uieð börn sín, þannig, að heilar fjöl-
skyldur gátu dvalið við góða skemmt-
un í fögru umhverfi um helgina.
Við teljum það skyldu okkar að
hafa löggæzluna stranga, enda sást
ekki nokkur maður undir áhrifum á-
fengis, og voru allir mótsgestir áreið-
anlega ánægðir með það.
Þarna var boðið upp á langa og
margbreytilega dagskrá. Á laugardeg-
skinfaxi
inum hófst hún kl. 8 að morgni og
stóð til kl. 3.30 um nóttina. Síðasti
hluti dagskrárinnar, varðeldsskemmt-
un, hófst kl. 1.30. Á sunnudegin-
um hófst dagskráin kl. 10 árdegis og
stóð til kl. 1 um nóttina. Það var allt-
af eitthvað að gerast,, íþróttakeppni,
íþróttasýningar, skemmtiatriði og
dans. Keppt var í frjálsum íþróttum
og handknattleik, og einnig fór fram
glímusýning og bændaglíma.
Það var áberandi núna, hversu mik-
ið af fólki úr öðrum landshlutum sótti
hátíðina, sem er gleðilegur vottur um
það, að hróður hennar hefur borizt
víða, og fólk telur sig eiga erindi í
heimsókn austur á land.
Saga TJMFÍ í 60 ár
eftir Andrés Kristjánsson
Andrés Kristjánsson ritstjóri hefur
unnið að því að skrifa sögu Ung-
mennafélags íslands, og hefur hann
nú nær fulllokið því verki.
Þetta er saga heildarsamtaka ung-
mennafélaganna frá upphafi UMFÍ.
Til er saga UMFÍ 1907—1937 eftir
Geir Jónsson, og er saga þess tímabils
því ekki rakin mjög nákvæmlega í
sögu Andrésar, heldur lögð áherzla á
síðustu 30 árin.
Andrés mun afhenda verkið fyrir
áramót, og má búast við að bókin
komi út fyrri hluta næsta árs. Hér er
um mjög kærkomið og nauðsynlegt
afmælisrit að ræða, sem mun verða
gott heimildargagn um sögu ung-
mennasamtakanna.
13