Sjómannablaðið Víkingur - 01.12.2002, Qupperneq 6

Sr. Bjarni Karlsson sóknarprestur í Laugarneskirkju
Nálgast nú ekki öðruvísi jól? Eru þetta ekki jólin þegar við hættum að standa
okkur vel? Jólin þegar við leggjum frá okkur kvaðirnar og sektarkenndina
en heilsum innihaldinu. Jólin eru tengslahátíð. F>au flytja fréttina um tengsl þín
við himin Guðs og staðhæfa að víst er hægt að elska í þessum heimi. Jólin tala
það mál sem er hjartanum skyldast. Angan þeirra er ilmur hvítvoðungsins.
Sr. Bjarni Karlsson
Barn fæðist.
Við breytum um göngulag og förum
hljótt um húsið.
Ekkert er máttugra en nakið barn með nýklipptan naflastreng.
Þó ekkert eins ósjálfbjarga í þessum heimi.
Styrkur reifabarnsins er sá, hve
áleitið það er í allsleysi sínu.
Trúin á barnið er fæðing, undur.
Hún er meiri en reynslan þín,
stendur dýpra í þér en rökvísi þín
og allir vitsmunir.
Grátur barnsins í jötunni er bæn
Guðs um sátt.
Hann er hönd Guðs sem snertir
og velur þig til sátta
við himin og jörð.
6 - Sjómannablaðið Víkingur