Náttúrufræðingurinn - 1935, Blaðsíða 27

NÁTTÚRUFRÆÐINGURINN 71
<miiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiui
sem festast í honum. Enda er það engin smáræðis skepna, hann
getur vegið allt að því tíu kíló og nálgast tvo metra á lengd.
Afríku-lungnafiskur (Protopterus)
Lungnafiskur þessi gefur frá sér alleinkennilegt hljóð, líkt
og snögga stunu. Þetta verður þegar hann kemur upp á yfirborðið
til þess að tæma lungað lofti — hann hefir aðeins eitt lunga —
og fylla það á ný“.
Þriðja tegundin af lungnafiskum á heima í Afríku. Á síðustu
árum hafa fiskifræðingar reyndar viljað aðgreina lungnafiskana
í Afríku (Protopterus annectens) í tvær tegundir, en þær eru þá,
ef þær eru tvær, að minnsta kosti náskyldar. Afríku-lungnafiskur-
inn á heima í ánum Senegal og Hvítu Níl til norðurs, að Kongo
og Sambesí-á til suðurs, og er víða mjög algengur. í lifnaðarhátt-
um er hann mjög líkur Ástralíu-lungnafiskunum, en heldur fjör-
ugri, og alls ekkert lamb að leika sér við fyrir þá, sem þurfa að
hafast við í sama heimkynni og hann. Hann er nefnilega rándýr
og etur allt, sem tönn á festir, hvort heldur það er kjötbiti, sem
til hans er kastað, eða aðrir fiskar, ef til vill miklu stærri, sem
verða honum að bráð. Á þurkatímum liggur hann í dvala eins og
Suður-Ameríku-lungnafiskurinn.
Lungnafiskarnir eru yfirleitt taldir góður matur, einkum sá,
sem er í Ástralíu. Hann er rauður á fiskinn og er oft nefndur
Bernett-lax. Bæði svertingjum og hvítum mönnum þykir hann
mesti herramannsmatur.