Náttúrufræðingurinn - 1980, Blaðsíða 53

>z
vegur og gróður var á milli steinanna.
Alls var safnað 421 saursýni í 13
söfnunarferðum (Tafla I). Saursýni
voru frá fyrstu 10 mánuðum ársins
1978, en vegna snjóalaga reyndist ekki
unnt að safna saur eftir 30. október.
Saur fannst aðallega á efri hluta
svæðisins, í nánd við greni 4(1. mynd),
alls um 40% greindra saursýna. Saur
fannst á þessum slóðum allan athug-
anatímann og bendir það til þess að
minkur hafi haft þar nokkuð stöðuga
búsetu. Einnig fannst saur mestallan
athuganatímann í nánd við greni 1, alls
um 12% greindra saursýna. Önnur
saursýni (um 48%) fundust nokkuð
jafndreifð um svæðið milli grenja 1 og 4.
Algengast var að finna saur á bakk-
anum og smátöngum er skaga út í
vatnið. Einnig var saur við holur sem
lágu niður undir holbakka. Minkur
getur ferðast langar leiðir undir hol-
bökkum og ísskörum, en oft myndast
holrúm milli íss og vatnsborðs með
löndum er vatnsrennsli minkar í kulda-
tíð.
Minkur hvarf af svæðinu milli grenja
1 og 4 í júlí—ágúst og saur fannst þá
einungis efst og neðst á svæðinu. I Iok
júní fundust 2 greni um miðbik svæðis-
ins (greni 2 og 3), þar sem dýr héldu sig
þá. Mánuði siðar voru grenin yfirgefin
og engin ummerki um að minkar hefðu
komið þar síðasta mánuð. Mikil umferð
stangveiðimanna í nánd við grenin
hefur sennilega truflað minkana og þeir
flutt sig eða verið drepnir. Af þessum
sökum gætir e. t. v. einstaklingsbundins
fæðuvals meira í júlí og ágúst heldur en
1. mynd. Loftmynd af athuganasvæðinu
við Sog í Ámessýslu. — Aerial view of the study
area at River Sog, South Iceland.
47