Náttúrufræðingurinn - 1941, Side 17

N ÁTTÚRUFRÆÐIN GURINN
111
för okkar 'hjóna þar og sýndu okkur þá gestrisni og vinsemd,
sem okkur verður ógleymanleg.
ÖGUR.
Fyrsti dvalarstaður minn við Djúpið var í Ögri, hinu forna
höfuðbóli. Stendur það við botninn á alldjúpri vík, sem skerst
inn í tangann milli Skötufjarðar og Mjóafjarðar. Beggja vegna
víkurinnar eru hrjóstrugir tangar, Ögurnes að vestan, en að
austan Ögurhólmar. í Ögurnesi er nokkur byggð og stunda íbú-
arnir sjómennsku, en hafa enga grasnyt. Fyrir botni víkurinnar
er bærinn í Ögri umkringdur miklu túni og fögru, en í kring er
hvarvetna hrjóstrugt og gróðurlítið. Neðanvert í túninu eru
þrjú gömul sjávarmál hvert upp af öðru. Sýna þau skýrt að land
hefir hér risið úr sjó. Sams konar sjávarmál athugaði ég síðar í
Vatnsfirði og víðar við Djúpið, en miklu eru þau greinilegri
sunnan þess en norðan. Inn frá Ögurvíkinni gengur grunnur
dalur, sem hækkar skammt innan við bæinn, og fellur á úr
honum í fossum niður brekkurnar. Beggja megin dalsins eru
lágir hálsar (400—500 m.) með skriðurunnum hlíðum og kletta-
beltum hið efra. Berglögum hallar hér til suðurs. Uppi eru háls-
ar þessir gróðurlitlir eða gróðursnauðir með öllu nema einstaka
snjódældir, sem vaxnar eru grasvíði og mosalyngi. Klappir allar
eru jökulfægðar, og er rákastefnan að mestu samhliða dalnum.
Inni í dalnum eru tvö smávötn.
Austan við Ögurháls er Laugardalur. Hann er bæði miklu
dýpri og lengri en Ögurdalur, enda er allmikil byggð í honum.
Hlíðar hans eru allmikið grónar, en klettabelti þó víða hið efra.
Tvö vötn eru í honum og eftir honum rennur á, sem í er nokk-
ur silungsveiði. Víða er frítt um að litast í dalnum. Þar eru tvær
laugaþyrpingar. Aðrar eru heima við bæinn á Laugabóli, um
40° heitar, en hinar framar í dalnum við Reykjasel. Þær eru
allvatnsmiklar og varla undir 60° heitar. Þá var mér tjáð að
laugavæta, 30° heit, væri í Ögurnesi.
Eins og þegar er getið er landið kringum Ögur fremur hrjóstr-
ugt. Með sjónum eru þar víða valllendisgrundir, mjóar ræmur,
en vaxnar vinglum1) og fjallasveifgrasi,2) sem blandað er með
geldingahnappi,3) músaréyra4) o. fl. brómjurtum. Þá eru og
1) Festuca. 2) Poá alpina. 3) Armeria vulgaris. 4) Cerastium alpinum.