Sjómannablaðið Víkingur - 01.10.1991, Síða 43

SKIPSTJORNARMANNA
hvort alþjóöleg skráning gæti
verið lausn á þeirra vanda í
málefnum kaupskipaútgeröar-
innar.
Aö sjálfsögöu var gerö grein
fyrir atvinnumálum íslenskra
farmanna og sagt frá því að í
febrúar s.l. hafi 75,8% far-
manna á skipum Sambands ís-
lenskra kaupskipaeigenda
veriö íslendingar og fækkaö
um 5,7% á s.l. ári (og fækkar
enn). Það var einnig sagt frá
hinni lélegu aðsókn aö námi í 3.
stigi Stýrimannaskólans nú og
á undanförnum árum og hvaöa
afleiðingar þetta hlýtur aö hafa í
framtíðinni.
Þótt hér að framan hafi ein-
göngu verið raktar þær upplýs-
ingar, sem fram komu og tengj-
ast atvinnumálum farmanna-
stéttarinnar, komu fram
margvíslegar aðrar upplýsing-
ar stéttarlegs eðlis svo sem
skipulagsmál. Á því sviöi má
helst nefna aö í Danmörku er
einungis eftir aö fullnægja for-
msatriðum til aö sameining
þriggja félaga skipstjórnar-
manna, þ.e. tveggja félaga
skipstjóra og eins stýrimanna-
félags, komist í höfn. Þessi fé-
lög hafa ákveðið að hefja út-
gáfu sameiginlegs félagsblaðs
um næstu áramót og að félögin
sameinist í eitt félag 1. okt.
1992.
í Noregi er svipaða sögu að
segja þótt málið sé ekki komið
jafnlangt áleiðis og hjá Dönum.
Af okkar hálfu var greint frá
því að Vélstjórafélag íslands
hefði gengið úr Farmanna- og
fiskimannasambandi islands.
í framhaldi af fundi skip-
stjórnarmanna var að venju
haldinn sameiginlegur fundur
skipstjórnarmanna og vél-
stjórnarmanna á Norðurlönd-
um þann 16. ágúst 1991.
Af umræðum á þessum fundi
má helst geta um dagskrárlið-
inn „Samræming á skattaregl-
um norrænna sjómanna." Um-
ræður undir þessum dagskrár-
lið leiddu til þess að samþykkt
var ályktun um þetta efni, sem
birt er með þessum greinarstúf.
Yfirlýsing til ríkisstjórna Norðurianda.
Stjómir Norræna vélstjórasambandsins og Samtaka norrænna
skipstjórnarmanna, en í þeim eru allir yfirmenn á kaupskipum Norð-
urlanda, ræddu skattlagningu farmanna á sameiginlegum fundi á
Akureyri 16. ágúst 1991.
Fundurinn sló því föstu að stjórnir Norðurlanda hefðu frá lokum
sjötta áratugarins verið á sömu skoðun varðandi skattlagningu far-
manna á norrænum kaupskipum.
Fundurinn vill benda á að stór hluti kaupskipaflota heimsins siglir
undir fánum sem heimila undanþágu frá tekjuskatti og sama gildir
um launatengd gjöld til fánalandsins. Þetta hefur að sjálfsögðu áhrif
á samkeppnisstöðuna.
Fundurinn vill vekja athygli ríkisstjórna Norðurlanda á því, að
framkvæmdastjórn EB hefur í tillögu (s.k. poitive measures) um
aðgerðir í siglingamálum lýst sig fylgjandi aðgerðum, sem gera
efnahagsleg skilyrði siglinga í EB-ríkjum jöfn þeim sem gilda í sam-
keppnislöndunum, þar með töldum þægindafánalöndunum. Meðal
þeirra aðgerða sem framkvæmdastjórnin leggur til og getur stutt er
lækkun skatta á skipaútgerðir, skattaundanþága áhafna, styrkur
vegna eða undanþága frá launatengdum gjöldum áhafna og aðrar
stuðningsaðgerðir.
Yfirmenn á norrænum kaupskipum leggja því eindregið til að bæði
tekjuskattskerfi og launatengd gjöld áhafna verði notuð sem tæki til
þess að styrkja samkeppnishæfni norrænna siglinga á heimsmark-
aði. Slíkar aðgerðir mega ekki hafa í för með sér að borgaraleg,
félagsleg eða fjárhagsleg réttindi einstaklinga glatist eða versni.
Fundurinn vill sem dæmi benda sórstaklega á, að komið hefur
verið á nettólaunakerfi fyrir áhafnir skipa, sem skráð eru samkvæmt
alþjóðaskipaskránni í EB-ríkinu Danmörku, svo og kerfi sem hefur
lækkað launatengdan kostnað, án þess að það hafi í för með sér
skert réttindi einstakra áhafnarmeðiima.
Fundurinn vill leggja áherslu á, að þær aðgerðir sem lagðar eru til
komi til framkvæmda hið fyrsta. Samkeppnisstaða norrænna skipa
með norrænum áhöfnum versnar mjög hröðum skrefum vegna að-
gerða annarra þjóða í siglingamálum. Hætt er við að dráttur á
aðgerðum hafi í för með sér að norræn farmannastétt heyri brátt
sögunni til.
Hluti fundarmanna.
VÍKINGUR 43