Sjómannablaðið Víkingur - 01.02.2003, Qupperneq 30

Við ákváðum því að siga og reyna
björgun. Við vorum allir sammála. Þyrlan
er afar vel búin tækjum og tólum til
björgunar við erfiðar aðstæður. Nætur-
sjónauki er i þyrlunni og í mínum huga
er enginn vafi að hann réði úrslitum. Við
hefðum ekki getað bjargað manninum án
nætursjónauka.
Við reyndum að finna bestu leiðina til
að síga, fórum með þyrluna eins neðar-
lega að skipinu og við þorðum. Flug-
stjóri gaf skipun um að síga niður. Við
vorum tveir sigmenn um borð en það
kom í minn hlut að fara.“
Eyþór Garðarsson
„Ég seig niður til mannsins. Hann heit-
ir Eyþór Garðarsson. Ég greip til hans
og reyndi að ná tökum á honum til að
festa hann við mig svo hægt væri að hífa
okkur upp.
Það var erfitt að ná taki á og festa Ey-
þór við björgunarbeltið. Vírinn snerist
svo ég átti í nokkrum vandræðum með
hann. Ég missti af Eyþóri í fyrstu en
tókst svo að festa hann við beltið mitt.
Við vorum svo hífðir upp. Við vorum
ekki hífðir um borð, heldur upp frá bátn-
um. Síðan var farið rólega upp á bergið
þar sem islenskir björgunarmenn tóku á
móti okkur. Þar tóku þeir við Eyþóri.
Hann var ótrúlega vel á sig kominn.
Hann sagði okkur að hann hefði einn
verið eftir.
Við fórum aftur yfir bátsflakið. Við
vildum leita af okkur allan grun. En þar
var enginn eftir. Hinir höfðu allir farist.
Eyþór var eini maðurinn sem tókst að
bjarga. Björgunarmenn í landi fóru svo
með hann á Heilsugæslustöðina í Ólafs-
vík.
Eyþór var ótrúlega duglegur að hafa
þetta af. Svo frétti ég síðar að hann gekk
meira að segja heila tvo kílómetra áður
en hann komst í björgunarbíl sem ók
með hann til Ólafsvíkur. Svona menn eru
hetjur!“
Tíminn stóð í stað
„Ég gerði mér aldrei grein fyrir hvað
tímanum leið. Hann hreinlega stóð í
stað! Það er líka svo fjarri að hugsa um
slíkt. Ég frétti síðar að ég hafði verið
niðri i bátnum í fimm, kannski 10 mín-
útur.
En þetta var vissulega erfið björgun,
erfitt að athafna sig vegna veðurhæðar.
Reyndar hafði veður lægt nokkuð þegar
við vorum yfir flaki bátsins en það var
samt slæmt veður.“
50-60 varnarliðsmenn tóku
þátt í björguninni
„Það komu margir íslendingar og
margir varnarliðsmenn að björguninni.
Auðvitað þekki ég fyrst og fremst til
varnarliðsins. Við vorum fimm um borð í
þyrlunni. Auk okkar tók um 50-60
manna hópur varnarliðsmanna þátt í
björguninni með einum eða öðrum
hætti.
Að koma flugvélinni út úr skýli og
gera hana ílughæfa á svo skömmum tima
er vinna annarra félaga okkar í varnarlið-
inu. Það er fjöldi þátta við svona björgun
sem aðrir vinna, vinna sem er mikilvæg
og sérhæfð. Svo má ekki gleyma því að
það er áhöfnin öll sem stendur sem ein
heild í svona aðgerðum.“
Of mikið gert úr mínum þætti
„Það er erfitt fyrir flugmenn að halda
þyrlu nákvæmlega á réttum stað svo
hægt sé að síga niður. Þyrlan má ekki
hreyfast mikið á meðan.
Það eru einungis snjöllustu og bestu
flugmennirnir sem hafa náð slíku valdi
yfir þyrlum sínum. Javier Casanova flug-
stjóri er mjög fær í sínu fagi.
Mér finnst gert of mikið úr mínum
þætti við björgun Eyþórs. Það má ekki
gleymast hvað hann sjálfur stóð sig frá-
bærlega. Hann skorðaði sig fastan uppi á
stýrishúsi bátsins, hélt sér þar dauða-
haldi á meðan sjórinn gekk yfir hann. Og
þetta var ekki neinn venjulegur sjór.
í svona brimi er hrikalegur kraftur í
sjónum og ég skil ekki enn þann dugn-
að, þann mikla kraft sem Eyþór átti eftir
til að bjarga lífi sínu. Það er ótrúlegt að
hugsa til þess.
Gleymum því ekki að hann var búinn
að halda sér þarna 1 eina þrjá tíma. Það
er gríðarleg þrekraun, það er erfitt að
trúa þessu ef grannt er skoðað. Hann
vann afrek, ekki bara ég eða við á þyrl-
unni!“
Tvær þyrlur
„Það voru tvær eins þyrlur sem fóru í
loftið þetta kvöld frá okkur. Við vorum
það lið sem var fyrr tilbúið til að fara svo
að við vorum sendir af stað á undan
hinu.
Hin þyrlan var síðan send af stað rétt á
eftir okkur enda var veðrið mjög slæmt
en slíkt er yfirleitt gert, tvær þyrlur eru
nær alltaf sendar saman þegar svona
stendur á. Það eru margar ástæður fyrir
því. En auðvitað er það öryggið sem haft
er í fyrirrúmi.
Það eru margir aðrir sem gera það
sama og ég. Þeir sem vinna við björgun-
arstörf á þyrlunum eru á margan hátt lík-
ir menn, líkir í sér ef má orða það svo.
Þetta eru yfirleitt duglegir og harðgerð-
ir menn sem taka því sem að höndum
ber. Við erum svona svipaðar manngerð-
ir! Ef einhver þeirra hinna hefði verið
þarna þá hefðu þeir gert það sama og við
gerðum í þyrlunni okkar. Það er tilvilj-
un að ég er sá sigmaður sem sendur var
niður.
Áður en við lögðum af stað vissum
við ekki nákvæmlega hvernig aðstæður
voru. Upplýsingarnar fara í gegnum svo
marga áður en þær ná til okkar svo við
erum ekki með mjög nákvæmar upplýs-
ingar.
Innan áhafnar erum við allir með mis-
munandi störf. Við vorum tveir um borð
sem gerum það sama og ég eins og ég hef
áður sagt. Það voru einnig tveir sigmenn
í hinni þyrlunni. í stóru íslensku þyrl-
unni eru tveir sigmenn, eins
og hjá okkur.
Flugstjórinn er yfirmaður
í flugvélinni. En samt sem
áður geta allir um borð neit-
að að gera eitthvað, t.d. í
mjög hættulegri björgun. Það
þurfa allir að vera sammála
um framkvæmd aðgerðar.
Okkur tókst að bjarga Ey-
þóri Garðarssyni. Mér þykir
óskaplega gott að eiga minn
þátt í þeirri björgun. En það
var hörmulegt að geta ekki
bjargað hinum þremur. Þar
fórust vaskir íslenskir sjó-
menn og fjölskyldur þeirra
eiga um sárt að binda. Það er
hörmulegt."
Ryc fríi r
stálbarkar
Barkasuða Guðmundar ehf.
Vesturvör 27 • 200 Kópavogur
Sími: 564 3338 • Fax: 554 4220
GSM: 896 4964 • 898 2773
Kt. 621297 2529
fyrir
Hitaveitur • Pústkerfi • Vatnslagnir
Olíulagnir • Frystikerfi * Loftlagnir
Viðgerðir og smfði á þenslumúffum
30 - Sjómannablaðið Víkingur