Náttúrufræðingurinn - 1961, Blaðsíða 51

NÁTTÚRUFRÆÐINGURINN
141
fræðimenntun í lanclinu, væntanlega í nánum tengslum og sam-
vinnu við Háskóla íslands. Þessi mál þola ekki langa bið, því al-
menn náttúrufræðimenntun landsmanna er nú að verða með meiri
endemum en orðum taki og verður brátt af þessu hreinn þjóðar-
háski, ef ekki verður úr bætt, en ekki verður fjölyrt um það hér.
Lagafrumvarpið miðar eingöngu að því að gera Náttúrugripasafn-
inu fært að sinna sínu aðalhlutverki, sem áður var að vikið, næsta
áratuginn eða svo, tryggja stofnuninni eðlilegan vöxt og viðgang.
Engin ákvæði eru um tölu sérfræðinga, enda erfitt að segja þörfina
fyrir, liver verða muni í náinni framtíð. Fullyrða má þó, að til þess
að stofnunin geti talizt nokkurnveginn starfhæf, þurfi að vera þar
starfandi a. m. k. 3 sérfræðingar innan hverrar deildar, auk sérhæfra
aðstoðarmanna, — raunar þyrfti lágmarkstala sérfræðinga í land-
fræði- og jarðfræðideild að vera 4, ef deildin á ekki að kafna undir
sínu tvöfalda nafni —. Hér er ekki um að ræða framtíðarplan hlið-
stætt þeim, sem frarn koma í tillögum urn rannsóknarstofnun í raun-
vísindum við háskólann, heldur um brýna þörf nánustu framtíðar.
T. d. er jaiðfræðideildin lítt starfhæf meðan enn vinnur þar eng-
inn sérfræðingur í berg- og steinafræði, og grasa- og dýrafræðideildir
geta vart talist starfshæfar án sérfræðinga í lægri jurtum og dýrum.
Um laun sérfræðinga er aðeins sagt að þau skuli ákveðin í launa-
lögum. Ég vil í því sambandi aðeins undirstrika það, sem sagt er í
greinargerð um 11. gr. lagafrumvarpsins, að það er ekki aðeins
réttlætiskrafa heldur einnig algjör nauðsyn, ef tryggja á stofnun-
inni færa menn í framtíðinni, að kjör starfsliðs hennar verði lilið-
stæð við það, sem aðrar rannsóknarstofnanir bjóða. Nánasta hlið-
stæðan er Atvinnudeild Háskólans, og því eðlilegast, að kjör deildar-
stjóra og annarra sérfræðinga Náttúrufræðistofnunarinnar verði
hliðstæð við kjörin á Atvinnudeildinni. Menntun sérfræðinga þess-
ara stofnana er hliðstæð, svo og störf þeirra og hlutverk í þjóðfélag-
inu.