Sjómannablaðið Víkingur - 01.09.2000, Síða 8

Við skolaslitin. Fremstir sitja 3. stigs skipstjórnarnemar. Frá vinstri: Bjarki Guðnason, Benedikt Már Jóhannsson, Heiðar Páll Halldórsson,
Guðlaugur Ólafsson, Einar Skaftason, Magnús Örn Einarsson, Stefán Pétursson og Sveinþór Eiríksson.
Skólaslit Stýrimannaskólans ■ Reykjavík
Stýrimannaskólanum í Reykjavík var slitiö í 109. skipti þann
19. maí síðast liðinn. Á skólaárinu voru gefin út 59 próf-
skírteini til 53 einstaklinga, en sex nemendur sem luku skip-
stjórnarprófi 1. stigs luku sem undanfara 30 rúmlesta prófi á
haustönn. Útgáfa skipstjórnarprófa skiptist þannig að 28 luku
30 rúmlesta réttindum, sjö luku skipstjórnarprófi 1. stigs réttin-
dum, 15 luku skipstjórnarprófi 2. stigs og níu luku skip-
stjórnarprófi 3. stigs - farmannaprófi. Nær allir sem luku 2.
stigi luku prófunum á upptökuprófum í september og sátu í
skólanum síðast liðið skólaár. Breyting á námskipan skip-
stjórnarnámsins stendur nú yfir og er fjöldi nemenda í skip-
stjórnarnámi nú í sögulegu lágmarki.
Breytt í áfanganám
Nýskipan skipstjórnarnámsins hófst við Stýrimannaskólann
haustið 1998.
Náminu var breytt úr blönduðu áfanga- og bekkjarnámi í áfan-
ganán og lengist um eitt og hálft skólaár samkvæmt drögum að
námsskrá sem hefur nýlega verið send til
menntamálaráðuneytisins. Námið hefst í sjávarútvegsbraut, sem er
samtals 68 einingar. Almennar námsgreinar brautarinnar eða 46 er
unnt að taka í öllum framhaldsskólum landsins. Sérgreinar
brautarinnar, þar á meðal 30 rúmlesta réttindanámið, 168 kennslus-
tundir, eru samtals 22 einingar og eru undanfarar skipstjórnarnám-
sins á efri stigum. Inntökuskilyrði í Stýrimannaskólann er
grunnskólapróf eins og í aðra skóla á framhaldsskólastigi og er ekki
krafist siglingatíma eins og áður var. Atvinnuréttindi fást þó ekki fyrr
en lagður er fram lögskráður siglingatími, fullgilt heilbrigðisvottorð
og viðkomandi verður að standast kröfur um sjón og heyrn skip-
stjórnarmanna, sérstaklega þó kröfur um óskert litskyggni.
Nefnd sem hefur unnið að tillögum á grundvelli þeirrar
nýskipunar námsins, sem menntamálaráðuneytið ákvað í mars
1997 hefur nýlega skilað af sér skýrslu til menntamálaráðuneytisins
um brautar- og áfangalýsingar fagnámsins. Þar er lagt til að skip-
stjórnarnámið verði að lokinni sjávarútvegsbraut 106 einingar og
unnt verði að Ijúka því á fimm önnum.
Viðurkenningar og verðlaun
Farmannadeildin- skipstjórnarnám 3. stigs var rekin samkvæmt
eldra námsfyrirkomulagi og er þar reiknuð meðaleinkunn nemenda.
Hæstu einkunnir fengu Magnús Örn Einarsson Eyrarbakka 8,81 1.
einkunn, Bjarki Guðnason Vestmannaeyjum 8,47 1. einkunn og
Einar Skaftason Selfossi 8,08 1. einkunn.
Við skólaslitin voru veitt hefðbundin verðlaun og hlaut Magnús
Örn farandverðlaun Eimskipafélagsins, Farmannabikarinn. Magnús
fékk einnig hin glæsilegu verðlaun fyrir hæstu einkunn i siglin-
gafræði í gegnum öll námsstig Stýrimannaskólans, áletrað arm-
bandsúr af bestu gerð. Verðlaunin eru úr Verðlaunasjóði Guðmundar
8 - Sjómannablaðið Víkingur