Sjómannablaðið Víkingur - 01.09.1951, Blaðsíða 4
Skipshöfnin á Rifsnesi í Grænlandsleiðangrinum.
Olíuverð sagði Valgarður svipað og hér
heima, en matinn mun ódýrari og þá sérstak-
lega kjöt. Verð á salti var kr. 180,00 fyrir
tonnið, en frosin síld á kr. 1,00 kg. Hér er
miðað við norskar, færeyskar eða danskar
krónur, sem allar voru þarna í sama verðgildi.
Sterlingspundið var þarna reiknað á kr. 20,00.
Norðmenn fengu í Færeyingahöfn kr. 1,00
norska fyrir kílóið af saltfiski upp úr skipi.
Flutningaskip liggja þarna og lesta fisk og fá
fiskiskipin afgreiðslu eftir röð. Svo mikið barst
þarna að af fiski, að þrátt fyrir fjögur fisk-
tökuskip, sem þarna voru að ferma fisk, þá
urðu veiðiskip að bíða þarna eftir losun. Hægt
er að selja þarna fisk, en hins vegar ganga
samningsbundin skip fyrir losuninni, sem
vonlegt er. Fiskikaupin og verzlunin með nauð-
synjar er óháð fiskiflotanum, en rekin af
norsk-dönsku hlutafélagi, og stjórna mest Norð-
menn framkvæmdum.
í ferðinni lagði Rifsnesið línu í sjó í fimmtán
daga, en þeim mun styttri línu heldur en skip-
ið hefur lagt hér í útilegu við Faxaflóa, að
línunotkunin svaraði til tólf daga veiðitíma
hér heima.
Síðast lagði Rifsnesið línu á Danagrunni,
sem er sunnar en Fyllugrunn, og fékk þar
geysilega vænan fisk, svo vænan, að menn
hofðu ekki séð svo stóran þorsk hér á vetrar-
vertíð. Síðustu dagana, sem Rifsnes var við
Grænland á suðurleið, var fiskur orðinn heldur
tregari. En þá sótti færeyiski og norski fiski-
flotinn lengra norður með landi, þar sem
sagður var áframhaldandi góður afli. — Að
morgni hins 3. júlí skreið svo Rifsnes inn á
Reykjavíkurhöfn og hafði þá verið sex og
hálfan sólarhring á leiðinni frá Vestur-Græn-
landi. Skipið hafði um áttatíu smálestir af
fullstöðnum fiski og 6 föt lifrar, en það var
aðeins hluti af því lifrarmagni, sem úr fisk-
inum kom. Meira gátu þeir ekki hirt. Við
rannsókn á lifrinni sannaðist, að hér var um
að ræða sérstaklega verðmæta lifur, sökum
þess, hve hún var auðug af bætiefnum. Val-
garður skipstjóri á Rifsnesi sagði mér, að
lifrarmagnið úr fiskinum hefði verið ca. 20—
22B
VÍKINGUR