Sjómannablaðið Víkingur - 01.10.1973, Blaðsíða 8

Hallgrímur Skaptason
framkvæmdastjóri
VÖR H.F.
NÝ SKIPASMIÐASTÖÐ A AKUREYRI —
SMÍÐAR EIKARSKIP
Þótt stálkip séu að ryðja sér til
rúms í fiskiskipaflotanum, þá
liafa eikarskipin ekki sungið sitt
síðasta vers. Gamlar stöðvar
halda áfram nýsmíði og nýjar
stöðvar hafa risið.
Á Akureyri hafa lengi verið
smíðuð fiskiskip og nú munu vera
5—6 slíkar stöðvar þar. Sú
yngsta þeirra er Vör hf, er stofn-
uð var árið 1971 og hefur þegar
sjósett fyrsta skipið, sem var 26
tonna eikarskip fyrir Grenivík-
inga. Smíði skipsins hófst í febr-
úar 1972 og skipið var sjósett,
fullbúið í september sama ár, en
82 vinnuvikur fóru í smíðina.
Vur hf stolnui)
Sjómannablaðið Víkingur hitti
að máli, í skipasmíðastöðinni,
Hallgrím Skaptason fram-
kvæmdastjóra stöðvarinnar, en
hann er skipasmiður að mennt.
Sagðist honum frá á þessa leið
um stöðina:
Hlutafélagið Vör var stofnað
árið 1971 og voru stofnendur sex
skipasmiðir, sem áður höfðu allir
unnið að skipasmíðum hér á Ak-
ureyri. Hið nýstofnaða hlutafélag
byrjaði strax að reisa skipasmíða-
hús, sem er 15x85 metrar að
stærð og er unnt að smíða tvö 30
tonna skip þar inni. Auk þess er
þar lager og skrifstofubygging.
Fyrsta verkefni okkar var
smíðað í þessu húsi.
aooo rú iiiuiol ra vii)byg£iiig
Þá er núna í smíðum hjá okkur
3000 fermetra verkstæðishús,
sem verður almennt trésmíða
verkstæði og járnsmiðja, sem er
nauðsynlegur liður í vinnsluein-
ingu þeirri, er smíðar og annast
meiriháttar viðgerðir tréskipa.
Það voru Iðnlánasjóður og
bankar, sem fjármögnuðu hús og
vélar að nokkru leyti, en annað
kom frá hluthöfum og þeirra
persónulegu úrræðum.
Næg verkefni hafa fengizt fyr-
ir stöðina og er nú verið að vinna
að þrem 30 tonna eikarbátum
fyrir ýmsa aðila. Einn þessara
báta fer til Flateyrar. Smíða-
kostnaður á 30 lesta fiskibáti er
nú um 20 milljónir króna. Þessir
bátar eiga að afhendast á næsta
ári.
Afkastnnukning 25%
Við gerum okkur það vel ljóst
hér, að höfuð atriði fyrir fram-
tíðina er, að smíði nýrra skipa
gangi fljótt og skipulega fyrir sig.
Vaxtabyrðin er mikil á milljóna-
tugum. Þessvegna verður allt
kapp lagt á að vinnan geti gengið
fljótt og snurðulaust fyrir sig.
Þegar nýja verkstæðisbyggingin
hefur verið tekin í notkun, gerum
við ráð fyrir að smíðatíminn geti
stytzt um 25%, ef ekki verður
annað til að tefja smíðina, einsog
afhending véla, efnis og tækja.
Stálskip höfum við ekki að-
stöðu til að smíða hérna, enda
ekki ætlazt til þess. Eikarbátar
verða smíðaðir um fyrirsjáanlega
framtíð. Stærstu skip, sem við
geíum smíðað hér er um 50 tonn.
Hjá Vör hf. vinna nú ellefu
manns. Þar af sjö skipasmiðir,
einn járnsmiður og svo verka-
menn. Framleiðsluverðmætið á
fyrstu 15 mánuðunum var 33
milljónir króna, og er það mikið,
miðað við að fjárfesting var að-
eins um átta millj ónir króna.
Skipasmíðastöðin er á Glerár-
eyri, rétt við ármynnið, þar sem
heitir Óseyri 16. Þar munu vera
nokkrir stækkunarmöguleikar.
Þarna verður, auk þess unnið að
meiriháttar viðgerðum, en al-
mennar smáviðgerðir er ekki að-
sJaða til að framkvæma.
Formaður félagsstjórnar er
Hallgrímur Skaftason, en hann er
jafnframt framkvæmdatjóri fé-
lagsins.
Hluti af nýju skipasmíðastöðinni.
VlKINGUR
312