Náttúrufræðingurinn - 1952, Blaðsíða 58

102
NÁTTÚRUFRÆÐINGURINN
Skuggamyndir voru sýndar ineð flestum erindanna, og umræður urðu að flestum er-
indunum loknum. Aðsókn að fundunum var að meðaltali 28 manns.
Dagana 14.—15. ágúst var farin fræðsluferð lil Hagavatns undir leiðsögn Jóns Ey-
þórssonar, veðurfræðings. Þátttakendur voru 10.
1949
Félagið gekkst fyrir 8 samkomum í 1. kennslustofu Háskólans. Á samkomunum voru
þessi erindi flutt:
10. janúar: Dr. Giinter Timmermann: „Leyndardómar gauksins".
31. janúar: Hermann Einarsson, dr. phil.: „Rannsóknir á sunnlenzkri síld“.
28. febrúar: Trausti Einarsson, prófessor, Þorbjörn Sigurgeirsson, mag. scient. og Sig-
urður Þórarinsson, fil. dr.: „Um Geysi í Haukadal".
28. marz: Þór Guðjónsson, veiðimálastjóri: „Um fiskirækt í ám og vötnum".
25. apríl: Sigurður H. Pétursson, dr. phil.: „Um gerlana í sjónum".
30. maí: Unnsteinn Stefánsson, efnafræðingur: „Sjórannsóknir á norðlenzka síldar-
svæðinu".
31. október: Fundur helgaður 60 ára afmæli félagsins. Finnur Guðmundsson, dr. rer.
nat., flutti erindi um Náttúrugripasafnið. Sigurður Þórarinsson, fil. dr., ræddi um
„Náttúrufræðifélagið, fortíð þess og framtíð" og flutti síðan erindi: „Um náttúru-
vernd".
22. nóvember: Guðmundur Kjartansson, mag. scient.: „Um Þjórsárhraun".
Skuggamyndir voru sýndar með öllum erindunum og kvikmynd með erindinu 28.
marz. Nokkrar umræður urðu að flestum erindunum loknum. Aðsókn að fundunum
var að meðaltali 32 manns.
(
60 ára afmæli félagsins
Þann 16. júlí 1949 átti Hið íslenzka náttúrufræðifélag 60 ára afmæli. I tilefni af af-
mælinu var efnt til fræðslu- og skemmtiferðar um Krísuvík og Selvog til Þingvalla
sunnudaginn 17. júlí. Leiðsögumenn voru stjórnendur félagsins. Þátttakendur voru 40
og fengu hið ákjósanlegasta veður. Skoðað var Grænavatn, farið út í Selvog og Þorláks-
höfn og gróðurathuganir gerðar, þar sem við var komið. Á Þingvöllum var sameigin-
legt borðhald í Valhöll. Að því loknu var skotið á fundi uppi á rimanum milli Flosa-
gjár og Nikulásargjár. Þar kvaddi formaður félagsins sér hljóðs, rakti í stuttu máli sögu
félagsins og ræddi um tilgang þess og tilkynnli síðan, að stjórn félagsins hefði í tilefni
af afmælinu gert eftirtalda menn að heiðursfélögum: Árna Thorsteinsson, tónskáld,
Jóhannes Jóhannesson, fyrrv. bæjarfógeta, Sigurð Kristjánsson, bóksala — en þessir þrír
voru meðal stofnenda félagsins — Pál Einarsson, fyrrv. hæstaréttardómara, sem var
mcðal stofnenda fyrirrennara félagsins, Náttúrufræðifélagsins i Kaupmannahöfn, 1887,
og Valtý Stefánsson, ritstjóra, fyrir margháttaðan stuðning við félagið. Tveir hinna
nýkjörnu heiðursfélaga voru viðstaddir, þcir Páll Einarsson og Valtýr Stefánsson, og
þökkuðu þeir með ræðum. Hinn síðarnefndi gaf í þakkarræðu sinni fyrirheit um að
gefa félaginu útgáfuréttinn að Plöntunum eftir Stefán Stefánsson, skólameistara, þegar
núverandi upplag væri þrotið, ef félagið óskaði þess þá. Frá Þingvöllum var síðan ekið
til Reykjavíkur.