Sjómannablaðið Víkingur - 01.12.1995, Blaðsíða 25

Þegar útsendari Sjómannablaðsins Víkings var á Höfn
í Hornafirði lá leiðin meðal annars í einn beitningasknranna. Þar var
Magnús Einarsson að stokka npp
línu, línu sem var nú búið að tjörubera
Úr verbúð við höfnina á Hornafirði
barst torkennileg lykt út á götu. Þar inni
var Magnús Einarsson að stokka upp
línu í makindum. Lyktin átti sér þá
skýringu að Magnús var nýbúinn að
tjörubera línuna. Hann er með tuttugu
bala undirslegna fyrir sautján tonna bát.
„Það handbeita fáir, því flestir bátar
eru komnir með beitningavél. Þetta er
bara aukavinnan mín með skólanum,"
segir Magnús, en hann er í vélaverðinum
í Fjölbrautaskólanum.
„Það þarf orðið próf á allt sem flýtur
og engin undankoma."
ALGENGT AÐ EIGINKONURNAR
SJÁI UM AÐ STOKKA UPP
Magnús segist vera í aðgerð á kvöldin á
fiskmarkaðnum og stokka upp línur
fyrir þá sem þurfa. I brælum er námið
stundað af kappi.
„Annars er orðið algengt að
eiginkonurnar sjái um að stoltka upp
línuna fyrir mennina meðan þeir eru á
sjónum.“
Jóhanna Á.H. Jóhannsdóttir
Magnús Einarsson var nýbúinn að tjarga línuna og var að stokka upp sautján
bala.
25