Náttúrufræðingurinn - 1935, Blaðsíða 32

76 NÁTTÚRUFRÆÐINGURINN
............................................................ n 111 ii 111111111 ii 1111 ii 11>
varð og vax-t við lítið eitt af smokkfiskum, burstormum, smáum
krabbadýrum, skeldýi'aleifar o. fl.
Af fjölda og stærð kvarna úr ýmsum hinna ofantöldu fiska-
tegunda, sem Havinga hefir fundið í maga selanna, hefir hann
getað gert áætlun um, hve margt og hve mikið selurinn etur að
jafnaði af hverri einni þessara tegunda, eða hve mikils vii'ði hver
tegund er sem fæða fyrir selinn. Hefir það sýnt sig, að kolinn er
aðalfæða hans, og fremstur meðal þeirra flundran, sem er 30 %
(og þó víst allt of lágt reiknað) af allri fæðunni; næst kemur lýs-
an með 17, síldin með 15 og marhnútur með 16 %. En sé aðeins
um fullorðinn sel að ræða, þá kveður enn þá meira að flundrunni;
hún er jafnvel 64 %. Yfirleitt lifir landselurinn mest á botnfisk-
um, enda þótt hann taki líka töluvert af uppsjávarfiskum, eins og
síld, en að lax og silungur hefir ekki fundizt á matarseðli hans er
ekki vegna þess, að hann sé í neinu laxátsbindindi, heldur af því,
að fátt er um þesskonar fisk í hollenzkum fljótum, og selir úr
þeim, sem lax er enn lítilsháttar í (það er sunnan til í landinu),
voru alls ekki rannsakaðir í þessu tilliti. Samkvæmt rannsóknum
Havinga er dagskamtur selsins 3—7^/j, kg, eftir stærð hans, að
meðaltali 5 kg (en í dýragörðum er talið svo, að 100 kg selur eti
5—7 kg af fiski). Aðallega tekur hann fæðu sína á daginn. Fyrstu
6 vikur æfi sinnar nærist hann eingöngu á móðurmjólkinni og
næstu 6 vikurnar nærri einvörðungu á hrossarækju, en úr því
fer hann meir og meir að eta fisk.
Eins og kunnugt er, er landselurinn bæði hér og annarsstaðar
mikill vargur í fiskahjörðinni, og þá líka við Holland. Havinga
gerir ráð fyrir, að hver landselur, sem við Holland á heima, eti
1800 kg af fiski um árið, en allur selurinn, sem gert er ráð fyrir
að sé 4000, ætti þá að fara með 7 millj. kg. Gengur það einkum
út yfir kolann, því þó að ekki væri nema helmingurinn af þessum
fiski koli, þá yrðu það 120—140 millj. kola, að mestu undir 18 em
lengd. Það er há tala!
Árlega veiðast 800—1500, að meðaltali 1100 selir við Hol-
land, en lítils virði verður sú veiði á móts við skattinn, sem selur-
inn leggur á fiskstóðið, þegar þar við bætist fé það, sem lagt ei"
selnum til höfuðs. En tölur, sem sýni hve miklu þessi skattur nemi
í peningum, eru eigi tilgreindar, en sjálfsagt er hann ekkert smá-
ræði. B. Sæm.