Sjómannablaðið Víkingur - 01.09.2000, Page 19

fundir. En eins og mönnum er kunnugt er þó nokkuð af ís-
lendingum í Namibíu og hittum við þá Víði Sigurðsson sem
tekinn er við sjómannafræðslunni í Nambíu og Ásmund og Ei-
rík hjá Hampiðjunni. Höfðum við mjög gaman af því að hitta
þá og voru þeir hjá okkur nánast fram undir það að við fórum.
Einnig fór Eiríkur með Christopher uppá netaverkstæði og
gáfu hann og Ásmundur honum upplýsingar um hvernig
menn eru að útbúa trollin í Namibíu. Alveg frá því við komum
og fram undir það að við fórum stóðu á bryggjunni menn sem
vildu fá vinnu. Erfiðlega gekk að koma sumum í skilning um
að enga vinnu væri að fá og trúðu þeir hreinlega ekki að ekk-
ert væri að gera. Kl. 19.30 um kvöldið fórum við frá W B og
síðsti áfanginn beið okkar en okkur fannst hann stuttur eða
aðeins rúmar 650 sml. Þegar sunnar dró fór kvikan að aukast
og síðasta sólarhringinn var mikill veltingur enda SV 6-7 og
ölduhæð uppá 4-6 metra. Það mun vera mjög algengt á þess-
um slóðum og sunnan við Góðravonarhöfða, sem þeir kalla
Storm factory, að ölduhæð sé dögum saman mjög mikil.
Á leiðarenda
Við komum síðan á ytri höfnina í Cape Town um kl. 15
sunnudaginn 16. júlí og þurftum við að bíða fyrir utan höfnina
í eina klukkustund því mikð var að gera hjá lóðsunum. Lóðs-
inn kom um borð í hafnarmynninu því hreyfingin var það mikil
að þeir vildu ekki koma um borð utan við höfnina. Upp að
bryggju vorum við komnir kl. 16.30 og fylltist skipið af fólki, eig-
endunum og fjölskyldum þeirra.
Fegnir vorum við að hafa lokið þessu verkefni og hafa loks
fast land undir fótum. Við stoppuðum síðan í Cape Town fram
á föstudag þann 21. júlí og á þeim tíma vorum við keyrðir út
og suður af eigendum skipsins þ.á.m út á Cape Þoint og
einnig fórum við uppá Borðfjallið (Table mountain) sem er ein-
kennistákn borgarinnar og var það magnað að koma á þessa
staði. Leið þessi vika eiginlega alltof fljótt því það var margt að
sjá og skoða . Á þessum ferðum okkar sáum við ótrúlegt ríki-
dæmi enda S-Afríka mjög auðug, af nánast öllu. Þeir stjórna
demantaverðinu í heiminum, af gulli eiga þeir nóg, olíu, auðug
fiskimið og svo framvegis. Einnig sáum við bárujárnskofahverfi
þar sem mjög fátækt fólk býr. Sögðu þeir okkur reyndar að
það væru ekki verstu hverfin heldur gömlu svertingjahverfin.
Ekki er hægt að skilja við S-Afríku án þess að minnast á
verðlagið en það er hreint með ólíkindum miðað við íslenskan
mælikvarða. Nægir að segja frá því að síðasta kvöldið buðum
við íslendingarnir eigendunum og og áhöfninni út að borða og
voru þetta samtals 15 manns. Snæddur var góður matur með
forrétt og eftirrétt og drykkjum, bjór, rauðvíni og hvítvíni, kaffi
og koníak eins og hver gat í sig látið. Hljóðaði reikningurinn
uppá tæpar 13.000 kr íslenskar fyrir stórveislu sem stóð frá kl.
20 til miðnættis. Á föstudeginum var okkur boðið í hádegismat
og síðan ekið út á flugvöll og kvöddum við þetta fólk, bæði þá
sem sigldu með okkur og eigendur skipsins með söknuði og
eigum örugglega eftir að fara aftur til S Afriku sem ferðamenn
og heimsækja þá.
Við komum síðan tii London á laugurdagsmorgni kl 0900
eftir 12,5 klst f|ug frá Cape Town. Helginni eyddum við svo í
London með eiginkonum okkar en þær komu út á föstudegin-
um. Til íslands komum við síðan á mánudeginum þann 24 júlí.
Ég held ég geti sagt það með sanni að enginn okkar hefði vilj-
að sleppa þessari lífsreynslu og á þessi ferð eftir að verða of-
arlega í huga okkar og þá ekki síst fyrir þær sakir að hafa
kynnast því fólki sem við kynntumst í ferðinn. Sérstaklega
þeim sem sigldu með okkur en það reyndust vera úrvalsmenn
í alla staði og eftir mánaðarkynni komumst við að því, að það
er ekki mikill munur á því hvað fólk er að hugsa um og hvaða
væntingar það gerir til lífsins, burtséð frá litarhætti og búsetu. ■
Lagt af stað heim á leið. Frá vinstri: Eiríkur, Chris, Júlli, Frímann, Cunter,
Georg og Georg.
ITUR dælur til
sjós og lands
» SOLU- QG MARKAÐSDEILD
■ VARAHLUTAÞJÓNUSTA
♦ GÁMAVIÐGERÐIR OG SMIÐJA
-KORNGÖRÐUM6
PUMPS
ITUR
□ uruservice
Denso olíuverk, FLEX-HONE slípibúnaður, Geislinger
tengi, Loftpressur, Lucas CAV þjónusta, Plasttappar,
Skipsgluggar, Stanadyne olíuverk.Tempress þrýsti- og
hitamælar, og TURBO UK varahlutir.
FRAMTAK

VSJtíSSS VÉLA- OG SKIPAÞJÓNUSTA
Drangahrauni l-lb Hafnar f j örður
Sími: 565 2556 • Fax: 565 2956
Netfang: info@franitak.is
Heimasíða: http://www.framtak.is
Sjómannablaðið Víkingur - 19