Sjómannablaðið Víkingur - 01.10.1991, Side 53

„ÉG SKIPTI"
-splallaö í
talstöðina
Enn einu sinni er kominn upp ágreiningur milli
skipstjórnarmanna loönuveiðiskipa sem fylgja
rannsóknaskipunum og fiskifræöinga. Skipstjór-
arnir segja að mikið sé af veiðanlegri loðnu á
hefðbundinni veiðislóð en fiskifræðingarnir segja
mælinguna ekki marktæka. Allt er því enn í óvissu
um hvort og þá hvenær loðnuveiðar verða leyfð-
ar. Þeir sem gerst þekkja til segja mjög erfitt fyrir
Hafrannsóknastofnun að viðurkenna svona einn
tveir og þrír, að nóg sé af loðnu eftir átökin og
deilurnar sem urðu um þetta mál í fyrra. Þeir muni
því seint og treglega mæla með því að leyft verði
að veiða tiltölulega lítið magn.
Miklar umræður eru komnar af stað um að setja
reglugerð um að allur fiskur af íslandsmiðum
skuli seldur á mörkuðum hér heima. Nokkrir al-
þingismenn Alþýðuflokksins hyggjast taka málið
upp á Alþingi. Þar fara fyrir þeir Karl Steinar
Guðnason, formaður Verkalýðs - og sjómannafé-
lags Keflavíkur og Össur Skarphéðinsson, for-
maður þingflokks Alþýðuflokksins. Gegn þeim
stendur hinsvegar formaður flokksins og utanrík-
isráðherra Jón Baldvin Hannibalsson.
Jón Baldvin hefur látið hafa eftir sér opinberlega
að ekki komi til greina að ákveöa að selja allan
fisk hér heima fyrr en séð verður hver lendingin
verður í viðræðum EFTA og EB um evrópst efna-
hagssvæði. Karl Steinar stendur hinsvegar sem
formaður verkalýðsfélags frammi fyrir vaxandi at-
vinnuleysi fiskvinnslufólks á Suðurnesjum. Búist
er við að um málið verði harðar deilur innan Al-
þýðuflokksins á næstunni.
Varðandi sölu á ísfiski í gámum til Englands og
Þýskalands í sumar og haust, á sama tíma sem
engan fisk hefur verið að fá á fiskmörkuðum hér
heima hafa sprottið upp ásakanir á hendur ýms-
um útgerðarmönnum að þeir séu skuldbundnir
fiskkaupendum erlendis sem hafi veitt þeim pen-
ingalán eða aðrafyrirgreiðslu. Þessi ásökun er
ekki ný en í fyrsta sinn hafa útgerðarmenn nú
viðurkennt að hafa fengið smávægilega fyrir-
greiðslu ytra. Þeir segjast þó ekkert vera skuld-
bundnirfiskkaupendum þar. Þráttfyrirþessajátn-
ingu hefur engin rannsókn enn farið fram í þessu
máli.
Það vekur æ meiri furðu að Þorsteinn Pálsson
sjávarútvegsráðherra skuli ekki fá sér aðstoðar-
mann með staðgóða þekkingu á sjávarútvegs-
málum. Það hefur nefnilega komið í Ijós í viðtölum
sem fjölmiðlar hafa átt við Þorstein um sjávar-
útvegsmál að þekking hans á þvi sviði er afar lítil
og ristir grunnt. Nú er sagður steðja meiri vandi
að útgerð og fiskvinnslu en nokkru sinni fyrr og
því veiti Þorsteini ekki af góðum aðstoðarmanni.
Það hefur líka komið fram að Þorsteinn Pálsson
fetar algerlega í fótspor Halldórs Ásgrímssonar
hvað varðar fiskveiðistefnuna. Gárungar segja
að það sé vegna þess að Halldór hafi verið búinn
að sanka að sér algerum já-mönnum í sjávarút-
vegsráðuneytið. Þeir kunna ekkert annað en það
sem Halldór vildi og nú verður Þorsteinn að fara í
einu og öllu eftir þeirra ráðum þar sem þekking
hans sjálfs á sjávarútvegsmálum sé svo takmörk-
uð.
Það vekur athygli að í kaflanum í hvítu bók ríkis-
stjórnarinnar, sem út kom á dögunum, er hvergi
staf að finna um að tekið skuli upp veiðileyfagjald
eða opinber sala á kvóta. Þarna er um mikið
deilumál að ræða innan Sjálfstæðisflokksins.
Þorsteinn Pálsson sjávarútvegsráðherra stendur
í forystu þess arms sem vill ekki taka um veiði-
leyfagjald og svo virðist sem hann hafi haft sitt
fram innan ríkisstjórnarinnar. Veiðileyfagjald er
eitt af óskabörnum Jóns Baldvins og Alþýðu-
flokksmanna sem og arms Davíðs Oddssonar í
Sjálfstæðisflokknum.
Einn af toppunum í Sjálfstæðisflokknum sagði
vini sínum i trúnaði á dögunum að sjávarútvegs-
málin klyfu nú Sjálfstæðisflokkinn alveg í tvær
fylkingar. Hann sagði að svo harðar væru þessar
deilur orðnar að venjulegt flokksstarf bæri skaða
af. Hann sagði líka að ekki væri í sjónmáli nokkur
möguleiki á að samræma sjónarmið armanna
innan flokksins og sagðist hann kvíða framtíðinni.
Það vakti athygli á hátíðarfundi í tilefni 100 ára
afmælis Stýrimannaskóla íslands á dögunum að
skólastjóri Vélskólans lýsti því yfir í ræðu að
skólastjórar þessara tveggja skóla hefðu ákveðið
að taka upp mun nánara samstarf en verið hefði
til þessa. Þetta kom svona eins og þvert á stefnu
Vélstjórafélags íslands sem á dögunum sagði sig
úr Farmanna- og fiskimannasambandinu og sleit
þar með öllu félagslegu samstarfi við félaga sína
á sjónum.
Ekkert hefur enn bólað á stofnun Vélstjórasam-
bands íslands. Ástæðan er sögð sú að nokkur
vélstjórafélög eru í öðrum félagasamtökum; ASÍ,
ASV og FFSÍ og þau munu ekkert vera hrifin af
því aö segja sig úr þessum samtökum og stökkva
út í óvissuna með Vélstjórafélagi Islands.
Gámur
skrifar
VÍKINGUR 53