Náttúrufræðingurinn - 1971, Blaðsíða 64

268
NÁTTÚRUFRÆÐINGTJRINN
Samkomur
Haldnar voru 6 fræðslusamkomur á árinu, og voru að venju haldin fræðslu-
erindi um náttúrufræði. Að erindunum loknum urðu ávallt nokkrar umræður.
Fjórar samkomur voru í 1. kennslustofu Háskólans, en tvær í Norræna húsinu.
Fyrirlesarar og erindi voru þessi:
Janúar: Ingimar Oskarsson: Um íslenzka undafífla.
Febrúar: Kristján Sæmundsson: Hraunlög frá lilýskeiðum ísaldar í Holtum,
Hreppum og Landssveit.
Marz: Þorbjörn Sigurgeirsson: Segulmælingar úr loíti og gerð jarðskorpunnar
suðvestanlands.
April: Arnþór Garðarsson: Fæðuval rjúpunnar.
Október: Sigurður Þórarinsson: Um öskulagafræði.
Nóvember: Aðalsteinn Sigurðsson: Sjávardýr við Surtsey.
Samkomurnar sóttu 555 manns eða um 93 að meðaltali. Mest aðsókn var 130
manns, en minnst 55 manns.
Fræðsluferðir
Farnar voru 4 fræðsluferðir, þrjár hálfsdagsferðir og ein þriggja daga ferð.
Fyrsta fræðsluferðin var farin um Reykjavík og Seltjarnarnes fimmtudaginn
15. maí. Skoðað var m. a. fjörumór í Seltjiirn, fuglalíf við Bakkatjörn, blágrýtis-
myndanir við Viðeyjarsund, setlög í Háubökkum við Elliðavog, Elliðaárliraun
og setlög í Fossvogi. Veður var gott og þátttakendur voru um 90. Leiðbeinendur
voru Guðfinna Ragnarsdóttir, Halldór Kjartansson, Jón B. Sigurðsson, Ólafur
B. Guðmundsson og Þorleifur Einarsson.
Onnur lræðslulerðin var farin út í Viðey sunnudaginn 15. júní. Út í eyna
fóru um 200 manns, og komust færri en vildu. Veður var þungbúið og rign-
ingarsuddi öðru hverju. Leiðbeinendur voru Arnþór Garðarsson, Haukur
Tómasson, Jón B. Sigurðsson, Þór Magnússon og Þorleilur Einarsson.
Þriðja ferðin var grasafræðiferð að Tröllafossi sunnudaginn 6. júlí. Veður var
gott og þátttakendur 30. Leiðbeinendur voru Eyþór Einarsson og Ólafur B.
Guðmundsson.
Langa ferðin var farin dagana 22.-24. ágúst á Torfajökulssvæðið. Farið var
um Þingvelli, Laugardal, Þjórsárdal, Sölvahraun og tjöldum slegið við Land-
mannahelli.
Á laugardeginum var ekið í Hrafntinnusker og að Hrafntinnuhrauni og litast
þar um. Síðan var ekið í Hvanngil í slagviðri og roki og varð aðeins fáeinum
tjöldum kontið ujtp vegna veðurofsa. Flestir gistu í leitarmannakofa eða í bíl-
unum, en einn bíll var þá þegar um nóttina sendur til Reykjavíkur.
Daginn eftir var gengið að Torfahlaupi við Markarfljót og síðan ekið sem leið
liggur niður Rangárvelli hjá Keldum og komið til Reykjavíkur um kvöldið.
Þátttakendur voru um 140. — Má segja, að ferð þessi hafi verið hin ævintýra-
legasta og miðað við aðstæður tekizt sæmilega, þótt færra yrði skoðað en til
stóð sökum óveðurs. Leiðbeinendur voru Guðfinna Ragnarsdóttir, Jens Tómas-