Náttúrufræðingurinn - 1974, Side 24

146
N ÁTT Ú RU F RÆÐINGURINN
1. mynd. Hagafell og gígaröðin.
sjá. Þaðan liggur svo röð af smágígum upp suðvesturlilíðina á Haga-
felli og eru þar snotrar hrauntraðir (1. mynd), sem sýna, að þarna
hefur verið hraunfoss. Ur ofangreindum gígum er meginhluti þess
hrauns kominn, sem á kortinu ber nafnið Klifhólahraun. Gíga-
röðin er svo lítt áberandi á kafla norðan undir Gálgaklettum, en
þeir eru misgengi, sem stefnir eins og gígaröðin frá suðvestri til
norðausturs. Hún er þar á kafla tvískipt og stefna hennar lítið eitt
óregluleg, gígirnir smáir og hraunhellan, sem myndazt hefur kring-
um þá á sléttunni norðan við Gálgakletta, vafalaust þunn. Frá þess-
um gígum hefur hraun runnið í þrjár áttir, til austurs norðan við
Gálgakfetta, til suðvesturs eins og áður er nefnt og loks til norð-
vesturs og norðurs. Örmjór hraunfoss hefur fallið niður á Selháls,
þar sem vegurinn liggur nú, en numið þar staðar. Hefur lnaunið
runnið þar út á jarðhitasvæði, sem virkt hefur verið, þegar hraunið
rann og væntanlega nokkru eftir það. Verður vikið að því síðar.
Allbreiður hraunfoss hefur svo fallið norður af fellinu og runnið
út á forna gjallgígi, sem þar eru fyrir. Er vegurinn skorinn gegn-