Sjómannablaðið Víkingur - 01.09.1951, Blaðsíða 13
SJÓMANNAKABARETTINN 1951
Sjómannadagsráð efnir í haust til kabarettsýninga
í Austurbæjarbíó. Verða þær með líku sniði og sýningar
þær, sem ráðið efndi til síðastliðið vor og þóttu takast
með ágætum. Þó fullyrða þeir, sem að undirbúningi
þessara sýninga hafa unnið, að í þetta sinn hafi tek-
izt að semja um komu ennþá snjallari listamanna en
hér voru síðast á ferð. Hefur Einar Jónsson, fram-
kvæmdastjóri, ráðið hingað 12 erlenda listamenn frá
sex löndum, og eru þeir allir taldir mjög snjallir, hver
á sínu sviði. Einna frægastur þeirra er sjónhverfinga-
maður og hugsanalesari sá, sem „Truxa“ nefnist. Hef-
ur hann boðist til þess í auglýsingaskyni, að aka í bíl
um bæinn með bundið fyrir bæði augu, án þess að
þekkja neitt til umferðar hér, t. d. hvar er einstefnu-
akstur. Ennfremur mun hann láta lögregluna hand-
járna sig og loka sig síðan inni í fangaklefa, en kveðst
Ég er sannfærður um, að þarna er uppgripa-
afla að fá. Rifsnesingar fengu fisk á annan-
hvern öngul í hallinu vestur af Fyllugrunni.
Mér kæmi ekki á óvart, þótt fiskur kæmi á svo
til hvern öngul, ef lagt væri í álana, en það
verður ekki allt þorskur. Uppi á hryggjunum
milli álanna verður þar á móti svo til eingöngu
um þorsk að ræða.
leysa sig þar sjálfur, hvernig sem um er búið og koma
síðan út úr læstum klefanum áður en fimm mínútur
eru liðnar. Verður þetta eins konar forleikur að sjálf-
um kabarettsýningunum, en töframaður þessi, sem er
Svíi, kveðst kunna 276 mismunandi töfrabrögð, og eru
mörg þeirra hin furðulegustu. Töframaður þessi hefur
verið nefndur „maðurinn með radarinn", því svo virð-
ist, sem hann sjái í gegn um holt og hæðir.
Þá er og „vasaþjófur“ mjög slunginn, sem stelur af
mönnum öllu steini léttara, án þess að þeir verði við
varir. Eru hér aðeins nefnd tvö atriði af mörgum.
Listafólkið kemur hingað í lok september, en sýn-
ingar hefjast 1. október. Verða þær tvisvar á dag í
hálfan mánuð. Allur ágóði, sem af sýningunum verður,
rennur til dvalarheimilis aldraðra sjómanna.
Sjómannadagsráð hefur nú fengið sex hektara lóð
undir dvalarheimilið á Laugaási, upp frá Lauganesi,
og er í ráði að hefja þar framkvæmdir á næsta vori.
Byggingarsjóður heimilisins er nú orðinn rúmlega 2%
millj. króna, en að sjálfsögðu vantar enn mikið fé til
að standa undir þeim miklu framkvæmdum, sem fyrir-
hugaðar eru.
Ekki þarf að efa, að kabarett sjómannadagsráðs verð-
ur mikið sóttur, bæði vegna þess, hve fjölbreyttur hann
er og vel til hans vandað, og jafnframt sakir málefnis-
ins, sem styrks nýtur af því fé, er inn kemur.
VÍKINGUR
237